ສະຖານະການຄືທຸກວັນນີ້ ມັນບອກໃຫ້ເຫັນວ່າ ຍາກທີ່ຈະຄວບຄຸມພະຍາດລະບາດໂຄວິດ-19 ໃຫ້ໝົດໄປໃນປີນີ້ໄດ້. ຖ້າໂຊກດີປີ 2022 ຈຶ່ງຈະຄວບຄຸມໄດ້. ໃນກອງປະຊຸມຖະແຫຼງຂ່າວເມື່ອວັນທີ 19 ກໍລະກົດຜ່ານມາ ຫົວໜ້າໂຄງການສຸກເສີນຂອງອົງການອະນາໄມໂລກ ທ່ານ Mike Ryan ໃຫ້ຄວາມເຫັນວ່າ ເຂົາເອງສຸດທີ່ຢາກຄວບຄຸມການລະບາດຂອງພະຍາດໂຄວິດ-19 ໃຫ້ໄດ້ໃນປີນີ້ ແຕ່ສະຖານະການປັດຈະບັນເຫັນວ່າ ຍາກທີ່ຈະຄວບຄຸມໄດ້.
ສຳນັກຂ່າວ ຊີເອັນບີຊີ ໂດຍອ້າງຄຳພະຍາກອນຂອງທ່ານ Ryan ວ່າ “ເບື້ອງຕົ້ນ ຂ້າພະເຈົ້າຄິດວ່າມັນຈະໝົດໄປໃນປີນີ້ ແຕ່ຄືສິເປັນໄປບໍ່ໄດ້. ຖ້າຫາກໂຊກດີອາດເປັນປີໜ້າຈຶ່ງຈະຄວບຄຸມມັນໄດ້”
ເຖິງຢ່າງໃດກໍຕາມ, ທ່ານໃຫ້ຮູ້ວ່າ ຍັງພໍມີແນວທາງທີ່ຈະຜັກດັນເຮັດໃຫ້ການຄວບຄຸມພະຍາດໃນທົ່ວໂລກໄດ້ໃຫ້ໄວຂຶ້ນ, ໃນນັ້ນເງື່ອນໄຂທີ່ສຳກໍຄືແຕ່ລະຊາດຕ້ອງຮັບປະກັນການແບ່ງປັນວັກຊີນໃຫ້ສະເໝີພາບ ແລະ ແຕ່ລະປະເທດກໍຄວນຈັດຕັ້ງປະຕິບັດມາດຕະການໄລຍະຫ່າງທາງສັງຄົມ ແລະ ການສະໜັບສະໜູນທາງການເງິນໃຫ້ກັບລະຍົບສາທາລະນະສຸກ ໃຫ້ພຽງພໍເພື່ອເຄື່ອນໄຫວໃຫ້ມີປະສິດທິຜົນ.
