ພູມໃຈລັດຖະບານລາວຈັດຫາວັກຊີນໃຫ້ປະຊາຊົນສັກຢ່າງຕໍ່ເນື່ອງ ຄາດວ່າຈະບັນລຸປະມານ 30% ຂອງພົນລະເມືອງ ໃນເດືອນສິງຫາ

ມາຮອດປັດຈຸບັນນີ້ ວັນທີ 20 ກໍລະກົດ 2021 ສປປ ລາວມີຜູ້ຕິດເຊື້ອໃໝ່ເພີ່ມຂຶ້ນໃນແຕ່ລະວັນ ແຕ່ກໍບໍ່ໜ້າເປັນຫ່ວງພໍເທົ່າໃດ ເພາະມີຈຳນວນຫລາຍກວ່າ 90% ແມ່ນນໍາເຂົ້າ, ໂດຍສະເພາະແມ່ນແຮງງານລາວທີ່ກັບມາແຕ່ປະເທດໄທ. ດັ່ງນັ້ນ, ຄວາມສ່ຽງແພ່ເຊື້ອແມ່ນມີໜ້ອຍ ເພາະພວກເຂົາເຈົ້າຖືກກວດຫາເຊື້ອ, ຖືກກັກຕົວ ແລະ ໄດ້ຮັບການປິ່ນປົວເປັນຢ່າງດີຈາກລັດຖະບານລາວ.

ການລະບາດຮອບທີ 2 ສອງນີ້, ເຖິງຈະມີຄວາມຮ້າຍແຮງກວ່າຮອບທີ 1 ແຕ່ລັດຖະບານລາວກໍຍິ່ງມີສະຕິ, ຍິ່ງເຂັ້ມງວດ ແລະ ຍິ່ງລະອຽດກວ່າເກົ່າ, ການຮັບຮູ້ ແລະ ສະຕິຕື່ນຕົວຂອງປະຊາຊົນກໍນັບມື້ສູງຂຶ້ນ, ພ້ອມດຽວກັນນັ້ນ ລັດຖະບານກໍເລັ່ງຈັດຫາວັກຊີນເຂົ້າມາສັກໃຫ້ກັບປະຊາຊົນຢ່າງຕໍ່ເນື່ອງ. ມາເຖິງວັນທີ່ 17 ກໍລະກົດນີ້ລາວເຮົາມີວັກຊີນທັງໝົດຫຼາຍກວ່າ 3 ລ້ານໂດສ ແລະ ມີເປົ້າໝາຍສັກໃຫ້ປະຊາຊົນໃນຈຳນວນຫຼາຍກວ່າ 2 ລ້ານຄົນ, ຊຶ່ງຈະກວມເອົາ 29% ຂອງພົນລະເມືອງທັງໝົດ ແລະ ໃນຂະນະນີ້ ມີປະຊາກອນໄດ້ສັກວັກຊີນຊະນິດຕ່າງໆ ເຂັມທີ 1 ໄປແລ້ວຫຼາຍກວ່າ 1 ລ້ານຄົນ ແລະ ຄາດວ່າເມື່ອຮອດທ້າຍເດືອນສິງຫາ ຈະບັນລຸປະມານ 30% ຂອງປະຊາກອນທັງໝົດ ໃຫ້ໄດ້ສັກວັກຊີນທັງເຂັມ 1 ແລະ ເຂັມ 2.

ພວກເຮົາປະຊາຊົນລາວ ມີຄວາມພູມໃຈໃນຕົວຂອງລັດຖະບານລາວ ທີ່ມີຄວາມເປັນຫ່ວງເປັນໃຍ, ໃສ່ໃຈໃນຊີວິດອິນຊີຂອງປະຊາຊົນຢ່າງແທ້ຈິງ, ມີການປັບປຸງແບບແຜນ, ວິທີການເຮັດວຽກຂອງພະນັກງານຂະແໜງກາຍຕ່າງໆ ໃຫ້ດີຂຶ້ນເທື່ອລະກ້າວ, ໂດຍສະເພາະແມ່ນຍຸດທະສາດຮັບມືໂຄວິດ-19 ຂອງລັດຖະບານແມ່ນດີຫຼາຍ, ປະຊາຊົນໄດ້ຮັບການສັກວັກຊີນຢ່າງຕໍ່ເນື່ອງ, ສາມາດຢັບຢັ້ງການແພ່ລະບາດໃນຊຸມຊົນໄດ້ດີ, ມີຜູ້ຕິດເຊື້ອຈາກຊຸມຊົນຫຼຸດໜ້ອຍຖອຍລົງ, ເຖິງການຕິດເຊື້ອໃໝ່ຈະເພີ່ມຂຶ້ນໃນແຕ່ລະວັນ ແຕ່ກໍແມ່ນກໍລະນີນຳເຂົ້າຈາກຕ່າງປະເທດເປັນສ່ວນໃຫຍ່, ປັບແຜນຍຸດທະສາດສັກວັກຊີນໃຫ້ແຕ່ລະກຸ່ມເປົ້າໝາຍໃນແຕ່ລະໄລຍະຢ່າງຊັດເຈນ ແລະ ທັນການ.

Sponsor by sokxay plus

ວີທີຊື້ເລກ ໄດ້ຮັບເງີນຄືນ 5% ໄດ້ແທ້ 100%

ພຽງເທົ່ານີ້ ກໍ່ຮັບໄປເລີຍ ສ່ວນຫຼຸດ 5% ງ່າຍ


About admin

Check Also

ເກີດເຫດລົດເມປີ້ນ ເສຍຊີວິດຄາທີ່ສອງຄົນ!

😱ເກີດເຫດລົດເມປີ້ນ ເສຍຊີວິດຄາທີ່ສອງຄົນ!•ໃນຕອນເຊົ້າຂອງວັນ 3 ກຸມພາ 2023 ເກີດເຫດລົດເມປີ້ນ ທີ່ບ້ານ ຫ້ວຍເຊົາ ເມືອງ ຄົງເຊໂດນ ເເຂວງສາລະວັນ. ຈາກການເກີດອຸບັດຕິເຫດມີຜູ້ໄດ້ຮັບບາດເຈັບຫຼາຍຄົນ (ເຊິ່ງຂໍ້ມູນຈາກຂໍ້ຄວາມຄິດເຫັນໄດ້ໃຫ້ຮູ້ວ່າ ຕາຍສອງຄົນ) …. …

Leave a Reply

Your email address will not be published. Required fields are marked *

Recent Comments

No comments to show.