ນ້ຳຖ້ວມ-ດິນເຈື່ອນໃນອິນເດຍ ເຮັດໃຫ້ມີຜູ້ເສຍຊີວິດ18ຄົນ
ຂປລ.ຕາມຂ່າວຈາກ ມຸມໄບ,ວັນທີ23ກໍລະກົດ2021,ເກີດຝົນຕົກໜັກ ເຮັດໃຫ້ນ້ຳຖ້ວມ ກະທັນທັນ ແລະ ດິນເຈື່ອນ ໃນພື້ນທີ່ຕ່ຳ ຈົນເຮັດໃຫ້ ຫລາຍໝູ່ບ້ານ ຖືກຕັດຂາດ ສົ່ງຜົນໃຫ້ມີ ຜູ້ເສຍຊີວິດ18ຄົນ ໃນລັດມາຮາຣັດຕຣາ(Maharashtra) ທາງຕາເວັນຕົກ ຂອງອິນເດຍ.
ກ່ອນໜ້ານີ້ ແມ່ນ້ຳ ຫລາຍສາຍ ໄດ້ລົ້ນແຄມຝັ່ງ ໄຫລເຂົ້າຖ້ວມ ເຮືອນຂອງ ປະຊາ ຊົນ ແລະ ສ້າງຄວາມເສຍຫາຍ ເປັນບໍລິເວນກວ້າງ.
ຂະນະນີ້ ເຈົ້າໜ້າທີ່ ກູ້ໄພ ຂອງອິນເດຍ ພວມໃຫ້ການຊ່ວຍເຫລືອ ຜູ້ເຄາະຮ້າຍ ຈາກອຸທົກກະໄພ ໃນຄັ້ງນີ້ ຢ່າງຮີບດ່ວນ./.
