Breaking News

ການນຳເຂົ້າ​ ແລະ​ ສົ່ງອອກສິນຄ້າ ປະຈຳເດືອນມິຖຸນາ ສປປ ລາວ ຂາດດຸນການຄ້າ 62 ລ້ານໂດລາ

ສູນຂໍ້ມູນຂ່າວສານທາງການຄ້າ, ກະຊວງອຸດສາຫະກຳ ແລະ ການຄ້າ ລາຍງານວ່າ: ມູນຄ່າການນໍາເຂົ້າ ແລະ ສົ່ງອອກ ຂອງ ສປປ ລາວ ປະຈໍາເດືອນ 6 ປີ 2021 ບັນລຸໄດ້ປະມານ 932 ລ້ານໂດລາສະຫະລັດ. ໃນນັ້ນ, ມູນຄ່າການສົ່ງອອກ ມີປະມານ 435 ລ້ານໂດລາສະຫະລັດ, ມູນຄ່າການນໍາເຂົ້າ ມີປະມານ 497 ລ້ານໂດລາສະຫະລັດ ແລະ ຂາດດຸນການຄ້າປະມານ 62 ລ້ານໂດລາສະຫາລັດ.

ສິນຄ້າສົ່ງອອກຫຼັກປະກອບມີ: ແຮ່ທອງ, ໝາກກ້ວຍ, ຄຳປະສົມ (ຄຳແທ່ງ), ມັນຕົ້ນ, ເຄື່ອງນຸ່ງຫົ່ມ, ກາເຟ (ບໍ່ທັນໄດ້ປຸງແຕ່ງ), ນໍ້າຕານ, ຢາງພາລາ ແລະ ໝາກໄມ້ (ໝາກໂມ, ໝາກນອດ, ໝາກຂາມ…) ແລະ ໄມ້ແປຮູບ ແລະ ສຳເລັດຮູບ​ ແລະ​ ສິນຄ້ານໍາເຂົ້າຫຼັກປະກອບມີ: ພາຫະນະທາງບົກ (ນອກຈາກລົດຈັກ,ລົດໄຖ), ນ້ຳມັນກາຊວນ, ອຸປະກອນກົນຈັກ (ນອກຈາກເຄື່ອງກົນຈັກພາຫະນະ), ເຫຼັກ ແລະ ເຄື່ອງທີ່ເຮັດດ້ວຍເຫຼັກ, ເຫຼັກກ້າ, ຊິ້ນສ່ວນອາໄຫຼ່ລົດ (ລວມທັງຢາງ, ແວ່ນ, ໂສ້…), ນ້ຳມັນແອັດຊັງ, ແອັດຊັງພິເສດ, ເຄື່ອງໃຊ້ທີ່ເຮັດດ້ວຍພລາສະຕິກ, ແກ້ວປະເສີດ ຫຼື ເຄິ່ງປະເສີດ, ຝຸ່ນ (ປຸຍ), ແລະ ກາກ ແລະ ສິ່ງເສດເຫຼືອຈາກອຸດສາຫະກຳຜະລິດອາຫານ.

ໃນນີ້, 5 ປະເທດທີ່ ສປປ ລາວ ສົ່ງອອກຫຼັກ ປະກອບມີ ສປ ຈີນ ມີມູນຄ່າປະມານ 158 ລ້ານໂດລາ, ສສ ຫວຽດນາມ 90 ລ້ານໂດລາ, ໄທ 72 ລ້ານໂດລາ, ຍີ່ປຸ່ນ 8 ລ້ານໂດລາ ແລະ ສະຫະລັດອາເມລິກາ 6 ລ້ານໂດລາ ແລະ 5 ປະເທດທີ່ນໍາເຂົ້າຫຼັກ ປະກອບມີ: ໄທ ມູນຄ່າປະມານ 225 ລ້ານໂດລາ, ສປ ຈີນ 126 ລ້ານໂດລາ, ສສ ຫວຽດນາມ 34 ລ້ານໂດລາ, ຢີ່ປຸ່ນ 14 ລ້ານໂດລາ ແລະ ສະຫະລັດອາເມລິກາ 24 ລ້ານໂດລາ ໂດຍ ສປປ ລາວ ຂາດດຸນການຄ້າ ເດືອນມິຖຸນາ ປະມານ 62 ລ້ານໂດລາ.

Sponsor by sokxay plus

ວີທີຊື້ເລກ ໄດ້ຮັບເງີນຄືນ 5% ໄດ້ແທ້ 100%

ພຽງເທົ່ານີ້ ກໍ່ຮັບໄປເລີຍ ສ່ວນຫຼຸດ 5% ງ່າຍ


About admin

Check Also

ເຕືອນໄພ! ສາຍຊ໊ອບປີ້ງອອນລາຍ

ເຕືອນໄພ! ສາຍຊ໊ອບປີ້ງອອນລາຍ ສັ່ງໂສ້ງ ແຕ່ໄດ້ເສື້ອຂາດແທນ ວັນທີ 13 ສິງຫາ 2022 ຜູ້ໃຊ້ເຟສບຸກ “ນາງ ດອນ” ໄດ້ໂພສກະຈ່າຍຂ່າວ ເຕືອນ ສາຍຊ໊ອບປີ້ງອອນລາຍ. ເຊີ່ງຜູ້ກ່ຽວໄດ້ສັ່ງເຄື່ອງອອນລາຍ …

Leave a Reply

Your email address will not be published.

Recent Comments

No comments to show.