ວັນທີ 15 ມິຖຸນາ 2021ນີ້ ປກສ ນວ ໄດ້ລົງກວດພົບເຫັນກຸ່ມໄວລຸ້ນ 5 ຄົນ, ຍິງ 3 ຄົນ ທີ່ກຳລັງມົ້ວສຸມ ແລະ ພົບສິ່ງທີ່ຜິດກົດໝາຍ ມີ: ຖົງໃສ່ຜົງເຄ ຈຳນວນ 4 ຖົງ, ມີຜົງເຄ 3 ຖົງ, ຖົງເປົາ 1 ຖົງ, ຖົງເຄຢູ່ໃນຈານ 2 ຈານ, ໄພ້ 1 ໃບ ແລະ ຢາອີຈຳນວນ 5 ປ່ຽງ ( ປະມານ 2 ເມັດ ) ຈິງໄດ້ກັກຕົວພວກກ່ຽວມາສອບສວນ ຈິ່ງຮູ້ໄດ້ວ່າ:
ກຸ່ມໄວລຸ້ນ ຈຳນວນ 5 ຄົນ, ຍິງ3 ຄົນ, ເປັນນັກສຶກສາ 2ຄົນ, ຄ້າຂາຍ1ຄົນ, ກຳມະກອນ 1ຄົນ ແລະ ວ່າງງານ 1 ຄົນ ເຊິ່ງການກະທຳຂອງພວກກ່ຽວແມ່ນຜິດຕໍ່ປະມວນກົດ ໝາຍ ອາຍາມາດຕາ 314 ວ່າດ້ວຍການຜະລິດ, ຄ້າຂາຍ, ຈຳໜ່າຍຂົນສົ່ງ ມີໄວ້ຄອບຄອງ ຫຼື ນຳເຂົ້າ.
ໃນໄລຍະການປ້ອງກັນສະກັດກັ້ນການແຜ່ລະບາດຂອງພະຍາດໂຄວິດ-19, ເຊິ່ງຜ່ານມາ ກຸ່ມແກ້ງຈໍານວນໜຶ່ງ ໄດ້ລີ້ຊ່ອນເຄື່ອນໄຫວກະທໍາຜິດ ເພື່ອຫຼົບຫຼີກການອອກກວດກາລາດຕະເວນຂອງເຈົ້າໜ້າທີ່ ຈຶ່ງເກີດໜ້າສົງໃສຫັນໄປໃຊ້ເຮືອນພັກ, ໂຮງແຮມ ແລະ ສະຖານທີ່ລີ້ລັບເປັນບ່ອນເຄື່ຶຶອນໄຫວ ເພາະສະນັ້ນ, ເພື່ຶອຕ້ານ ແລະ ສະກັດກັ້ນພະຍາດດັ່ງກ່າວນີ້.
ກອງບັນຊາການ ປກສ ນວ ໄດ້ຮຽກຮ້ອງໃຫ້ບັນດາຫົວໜ່ວຍທຸລະກິດ, ເຈົ້າຂອງກິດຈະການ ແລະ ປະຊາຊົຍນທຸກຊັ້ນຄົນ ຈົ່ງຊ່ວຍກັນເປັນຫູເປັນຕາຕິດຕາມ ໃນການຮັກສາຄວາມສະຫງົບ, ຄວາມເປັນລະບຽບຮ້ອຍ ຢູ່ໃນນະຄອນຫຼວງວຽງຈັນ ຖ້າເຫັນພຶດຕິກຳທີ່ບໍ່ສອດຄ່ອງ ແມ່ນໃຫ້ແຈ້ງມາທາງເບີວອດແອັບ 02028899774
