ໃນວັນທີ 17 ມິຖຸນາ 2021 ຜ່ານມານີ້. ໂຮງຮຽນ 712 ໄດ້ຈັດພິທີປິດຊຸມອົມຮົມໃຫ້ແກ່ນັກຮຽນກໍ່ສ້າງຍນາຍສິບ ຊຸດທີ່ III ປະຈໍາປີ 2020-2021 ທີ່ເດີ່ນໂຮງຮຽນ 712.
ໂດຍ ການເປັນປະທານຂອງ ສະຫາຍ ພົນຈັດຕະວາ ສີພັນ ພຸດທະວົງ ຫົວໜ້າກົມທະຫານຊາຍແດນ, ມີເຈົ້າເມືອງທ່າພະບາດ, ໂຮງຮຽນ, ກອງບັນຊາການ ປກສ-ປກຊ ເມືອງອ້ອມຂ້າງ, ຄູ-ອາຈານ ພ້ອມດ້ວຍນັກຮຽນເຂົ້າຮ່ວມ.
ສະຫາຍ ພັນໂທ ຈັນພອນ ທອງສອນ ຄະນະພັກ ຫົວໜ້າພະແນກອົມຮົມໂຮງຮຽນ 712 ໄດ້ຂື້ນຜ່ານບົດສະຫຼຸບໃນການຈັດຕັ້ງອົບຮົມໃຫ້ແກ່ນັກຮຽນກໍ່ສ້າງນາຍສິບຈໍານວນ 202 ສະຫາຍ ຜ່ານມາເປັນເວລາ 10 ເດືອນ, ໃນນີ້ວິຊາທີ່ນໍາມາອົບຮົມລວມມີ: ສິນລະປະຍຸດ, ຍຸດທະວິທີ, ການເມືອງ ແລະ ລະບຽບງົດງາມ, ຄອມພິວເຕີ, ພາສາອັງກິດ, ກົດໝາຍຊາຍແດນ, ສືບຂ່າວຊາຍແດນ, ຄຸ້ມຄອງປ້ອງກັນຊາຍແດນ.
ຜ່ານການຮຽນສາມາດບັນລຸຜົນສໍາເລັດໄດ້ຄື: ຜົນການສອບເສັງປະເພດດີເລີດໄດ້ 125 ສະຫາຍ, ດີ 77 ສະຫາຍ. ຈາກຜົນການຮຽນ ແລະ ການສອບເສັງໃນຄັ້ງນີ້ເຮັດໃຫ້ນັກຮຽນດີ, ຮຽນເກັ່ງໄດ້ຮັບການຍ້ອງຍໍຈຳນວນ 50 ສະຫາຍ, ໃນນັ້ນ.ໄດ້ຮັບການຍ້ອງຍໍຂັ້ນກົມຊາຍແດນ ຈຳນວນ 20 ສະຫາຍ ແລະ ຂັ້ນໂຮງຮຽນ ຈໍານວນ 30 ສະຫາຍ.
ນີ້ມັນສະແດງເຖິງຜົນງານດີເດັ່ນຂອງນັກຮຽນຜູ້ທີ່ເອົາໃຈໃສໃນການຄົ້ນຄົ້ວຮໍ່າຮຽນຮອບດ້ານ. ພ້ອມຈັດພິທີມອບໃບປະກາສະນີຍະບັດໃຫ້ແກ່ນັກຮຽນກໍ່ສ້າງນາຍຊຸດທີ III ຢ່າງສົມກຽດ.
