ການປະຕິບັດແຜນງົບປະມານ 5 ເດືອນຕົ້ນປີ ແລະ ຄາດຄະເນໝົດປີ 2021 ຂອງແຂວງວຽງຈັນ

ການຈັດຕັ້ງປະຕິບັດແຜນງົບປະມານແຫ່ງລັດກໍຄືມະຕິຂອງສະພາປະຊາຊົນແຂວງວຽງຈັນຮັບຮອງ, ຊຶ່ງນັບແຕ່ເດືອນມັງກອນຫາເດືອນພຶດສະພາ 2021 ພະແນກການເງິນແຂວງວຽງຈັນ, ສາມາດປະຕິບັດລາຍຮັບໄດ້ທັງໝົດ 53,38 ຕື້ກີບ ຫຼື ເທົ່າກັບ 24,69% ຂອງແຜນການປີ. ທ່ານ ຄຳເຫັຼກ ທອງສະຫວັນ ຫົວໜ້າພະແນກການເງິນແຂວງວຽງຈັນ ໄດ້ລາຍງານຕໍ່ກອງປະຊຸມສະຫຼຸບການຈັດຕັ້ງປະຕິບັດ 5 ເດືອນຕົ້ນປີ ແລະ ຄາດຄະເນແຜນການປີ 2021 ຂອງຂະແໜ່ງການເງິນຜ່ານລະບົບ VDO Conference ຊຶ່ງໄດ້ຈັດຂື້ນໃນຫວ່າງບໍ່ດົນຜ່ານມານີ້, ໂດຍການເປັນປະທານຂອງທ່ານ ບຸນໂຈມ ອຸບົນປະເສີດ ລັດຖະມົນຕີກະຊວງການເງິນ.

ສຳລັບການຈັດຕັ້ງປະຕິບັດແຜນງົບປະມານເລີ່ມແຕ່ວັນທີ 1 ມັງກອນ 2021 ມາຮອດວັນທີ 31 ພຶດສະພາ 2021 ການເກັບລາຍຮັບໃນ 5 ເດືອນປະຕິບັດໄດ້ທັງໝົດ 53,38 ຕື້ກີບ. ໃນນັ້ນ, ພູດສູນກາງປະຕິບັດໄດ້ 648 ລ້ານກີບເທົ່າກັບ 15,01% ແລະ ພູດທ້ອງຖິ່ນປະຕິບັດໄດ້ 52,54 ຕື້ກີບເທົ່າກັບ 24,89% ແລະ ຄາດຄະເນລາຍຮັບໝົດປີຈະປະຕິບັດໄດ້ 147,27 ຕື້ກີບເທົ່າກັບ 68,12% ຂອງແຜນການປີ (ແຜນການປີ 216,19 ຕື້ກີບ).ໃນນັ້ນ, ພູດສູນກາງຈະປະຕິບັດໄດ້ 1 ຕື້ກີບເທົ່າກັບ 23,15% ຂອງແຜນການປີ (ແຜນການ 4,32 ຕື້ກີບ) ແລະ ພູດທ້ອງຖິ່ນຈະປະຕິບັດໄດ້ 146,27 ຕື້ກີບເທົ່າກັບ 69,04% ຂອງແຜນການປີ (ແຜນການ 211,87 ຕື້ກີບ).

ດ້ານລາຍຈ່າຍໄດ້ເອົາໃຈໃສ່ອະນຸມັດລາຍຈ່າຍເງິນເດືອນມາຮອດປັດຈຸບັນສຳເລັດການເບີກຈ່າຍເງິນເດືອນ 5 ປີ 2021, ສ່ວນການເບີກຈ່າຍເງິນຮ່ວງບໍລິຫານ ແລະ ດັດສົມກໍໄດ້ແກ້ໄຂໃຫ້ບາງຂະແໜງການທີ່ຈຳເປັນເພື່ອແກ້ໄຂວຽກງານ, ສ່ວນເງິນລົງທຶນບ້ວງເລື່ອນຈ່າຍປະຕິບັດໄດ້ 79,94% (ແຜນເລື່ອນຈ່າຍ 24,83 ຕື້ກີບ ) ແລະ ຈະປະຕິບັດໃຫ້ສຳເລັດໃນ 6 ເດືອນຕົ້ນປີ; ສຳລັບບ້ວງລົງທຶນປົກກະຕິປີ 2021 ຍັງບໍ່ທັນໄດ້ຈັດຕັ້ງປະຕິບັດເນື່ອງຈາກບໍ່ທັນໄດ້ຮັບແຈ້ງແຜນຂອງກະຊວງແຜນການ ແລະ ການລົງທຶນ, ໂດຍລວມແລ້ວການຈັດຕັ້ງປະຕິບັດແຜນງົບປະມານ ແຂວງວຽງຈັນແມ່ນໄດ້ເອົາໃຈໃສ່ປະຕິບັດຕາມຄຳແນະນຳ ແລະ ລະບຽບການເປັນຕົ້ນ: ແມ່ນມາດຕະການສະກັດກັ້ນການແຜ່ລະບາດຂອງພະຍາດໂຄວິດ -19 ແຕ່ເຫັນວ່າມີສິ່ງຖ້າທາຍຫລາຍປະການທີ່ມີຜົນກະທົບເປັນຕົ້ນ: ຂົງເຂດບໍລິ ການ, ທ່ອງທ່ຽວ, ການຜະລິດຂອງໂຮງຈັກ, ໂຮງງານແມ່ນໂຈະການຜະລິດ ແລະ ຍັງບໍ່ທັນໄດ້ຮັບການຜ່ອນຜັນໃຫ້ດຳເນີນການເທື່ອ.

ນອກຈາກນີ້, ຍັງມີຫຼາຍບັນຫາເປັນຜົນກະທົບຕໍ່ລາຍຮັບຂອງແຂວງແຕ່ເຖິງຢ່າງໃດ້ກໍຕາມແຂວງວຽງຈັນຍັງຮັກສາໄດ້ສະຖຽນລະພາບທາງດ້ານເສດຖະກິດ-ສັງຄົມ, ໂດຍສະເພາະແມ່ນໄດ້ຮັບການດຸ່ນດ່ຽງຈາກສູນກາງໄດ້ຕາມແຜນການງວດ.

ພາບ/ຂ່າວ: ປ່ຽນນິສາ

Southern Times News | ສານຂ່າວ ຈາກແດນໃຕ້

Sponsor by sokxay plus

ວີທີຊື້ເລກ ໄດ້ຮັບເງີນຄືນ 5% ໄດ້ແທ້ 100%

ພຽງເທົ່ານີ້ ກໍ່ຮັບໄປເລີຍ ສ່ວນຫຼຸດ 5% ງ່າຍ


About admin

Check Also

ໂຊກເຮັງ! ເສດຖີຄົນໃຫມ່ມາແລ້ວເດີ້

ໂຊກເຮັງ! ເສດຖີຄົນໃຫມ່ມາແລ້ວເດີ້. ເລກປະຈຳງວດ ວັນທີ່ 5/10/2022 ເຊີ່ງ ເສດຖີຄົນນີ້ໄດ້ຊື້ ຕົວເລກຖືກລາງວັນຊະນະເລີດ 6 ຕົວໂດຍຕົງ ດີໃຈນຳຜູ້ໂຊກດວງເຮັງທີ່ເປັນເສດຖີຂ້າມຄືນໃນຄັ້ງນີ້ເດີ … … ຊົມຄຼິບ ເລທີ່ອອກ …

Leave a Reply

Your email address will not be published.

Recent Comments

No comments to show.