ໄຟໄໝ້ໂຮງໝໍຢູ່ອີຣັກ ເສຍຊີວິດ 80 ກວ່າຄົນ
ຂປລ.ຕາມຂ່າວຈາກ ບັກດາດ,ວັນທີ25ເມສານີ້,ເກີດເຫດໄຟໄໝ້ ໂຮງໝໍ ໃນນະຄອນຫລວງ ບັກດາດ ຂອງອີຣັກ ເຮັດໃຫ້ ມີຜູ້ເສຍຊີວິດ 82ຄົນ ແລະ ບາດເຈັບອີກ 110ຄົນ ແຕ່ມີແນວໂນ້ມວ່າ ຜູ້ເສຍຊີວິດອາດ ຈະເພີ່ມຈຳນວນຂຶ້ນອີກ ເຊິ່ງເປັນໂຮງໝໍ ຮັບການປິ່ນປົວ ຜູ້ຕິດເຊື້ອ ໂຄວິດ-19.
ໃນເບື້ອງຕົ້ນ ຄາດວ່າ ສາເຫດ ມາຈາກ ຖັງອົກຊີເຈນ ລະເບີດ.ທັງນີ້ ລະບົບ ພື້ນຖານໂຄງລ່າງ ດ້ານສາທາລະນະສຸກ ອີຣັກ ໄດ້ຮັບຜົນກະທົບ ຢ່າງໜັກ ຈາກສົງຄາມ ແລະ ການບຸກລຸກ ຂອງກຸ່ມໄອເອສ ຍິ່ງກວ່ານັ້ນ ຍັງຜະເຊີນກັບ ການແຜ່ລະບາດ ໂຄວິດ-19 ເຊິ່ງຈຳນວນ ຜູ້ຕິດເຊື້ອ ເພີ່ມຂຶ້ນ
ແບບທະວີຄູນ ເຮັດໃຫ້ ມີຜູ້ຕິດເຊື້ອ ສະສົມ 1ລ້ານກວ່າຄົນ ແລະ ເສຍຊີວິດ 15.000 ກວ່າຄົນ./.
ຮຽບຮຽງຂ່າວໂດຍ ສະໄຫວ ລາດປາກດີ
