Breaking News

ນ້ອງໆທີ່ຮຽນຈົບໃໝ່ພາກັນໄປສະໜັກດ່ວນ..!! ປີນີ້ ມຊ ຈະຮັບນັກສຶກສາພຽງ 8.000 ຄົນ ເທົ່ານັ້ນ

ມະຫາວິທະຍາໄລແຫ່ງຊາດ (ມຊ) ກຽມຈັດສອບເສັງຄັດເລືອກນັກສຶກສາໃໝ່ ສົກຮຽນ 2020-2021 ໃນວັນທີ 29 ສິງຫານີ້, ໂດຍເລີ່ມລົງທະບຽນໄດ້ຕັ້ງແຕ່ວັນທີ 3- 26 ສິງຫາ 2020 (ສາມາດລົງທະບຽນທາງອອນລາຍໄດ້). ຂະນະທີ່ມີແຜນຮັບນັກສຶກສາໃໝ່ເຂົ້າຮຽນທັງໝົດ 8.000 ຄົນ.

ອີງຕາມການໃຫ້ສຳພາດຂອງທ່ານ ຮສ.ດຣ ຄຳຜົງ ນາມມະວົງມີໄຊ ຮອງອະທິການບໍດີ ມະຫາວິທະຍາໄລແຫ່ງຊາດ ເມື່ອວັນທີ 30 ກໍລະກົດ ຜ່ານມາ ໃຫ້ຮູ້ວ່າ: ໃນສົກສຶກສາ 2020-2021 ນີ້, ມະຫາວິທະຍາໄລແຫ່ງຊາດ ມີແຜນຮັບນັກສຶກສາເຂົ້າຮຽນທັງໝົດ 8.000 ຄົນ ລວມທຸກລະບົບ (ທັງພາກປົກກະຕິ, ຕໍ່ເນື່ອງ ແລະ ອະນຸປະລິນຍາ) ເທົ່າກັບປີຜ່ານມາ,

ແຕ່ເນື່ອງຈາກການແຜ່ລະບາດຂອງພະຍາດໂຄວິດ-19 ທີ່ມີຜົນກະທົບຕໍ່ລູກຫຼານທີ່ຈົບການສຶກສາສາຍສາມັນໃນປີນີ້ ພາດໂອກາດທີ່ຈະໄປສຶກສາຕໍ່ຢູ່ຕ່າງປະເທດ ເຊັ່ນ: ສສ ຫວຽດນາມ, ສປ ຈີນ ເປັນຕົ້ນ ທາງລັດຖະບານ ກໍຄືການນຳຂອງກະຊວງສຶກສາທິການ ແລະ ກິລາ ໄດ້ມີທິດຊີ້ນຳຕື່ມໂດຍໃຫ້ແຕ່ລະມະຫາວິທະຍາໄລຄົ້ນຄວ້າຕື່ມ ກ່ຽວກັບບັນດາສາຂາວິຊາທີ່ເປັນບູລິມະສິດໃນການພັດທະນາເສດຖະກິດ-ສັງຄົມແຫ່ງຊາດ ດ້ວຍການເພີ່ມຕົວເລກແຜນຮັບນັກສຶກສາເພີ່ມ ເຊັ່ນ: ຂະແໜງການກະເສດ, ປ່າໄມ້, ຊັບພະຍາກອນນ້ຳ, ສາຍທຳມະຊາດທີ່ເປັນພື້ນຖານໃຫ້ແກ່ການສຶກສາຂະແໜງການຕ່າງໆ ລວມທັງວິສະວະກຳສາດ.

ທ່ານຍັງໃຫ້ຮູ້ຕື່ມວ່າ: ສົກສຶກສານີ້ນັກຮຽນທີ່ຈົບສາຍສາມັນສຶກສາແມ່ນຫຼາຍກວ່າປີຜ່ານມາ ຢູ່ທີ່ 72.000 ກວ່າຄົນ ຈາກ 68.000 ຄົນໃນສົກສຶກສາ 2018-2019 (ຕາມສະຖິຕິກົມສາມັນສຶກສາ)

Sponsor by sokxay plus

ວີທີຊື້ເລກ ໄດ້ຮັບເງີນຄືນ 5% ໄດ້ແທ້ 100%

ພຽງເທົ່ານີ້ ກໍ່ຮັບໄປເລີຍ ສ່ວນຫຼຸດ 5% ງ່າຍ


About admin

Check Also

ຢູ​ເຄ​ຣນບັນລຸການເຮັດແບບ​ສອບ​ຖາມ​ເພື່ອເປັນສະ​ມາ​ຊິກ EU

ສໍານັກຂ່າວ Reuters ລາຍງານວ່າ ທ່ານ ອີວົວ ຊອຟ໌ກວາ ຮອງ​ຫົວໜ້າ​ສໍານັກງານ​​ປະທານາທິບໍດີ ໂວໂລດີມີຣ ເຊເລນສກີ ກ່າວ​ວ່າ ຢູ​ເຄຣນ​ໄດ້​ບັນລຸການເຮັດ​ແບບ​ສອບ​ຖາມ​ ເຊິ່ງ​ຈະ​ເປັນ​ຈຸດ​ເລີ່​ມຕົ້ນ​ໃຫ້​ແກ່​ສະຫະພາບ​ເອີ​ລົບ​ໃນ​ການ​ຕັດສິນ​ໃຈ​ເຂົ້າ​ເປັນ​ສະມາຊິກ​ຂອງຄຽບ. ທ່ານ ເອີຊູລາ ວອນ …

Leave a Reply

Your email address will not be published.

Recent Comments

No comments to show.