ທ່ານ ດຣ. ເຄທ ໂອໄບຣອັນ ຫົວໜ້າຝ່າຍວັກຊີນຂອງອົງການອະນາໄມໂລກ ( WHO ) ເປີດເຜີຍວ່າ: ວັກຊີນປ້ອງກັ ນໂ ຄ ວິ ດ – 19 ທີ່ໄດ້ຮັບອະນຸມັດນຳໃຊ້ແບບສຸກເສີນທົ່ວໂລກໃນຂະນະນີ້ ໄດ້ອອກແບບມາເພື່ອກະຕຸ້ນພູມຄຸ້ມກັນໃນຮ່າງກາຍຂອງມະນຸດ.
ເພື່ອຕໍ່ສູ້ກັບໄວຣັ ສໂຄ ວິ ດ ແຕ່ວິທີການຜະລິດແອນຕີບໍດີຂອງວັກຊີນແຕ່ລະຊະນິດຈະແຕກຕ່າງກັນ ເຊິ່ງຫາກຢຶດຖືຕາມພື້ນຖານຂອງການເຮັດໜ້າທີ່ຂອງວັກຊີນ ຄິດວ່າການໃຊ້ວັກຊີນຕ່າງຊະນິດກັນໄດ້ຜົນໃນການປ້ອງກັນໂ ຄ ວິ ດ.
ທັງນີ້, ທີມນັກວິທະຍາສາດຈາກມະຫາວິທະຍາໄລອັອກຟອດຂອງອັງກິດ ກຳລັງທົດລອງການໃຊ້ວັກຊີນປ້ອງກັນໂຄວິດໃນຮູບແບບ 2 ໂດສ ຕ່າງຊະນິດກັນໂດຍທົດລອງລະຫວ່າງວັກຊີນແອັສຕຣາເຊເນກາ, ໂມເດີນາ, ໂນວາແວັກ ແລະ ຟາຍເຊີ,
ນອກຈາກນີ້ຍັງມີການທົດລອງຢູ່ປະເທດແອັດສະປາຍ ແລະ ເຢຍລະມັນອີກດ້ວຍ. ແນວໃດກໍຕາມ, ນັກວິໄຈກຳລັງຮວບຮວມຂໍ້ມູນ ເພື່ອໃຫ້ແນ່ໃຈຕື່ມອີກວ່າການໃຊ້ວັກຊີນ 2 ເຂັມຕ່າງຊະນິດກັນມີປະສິດທິພາບສູງ ແລະ ປອດໄພແທ້ ຫຼື ບໍ່.
