🇱🇦ໃນວັນທີ 25 ກໍລະກົດ ປີ 2021 ເເຂວງ ສະຫວັນນະເຂດ ໄດ້ເລັ່ງ ອະນາໄມ ກຽມສະຖານທີ່ກັກຕົວສຳລັບແຮງງານລາວທີ່ກັບມາຈາກຕ່າງປະເທດ
ເຊິ່ງໄດ້ກຳນົດເອົາອາຄານເກົ່າ ທີ່ຕັ້ງຢູ່ບ້ານ ໂນນສະຫວາດ ນະຄອນໄກສອນ ພົມວິຫານ
ເປັນສູນກັກກັນຊົ່ວຄາວ ໂດຍພາຍໃຕ້ການຊີ້ນຳ ນຳພາຂອງ ທ່ານ ສັນຕິພາບ ພົມວິຫານ ເຈົ້າແຂວງສະຫວັນນະເຂດ ແລະ ທ່ານ ນາງ ຫຼິງທອງ ແສງຕາວັນ ຮອງເຈົ້າແຂວງໄດ້ລະດົມແຮງງານຈາກອົງການຈັດຕັ້ງມະຫາຊົນຂອງພະແນກການ ແລະ ກຳລັງປ້ອງກັນຊາດ,ປ້ອງກັນຄວາມສະຫງົບ
ເພື່ອອະນາໄມສະຖານທີ່ໃຫ້ມີຄວາມສະອາດ ແລະ ປອດໄພ,ສະກັດກັ້ນການລະບາດພະຍາດໂຄວິດ-19. ຄາດວ່າຈະສາມາດຮັບຮອງແຮງງານທີ່ກັບມາໄດ້ເຖິງ 10.000 ກວ່າຄົນ.
