Breaking News

ທຸດົງຮອດນະຄອນຫຼວງແລ້ວເດີ້

ຮອດມື້ນີ້ເປັນເວລາ 2 ເດືອນເຕັມໆທີ່ຄະນະພະສົງ ຈາກວັດອຳພາພອນອອກທຸດົງສູ່ແຂວງຫຼວງພະບາງ ເຊິ່ງມື້ນີ້ມາຮອດນະຄອນຫຼວງວຽງຈັນແລ້ວ ແລະນອນພັກທີ່ວັດທາດຫຼວງກາບໄຫວ້ພະທາດຫຼວງວຽງຈັນກ່ອນອອກເດີນທາງຕໍ່ໄປຍັງຈຸດໝາຍທີ່ເມືອງມໍລະດົກໂລກ.

ພະອາຈານສົມຄວນ ທຳມະວົງສາ ໃຫ້ຮູ້ວ່າ: ຄະນະສົງ​ຍ່າງ​ຈາ​ຣິ​ກ​ທຸ​ດົງ, ບູຊາ​ພະ​ລັດຕະນະ​ໄຕ, ບູຊາ​ແຜ່ນດິນລາວ ຄືນນີ້ຂໍຂາບໄຫວ້ຂໍພອນອົງພະທາດຫລວງວຽງຈັນ, ​ພັກຈຳວັດ.​ທີ່​ ວັດທາດຫລວງໃຕ້ ບ້ານທາດຫລວງໃຕ້ ເມືອງໄຊເສດຖາ ນະຄອນຫລວງວຽງຈັນ… ຫຼັງຈາກທີ່ໄດ້ອອກເດີນທາງມາຈາກວັດອຳພາພອນ ບ້ານວັງໂຄນຄຳ​ ເມືອງຊົນະບູລີ​ ແຂວງສະຫວັນະເຂດ…​ຄື…​09/11/20​20​ຮອດທາດຫລວງ09/01​/20​21ຈົວນ້ອຍດີໃຈຄັກໄດ້ຂາບໄຫວ້ພະທາດຫລວງ…

ຄະນະສົງ ວັດອຳພາພອນ ບ້ານວັງໂຄນຄຳ ເມືອງຊົນະບູລີ ແຂວງສະຫວັນະເຂດ ເຊິ່ງກ່ອນໜ້ານີ້ເຄີຍທຸດົງແຕ່ແຂວງສະຫວັນນະເຂດມາຍັງນະຄອນຫຼວງວຽງຈັນ ເພື່ອເຂົ້າຮ່ວມງານຊາປານະກິດຂອງ ພຣະມະຫາງອນດຳລົງບຸນ ຕອນນີ້ພວກເພິ່ນກຳລັງຈາຣິກທຸດົງ(ຍ່າງ)ໄປຍັງແຂວງຫຼວງພະບາງ ຖ້າຊາວພຸດທະສາສະໜາຮ່ວມໃສ່ບາດເພິ່ນລະຫວ່າງທາງຄົງເປັນບຸນໜັກແລ!

ຄະນະສົງນຳໂດຍ ພະອາຈານ ສົມຄວນ ທຳມະວົງສາ ພ້ອມສຳມະເນນອີກ 11 ອົງ ໄດ້ເລີ່ມອອກເດີນທາງແຕ່ວັນທີ 9 ພະຈິກ 2020 ນີ້ ຈາກວັດອຳພາພອນ ເພື່ອໄປຫາເປົ້າໝາຍປາຍທາງ.’

ສຳລັບເສັ້ນທາງທີ່ຄະນະສົງຈະທຸລະດົງຜ່ານແມ່ນມີ ແຂວງສະຫວັນນະເຂດ, ຄຳມ່ວນ, ບໍລິຄຳໄຊ, ນະຄອນຫຼວງວຽງຈັນ, ແຂວງວຽງຈັນ, ໄຊຍະບູລີ ແລະສິ້ນສຸດປາຍທາງທີ່ຫຼວງພະບາງ.

ການຍ່າງຈາຣິກທຸດົງ ຂອງຄະນະສົງຄັ້ງນີ້ແມ່ນເພື່ອ ບູຊາພະລັດຕະນະໄຕ ຄື ພະພຸດທະເຈົ້າ,ພະທຳມະເຈົ້າ,ພະສັງຄະເຈົ້າ,ບູຊາແຜ່ນດິນລາວທີ່ໄດ້ພັກພາອາໄສ.

ບຸນກຸສົນທີ່ເກີດຈາກການຍ່າງຈາຣິກທຸດົງໃນເທື່ອນີ້,ຂໍອຸທິດສ່ວນບຸນສ່ວນກຸສົນໃຫ້ແດ່ວີລະບຸລຸດ,ວິລະສະຕີໃນຜືນແຜ່ນດິນລາວ,ແລະສັບພະສັດທັງຫຼາຍໂດຍບໍ່ມີປະມານຈົ່ງມີສ່ວນແຫ່ງບຸນໃນເທື່ອນີ້ດ້ວຍໄດ້ພະນິບພານດ້ວຍກັນທຸກທ່ານດ້ວຍເຖີດ

ຂໍໃຫ້ທຸກທ່ານຈົ່ງພົບພຣະນິບພານທຸກທ່ານເທີ້ນ.​ແຜ່ເມດຕາຈິດແດ່ບິດາມານດາຄູອຸປັດຊາອາຈານແລະສັບພະສັດທັງຫລາຍທັງປວງໄດ້ບໍຣົມມະສຸກທຸກທ່ານເທິ້ນ.

Sponsor by sokxay plus

ວີທີຊື້ເລກ ໄດ້ຮັບເງີນຄືນ 5% ໄດ້ແທ້ 100%

ພຽງເທົ່ານີ້ ກໍ່ຮັບໄປເລີຍ ສ່ວນຫຼຸດ 5% ງ່າຍ


About admin

Check Also

ປະຕິບັດວິໄນ ນາຍ ແລະ ພົນຕໍາຫຼວດ

ປະຕິບັດວິໄນ ນາຍ ແລະ ພົນຕໍາຫຼວດ ປະຕິບັດວິໄນ ນາຍ ແລະ ພົນຕໍາຫຼວດ ຈຳນວນ 5 ສະຫາຍກະທໍາຜິດຕໍ່ກົດໝາຍ ຖານກ່ຽວພົວພັນເສບຢາເສບຕິດ (ປະເພດຢາບ້າ). ທ່ານ ພັນໂທ …

Leave a Reply

Your email address will not be published.

Recent Comments

No comments to show.