ໄທນັດເຈລະຈາລາວ ເພື່ອເປີດດ່ານຂົນສົ່ງສິນຄ້າ ສາລະວັນ-ອຸບົນ

ທ່ານຮອງລັດຖະມົນຕີກະຊວງການຄ້າ (ປະເທດໄທ) ຍືນຍັນກັບພາກເອກະຊົນໄທໃນຈັງຫວັດອຸບົນລາຊະທານີ ວ່າມີການປຶກສາຫາລືກັບທ່ານທູດລາວປະຈຳປະເທດໄທແລ້ວ ໃນເລື່ອງການເປີດດ່ານເພື່ອຂົນສົ່ງສິນຄ້າ ລະຫວ່າງດ່ານປາກຕະພານ ແຂວງສາລະວັນ ກັບ ດ່ານປາກແຊງ ຈັງຫວັດອຸບົນລາຊະທານີ

ເຊີ່ງໃນວັນທີ 15 ກໍລະກົດ ທີ່ຈະມາຮອດນີ້, ທາງຜູ້ວ່າຈັງຫວັດອຸບົນ ຈະໄດ້ມີປຶກສາຫາລືກັບເຈົ້າແຂວງໆ ສາລະວັນ ໃນການຂົນສົ່ງສະເພາະສິນຄ້າເທົ່ານັ້ນ ເຊີ່ງເປັນການຈັດການພາຍໃຕ້ຂໍ້ຈຳກັດເລື່ອງໂຄວິດ-19

ການດຳເນີນການຄັ້ງນີ້, ເປັນການສືບຕໍ່ຜົນຈາກກອງປະຊຸມເມື່ອເດືອນສິິງຫາ ປີ 2020 ໂດຍໜຶ່ງໃນຫົວຂໍ້ທີ່ສົນທະນາກັນ ແມ່ນເລື່ອງການຂົນສົ່ງສິນຄ້າໃນໄລຍະການລະບາດຂອງພະຍາດໂຄວິດ-19  ທີ່ດ່ານປາກແຊງ

ເຊີ່ງທີ່ຜ່ານມາ, ດ່ານດັ່ງກ່າວ ມີມູນຄ່າການຂົນສົ່ງສິນຄ້າປະມານປີລະ 2,000 ລ້ານບາດ ແລະ ເປັນຈຸດທີ່ຈະມີການສ້າງຂົວມິດຕະພາບ ແຫ່ງທີ່ 6 ເຊີ່ງເຊື່ອມຕໍ່ລະຫວ່າງເມືອງລະຄອນເພັງ ແຂວງສາລະວັນ ກັບ ອຳເພີນາຕານ ຈັງຫວັດອຸບົນລາຊະທານີ

ດ້ວຍຄວາມສຳຄັນທາງການຄ້າ, ເຮັດໃຫ້ພາກເອກະຊົນໄທ ໄດ້ຮຽກຮ້ອງຕໍ່ ທ່ານ ຈຸຣິນ ລັກສະນະວິສິດ ຮອງລັດຖະມົນຕີກະຊວງການຄ້າ (ປະເທດໄທ) ໃນການປະຊຸມ ຄະນະກຳມະການພາກລັດ ແລະ ເອກະຊົນກະຊວງການຄ້າ (ປະເທດໄທ) ວ່າ: ໃຫ້ມີການຊຸກຍູ້ເລື່ອງການເປີດດ່ານປາກແຊງ ເພື່ອອຳນວຍຄວາມສະດວກທາງການຄ້າລະຫວ່າງທັງສອງປະເທດ ແລະ ຈະເປັນການສະດວກໃນການຂົນສົ່ງມັນຕົ້ນຈາກລາວໄປໄທໂດຍບໍ່ຜ່ານດ່ານວັງເຕົ່າ

ນອກຈາກດ່ານປາກແຊງແລ້ວ, ທາງການໄທ ຍັງໄດ້ປຶກສາຫາລືກັບທ່ານທູດລາວ ປະຈຳປະເທດໄທ ໃນເລື່ອງການຂໍເປີດດ່ານ 7 ແຫ່ງ ເຊີ່ງທາງລາວ ຈະຕ້ອງໄດ້ລໍຖ້າການປະເມີນຕາມສະຖານະການໂຄວິດ-19 ຕໍ່ໄປໃນອະນາຄົດ

Sponsor by sokxay plus

ວີທີຊື້ເລກ ໄດ້ຮັບເງີນຄືນ 5% ໄດ້ແທ້ 100%

ພຽງເທົ່ານີ້ ກໍ່ຮັບໄປເລີຍ ສ່ວນຫຼຸດ 5% ງ່າຍ


About admin

Check Also

ອຸບັດຕິເຫດ ຮຸນແຮງ ມີຜູ້ບາດເຈັບ 8 ຄົນ

ອຸບັດຕິເຫດ ຮຸນແຮງ ມີຜູ້ບາດເຈັບ 8 ຄົນ ອຸບັດຕິເຫດ ຮຸນແຮງເຂດວັດຫຼັກ 8 ໃນວັນທີ 24 ມັງກອນ ເວລາປະມານ 07:40 ນາທີ ເກີດອຸບັດຕິເຫດຢູ່ບໍລິເວນໜ້າວັດຫຼັກ …

Leave a Reply

Your email address will not be published. Required fields are marked *

Recent Comments

No comments to show.