ການາດາເຕືອນ ສ່ວນຕ່າງໆຂອງໂລກກຳລັງຈະຮ້ອນເກີນກວ່າທີ່ມະນຸດຈະຢູ່ອາໄສໄດ້

🇨🇦 ການາດາເຕືອນ ສ່ວນຕ່າງໆຂອງໂລກກຳລັງຈະຮ້ອນເກີນກວ່າທີ່ມະນຸດຈະຢູ່ອາໄສໄດ້ ຫາກວ່າບໍ່ມີການເລັ່ງລົງມືແກ້ໄຂບັນຫາສະພາບພູມອາກາດຢ່າງຮີບດ່ວນ ແລະ ປັບຕົວຮັບມືກັບໂລກສຸດປັ່ນປ່ວນ ທີຄົນເຮົາສ້າງຂຶ້ນມາ.

ວິກິດສະພາບພູມອາກາດຮ້ອນໝາຍເຖິງລະດູຮ້ອນຈະກາຍເປັນໄລຍະເວລາທີມີຄວາມຮ້ອນອັນຕະລາຍຫລາຍຂື້ນ ໃນອາທິດນີ້ ໂດຍພຶ້ນທີ່ເຂດ ປາຊີຟິກຕາເວັນອອກສ່ຽງເໜືອ (ບາງສ່ວນຂອງອາເມລິກາ ແລະ ການາດາ) ໄດ້ປະເຊີນກັບອຸນຫະພູມທີ່ສູງທຸບສະຖິຕິ ເຊັ່ນໃນຫມູ່ບ້ານ lytton, British Columbia ປະເທດການາດາ ທີ່ສູງຈົນທຳລາຍສະຖິຕິໄປເຖິງ 49.6 ອົງສາ. ໃນວັນທີ 29 ມິຖຸນາທີ່ຜ່ານມາ ແມ່ນໄດ້ມີຜູ້ເສຍຊີວິດທ່າມກາງປະກົດການຄື້ນຄວາມຮ້ອນນີ້ຫລາຍຮ້ອຍຄົນ !

ນອກຈາກນີ້ປະກົດການຄື້ນຄວາມຮ້ອນອື່ນໆໃນເດືອນມິຖຸນາທີ່ຜ່ານມາ ອຸນຫະພູມໃນ 5 ປະເທດ ຕະເວັນອອກກາງສູງເຖິງ 50 ອົງສາ ຄວາມຮ້ອນສຸດຂີດໃນ ປາກີສະຖານ ໄດ້ເຮັດໃຫ້ເດັກນ້ອຍນັກຮຽນຈຳນວນ 20 ຄົນ ໃນຫ້ອງຮຽນໜຶ່ງ ເປັນລົມໝົດສະຕິ ແລະ ຕ້ອງໄດ້ນຳສົ່ງໂຮງໝໍເພື່ອຮັກສາຄວາມຄຽດຈາກຄວາມຮ້ອນ.

ຄວາມຮ້ອນທີ່ເພີ່ມຂື້ນຈາກການປ່ອຍອາຍແກ໊ສເຮືອນແກ້ວ ໝາຍຄວາມວ່າຄື້ນຄວາມຮ້ອນແບບນີ້ອາດເກີດຂື້ນຫລາຍ ໂດຍໃນປີ 2019 ເກີດມີຄື້ນຄວາມຮ້ອນໃນເອີລົບທີ່ເຮັດໃຫ້ມີຜູ້ເສຍຊີວິດ 2.500 ຄົນ.

ໃນພື້ນທີ່ສ່ວນໃຫຍ່ ຄື້ນຄວາມຮ້ອນສຸດຂີດເກີນກ່ວາປົກກະຕິຈະສົ່ງຜົນກະທົບຫຼາຍ ຕັ້ງແຕ່ການລົບກວນເສດຖະກິດ ໄປຈົນເຖິງອັດຕາຂອງການເສຍຊິວິດ ໂດຍສະເພາະແມ່ນເດັກນ້ອຍ ແລະ ຜູ້ສູງອາຍຸ ນອກຈາກນີ້ພື້ນທີ່ເອເຊຍ ແລະ ຕາເວັນອອກກາງກໍ່ອາດປະເຊີນຄວາມຮ້ອນແບບທີບໍ່ຄາດຄິດ.

ມະນຸດເຮົາແມ່ນສາມາດຢູ່ອາໄສໄດ້ໃນອາກາດທີ່ຮ້ອນປະມານ 50 ອົງສາ ເມືອມີຄວາມຊຸ່ມທີຕ່ຳ ແຕ່ເມື່ອມີອຸນຫະພູມທີຮ້ອນ ແລະ ຄວາມຊຸ່ມທີ່ສູງ ກໍຈະຍາກທີຮ່າງກາຍຈະເຢັນລົງໄດ້ ສິ່ງທີເປັນບັນຫາຄືອຸນຫະພູມ ໂດຍຄົນເຮົາຈະບໍ່ສາມາດຢູ່ໄດ້ຫາກອຸນຫະພູມສູງເກີນ 35 ອົງສາ ເນື່ອງຈາກຮ່າງກາຍບໍ່ສາມາດເຢັນລົງໄດ້, ສິ່ງທຳອິດທີມະນຸດເຮັດໄດ້ຄືການຫລຸດຜ່ອນການປ່ອຍອາຍແກ໊ສເຮືອນແກ້ວ ໃຫ້ໄດ້ຢ່າງໜ້ອຍເຄິ່ງໜຶ່ງຂອງທົດສະວັດ ແລະ ກ້າວໄປສູ່ການປ່ອຍອາຍກາກບອນໃຫ້ເປັນສູນໃນປີ 2050 ລວມໄປເຖິງການຟື້ນຟູຮັກສາທຳມະຊາດທັງເທິງບົກ ແລະ ທະເລ ເພື່ອບໍ່ໃຫ້ໂລກຮ້ອນຫລາຍເກີນ 1.5 – 2 ອົງສາ (ໃນຂະນະທີ່ອຸນຫະພູມເພີ່ມຂຶ້ນສະເລ່ຍ 1 ອົງສາ ທຽບໃສ່ກັບອຸນຫະພູມກ່ອນຍຸກອຸດສາຫະກຳ)

ການກຽມຕົວຮັບມືກັບປະກົດການຄື້ນຄວາມຮ້ອນໃນອານາຄົດ, ການວາງແຜນສາທາລະນະສຸກ ສຸກເສີນ ເປັນສິ່ງທີສຳຄັນ ທັງໃນການໃຫ້ຂໍ້ມູນຜູ້ຄົນ ແລະ ເຄື່ອນຍ້າຍຜູ້ຄົນທີ່ອາໄສຢູ່ໃນພື້ນທີ່ອາກາດຮ້ອນ ນອກຈາກນີ້ການພະຍາກອນຄື້ນຄວາມຮ້ອນຄວນທີຈະເຜີຍອຸນຫະພູມຮ້ອນໃຫ້ຜູ້ຄົນເຂົ້າໃຈເຖິງຄວາມອັນຕະລາຍຂອງມັນ.

Sponsor by sokxay plus

ວີທີຊື້ເລກ ໄດ້ຮັບເງີນຄືນ 5% ໄດ້ແທ້ 100%

ພຽງເທົ່ານີ້ ກໍ່ຮັບໄປເລີຍ ສ່ວນຫຼຸດ 5% ງ່າຍ


About admin

Check Also

ລັດຖະບານສາມາດຊຳລະໜີສິນໄດ້

ລັດຖະບານສາມາດຊຳລະໜີສິນ ສາທາລະນະໄດ້ຕາມແຜນ​ ແລະ​ ຮັບປະກັນບໍ່ໃຫ້ປະເທດທີ່ບໍ່ສາມາດຊຳລະໜີ້ສິນໄດ້. #ວີດີໂອລາວພັດທະນາ​ #ກອງປະຊຸມສະພາ​ #ການຊຳລະໜີ້ສິນ ຊົມຄລິບ ຂ່າວຕໍ່ໄປ ກຽມເປີດຈໍາໜ່າຍພັນທະບັດທະນາຄານແຫ່ງ ສປປ ລາວ ສະກຸນເງິນກີບ ງວດທີ 1 …

Leave a Reply

Your email address will not be published.

Recent Comments

No comments to show.