ເຊື່ອວ່າຫຼາຍຄົນອາດຈະເຄີຍເຫັນຜ່ານໜັງ ຫຼື ກະຕູນໃນເກມມາແດ່ແລ້ວ ກັບສາກທີ່ປາວານກືນກິນຄົນທັ້ງຕົວແລ້ວເຮັດໃຫ້ພວກເຂົາທີ່ຕິດຢູ່ໃນທ້ອງຕ້ອງພະຍາຍາມຫາທາງອອກມາຈົນໄດ້.
ແຕ່ເລື່ອງນີ້ມັນເປັນເລື່ອງແທ້ທີ່ເກີດຂື້ນກັບຊາຍຄົນໜຶ່ງທີ່ຖືກປາວານ”ວານຫຼັງຄ່ອມ”ກືນເຂົ້າໄປໃນທ້ອງທັງຕົວ ແຕ່ສາມາດລອດຊີວິດອອກມາໄດ້ ແລະ ເລົ່າປະສົບການໃຫ້ຟັງ
ຊາຍຄົນນີ້ຊື່ Michael pakard ນັກດຳນ້ຳຈັບກຸ້ງລ໊ອບສ໌ເຕີ ຈາກລັດແມດຊາຊູເຊັດ ສະຫະລັດອາເມລິກາໃນມື້ເກີດເຫດ 11ມີຖຸນາ 2021 ຊາຍຄົນນີ້ໄດ້ເລົ່າວ່າ : ຕົນໄດ້ອອກໄປດຳນ້ຳຈັບກຸ້ງຕາມປົກກະຕິແຖວແຄມຊາຍຫາດ Herring Cove
ຂະນະທີ່ກຳລັງດຳນ້ຳລົງໄປເລິກພໍສົມຄວນ ຢູ່ໆກໍ່ມືດຕັນໄປເລີຍ ແລະ ຕົນເຂົ້າໃຈວ່າກຳລັງຢູ່ໃນທ້ອງຂອງປາສະຫຼາມ ແຕ່ຄວາມຈິງແລ້ວມັນເປັນສິ່ງທີ່ມີຊີວິດທີ່ໃຫ່ຍກວ່ານັ້ນ ໂດຍທີ່ບໍ່ຮູ້ຊະຕາກຳຂອງຕົນເອງເລີຍ.
ລາວຍັງເລົ່າອີກວ່າ : ຕອນທີ່ຢູ່ໃນທ້ອງຂອງປານັ້ນຕົນເອງຄິດວ່າແນວໃດກໍ່ຄົງບໍ່ລອດອອກໄປແນ່ນອນ ສິ່ງແລກທີ່ຄິດໄດ້ ຄືຄິດເຫັນໜ້າລູກ2ຄົນ.ແຕ່ໂຊກຍັງດີປະຕິຫານຊ່ວຍໄວ້ ຢູ່ໆປາວານກໍ່ຄ້າຍເຂົາອອກມາ ແລະ ມີຄົນຫາປາມາພົບເຫັນໃນເວລາຕໍ່ມາ
ຢ່າງໃດກໍ່ຕາມຊາຍຄົນນີ້ຍັງມີອາການຊ້ຳຫຼາຍບ່ອນຕາມຮ່າງກາຍຕ້ອງຮັກສາຕົວຕໍ່ໃນໂຮງໝໍຈົນກວ່າອາການຈະດີຂື້ນ
