ອີງຕາມການລາຍງານຫຼ້າສຸດຂອງແຂວງອຸດົມໄຊວັນທີ 15 ກໍລະກົດ 2021ນີ້ໃຫ້ຮູ້ວ່າ: ແຂວງອຸດົມໄຊກວດພົບຜູ້ຕິດເຊື້ອໃໝ່ 1 ຄົນ, ເປັນແຮງງານເດີນທາງມາຈາກເຂດພິເສດສາມລ່ຽມຄຳແຂວງບໍ່ແກ້ວ ແລະ ໄລຍະອາທິດຜ່ານມາ ແຂວງຫຼວງນໍ້າທາກໍມີລາຍງານວ່າຜູ້ຕິດເຊື້ອໃນແຂວງຕົນແມ່ນເດີນທາງມາຈາກເຂດສາມລ່ຽມຄຳ.
ສ່ວນເຂດພິເສດສາມລ່ຽມຄຳ ຫຼື ເມືອງຕົ້ນເຜິ້ງ ແຂວງບໍ່ແກ້ວ ບມີການລາຍງານຜູ້ຕິດເຊື້ອມື້ສຸດທ້າຍວັນທີ 25 ພຶດສະພາ2021 ດ້ວຍຕົວເລກ ຜູ້ຕິດເຊື້ອ 17 ຄົນ ແລະ ມີຜູ້ຕິດເຊື້ອສະສົມ 492 ຄົນແລ້ວກໍບຊ່ມີການລາຍງານຜູ້ຕິດເຊື້ອພາຍໃນຊຸມຊົນແຂວງອີກເລີຍ ແລະ ລາຍງານຕິດເຊື້ອນຳເຂົ້າ 2 ຄົນວັນທີ 10 ກໍລະກົດ 2021.
ຄຳຖາມຄື ເປັນຫຍັງຈຶ່ງພົບວ່າມີການຕິດເຊື້ອຢູ່ແຂວງຫຼວງນໍ້າທາ ແລະ ອຸດົມໄຊທີ່ເດີນທາງຈາກແຂວງບໍ່ແກ້ວ ທັ້ງທີ່ບໍ່ມີຜູ້ຕິດເຊື້ອໃນຊຸມຊົນກາຍ 28 ວັນ? ຫຼື ທາງເຂດເສດຖະກິດພິເສດມີການປິດບັງ ຫຼື ບໍ່ມີການກວດຫາເຊື້ອໂຄວິດ-19 ຢູ່ໃນເຂດດັ່ງກ່າວເລີຍ ຈຶ່ງເຮັດໃຫ້ຍັງມີການແພ່ເຊື້ອໄປສູ່ແຂວງອື່ນ?
