ເປັນອີກເລື່ອງລາວທີ່ກະທົບຈິດໃຈເຫຼືອເກີນ ສໍາລັບຂ່າວຢູ່ປະເທດໄທ ມີແອນ້ອຍເກີດໃໝ່ຕິດໂຄວິດ-19 ເຊິ່ງຜູ້ເປັນແມ່ຕ້ອງໄດ້ຕັດສິນໃຈປ່ອຍລູກໄປກັບທ່ານໝໍພຽງລໍາພັງເພື່ອເຂົ້າຮັບການປິ່ນປົວ.
ເລື່ອງເລົ່າເຊົ້ານີ້ ເພຈຂ່າວຂອງປະເທດໄທລາຍງານໃຫ້ຮູ້ວ່າ: ມີຜູ້ໃຊ້ເຟສບຸກທ່ານໜຶ່ງ ໄດ້ໂພສຄລິບວີດີໂອ ເປັນພາບທີ່ທຸກຄົນໄດ້ເຫັນແລເວຮູ້ສຶກບີບຫົວໃຈເຫຼືອເກີນ ເພາະເປັນພາບຊ່ວງເວລາທີ່ເຈົ້າໜ້າທີ່ ນໍາລົດໂຮງໝໍມາຮັບຕົວແອນ້ອຍເກີດໃໝ່ ເພາະຊາຍ ອາຍຸ 27ມື້ ເຊິ່ງຕິດເຊື້ອໂຄວິດ-19 ມາຈາກແມ່ເຖົ້າເຊິ່ງເປັນຜູ້ລ້ຽງດູ.
ໂດຍເຈົ້າໜ້າທີ່ຕ້ອງໃສ່ຊຸດ PPE ປ້ອງກັນເຊື້ອມາຮັບຕົວແອນ້ອຍຈາກອ້ອມກອດຂອງແມ່ ພ້ອມກັບສິ່ງຂອງເຄື່ອງໃຊ້ທີ່ຈໍາເປັນສໍາລັບແອນ້ອຍ ຂະນະທີ່ຜູ້ເປັນແມ່ຂອງແອນ້ອຍນັ້ນ ຍັງບໍ່ສາມາດຕິດຕາມໄປດູແລລູກຂອງຕົນເອງໄດ້ເທື່ອ ເນື້ອງຈາກຜົນຂອງການກວດຫາເຊື້ອຂອງແມ່ນັ້ນຍັງອອກເປັນລົບ ແມ່ຈຶ່ງຕ້ອງກັກຕົວຕໍ່ຢູ່ເຮືອນ ເພື່ອຖ້າຜົນກວດຮອບສອງອີກຄັ້ງ.
ສ່ວນຕົວແອນ້ອນເອງ ເຈົ້າໜ້າທີ່ໄດ້ຮັບຕົວໄປປິ່ນປົວຢູ່ໂຮງໝໍ ໂດຍຈະດູແລຮ່ວມກັບແມ່ເຖົ້າທີ່ຕິດເຊື້ອໂຄວີດ-19 ມາກ່ອນໜ້ານີ້, ເຊິ່ງທຸກຄົນທີ່ເຫັນພາບນີ້ຕ່າງກໍ່ຮູ້ສຶກບີບຫົວໃຈ ແລະ ສົງສານແອນ້ອຍ ທີ່ອາຍຸຍັງບໍ່ຮອດ 1ເດືອນ ແຕ່ກັບຕ້ອງມາຕິດເຊື້ອພະຍາດໂຄວິດ-19.
