Breaking News

ແຂວງວຽງຈັນ ຈະເລີ່ມສັກວັກຊີນປ້ ອ ງ ກັ ນ ໂ ຄ ວິ ດ ຈອນສັນແອນຈອນສັນໃນວັນທີ 26 ກໍລະກົດນີ້

ແຂວງວຽງຈັນ ຈະເລີ່ມເປີດສັກວັກຊີນປ້ອງກັນພະຍາດ ໂ ຄ ວິ ດ ຈອນສັນແອນຈອນສັນ ນັບແຕ່ວັນທີ 26 ກໍລະກົດ ຫາ ວັນທີ 10 ສິງຫາ 2021 ຕາມໂກຕ້າທີ່ລັດຖະບານ ກໍຄື ຄະນະສະເພາະກິດ ເພື່ອປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດໂ ຄ ວິ ດ ຂັ້ນສູນກາງແບ່ງປັນໃຫ້ 80.000 ກ່ວາໂດສ.

ດຣ ອິນປອນ ມະນີແສງ, ຫົວໜ້າພະແນກສາທາລະນະສຸກແຂວງວຽງຈັນ ໃຫ້ສໍາພາດວ່າ: ສໍາລັບເປົ້າໝາຍທີ່ຈະໄດ້ສັກວັກຊີນຢູ່ແຂວງວຽງຈັນ ໃນຄັ້ງນີ້ ແມ່ນເລັ່ງໃສ່ 3 ກຸ່ມເປົ້າໝາຍ ຄື:

ແພດໝໍທີ່ພາດໂອກາດສັກວັກຊີນໃນໄລຍະຜ່ານມາ, ຜູ້ສູງອາຍຸ 60 ປີຂຶ້ນໄປ ຫລື ຜູ້ມີອາຍຸ 18 ປີຂຶ້ນໄປທີ່ມີພະຍາດຊໍ້າເຮື້ອ ແລະ ຜູ້ທີ່ມີການພົວພັນກັບຊຸມຊົນທາງສັງຄົມ ໂດຍໄດ້ກໍານົດເອົາໂຮງໝໍແຂວງ, ໂຮງໝໍທະຫານ, ໂຮງໝໍເມືອງ ແລະ ໂຮງໝໍນ້ອຍທຸກແຫ່ງໃນທົ່ວແຂວງ ເປັນຈຸດບໍລິການສັກວັກຊີນ, ເລີ່ມໃຫ້ບໍລິການພ້ອມກັນແຕ່ເວລາ 8 ໂມງ ຫາ 16 ໂມງ ໃນເວລາລັດຖະການ. ດັ່ງນັ້ນ ຜູ້ທີ່ໄດ້ລົງທະບຽນໄວ້ແລ້ວຈົ່ງໄປສັກວັກຊີນຕາມເວລາ ແລະ ສະຖານທີ່ທີ່ຄະນະສະເພາະກິດຂອງແຂວງ ແລະ ເມືອງກໍານົດໄວ້ ເພື່ອສ້າງພູມຄຸ້ມກັນໃຫ້ຕົນເອງໃນການປ້ອງກັນພະຍາດ ໂ ຄ ວິ ດ.

ສໍາລັບແຂວງວຽງຈັນ ມາຮອດວັນທີ 21 ກໍລະກົດນີ້ ມີຜູ້ຕິດເຊື້ອພະຍາດ ໂ ຄ ວິ ດ ສະສົມທັງໝົດ 68 ຄົນ, ໃນນີ້ ປິ່ນປົວດີ 63 ຄົນ ແລະ ສືບຕໍ່ປິ່ນປົວ 5 ຄົນ. ໃນຈໍານວນ 68 ຄົນທີ່ຕິດເຊື້ອມີຢູ່ເມືອງໂພນໂຮງ 55 ຄົນ, ເມືອງໝື່ນ 6 ຄົນ, ເມືອງແກ້ວອຸດົມ 4 ຄົນ, ວຽງຄໍາ, ທຸລະຄົມ ແລະ ເມືອງເຟືອງ ເມືອງລະ 1 ຄົນ.

Sponsor by sokxay plus

ວີທີຊື້ເລກ ໄດ້ຮັບເງີນຄືນ 5% ໄດ້ແທ້ 100%

ພຽງເທົ່ານີ້ ກໍ່ຮັບໄປເລີຍ ສ່ວນຫຼຸດ 5% ງ່າຍ


About admin

Check Also

ຢູ​ເຄ​ຣນບັນລຸການເຮັດແບບ​ສອບ​ຖາມ​ເພື່ອເປັນສະ​ມາ​ຊິກ EU

ສໍານັກຂ່າວ Reuters ລາຍງານວ່າ ທ່ານ ອີວົວ ຊອຟ໌ກວາ ຮອງ​ຫົວໜ້າ​ສໍານັກງານ​​ປະທານາທິບໍດີ ໂວໂລດີມີຣ ເຊເລນສກີ ກ່າວ​ວ່າ ຢູ​ເຄຣນ​ໄດ້​ບັນລຸການເຮັດ​ແບບ​ສອບ​ຖາມ​ ເຊິ່ງ​ຈະ​ເປັນ​ຈຸດ​ເລີ່​ມຕົ້ນ​ໃຫ້​ແກ່​ສະຫະພາບ​ເອີ​ລົບ​ໃນ​ການ​ຕັດສິນ​ໃຈ​ເຂົ້າ​ເປັນ​ສະມາຊິກ​ຂອງຄຽບ. ທ່ານ ເອີຊູລາ ວອນ …

Leave a Reply

Your email address will not be published.

Recent Comments

No comments to show.