Breaking News

ແມ່ຕູ້ໄວ 70ປີ ໄປສັກວັກຊີນແຕ່ພັດຫຼົງກັບລູກຊາຍ ຈັກໄປເຮັດທ່າໃດໄດ້ວັກຊີນສອງເຂັມພ້ອມກັນ

ເປັນອີກເລື່ອງລາວທີ່ສ້າງຄວາມມຶນງົງໃຫ້ກັບຊາວເນັດໄປເລີຍກໍ່ວ່າໄດ້ ເມື່ອມີໜຸ່ມຊາວໄທອອກມາເປີດເຜີຍ ວ່າຕົນໄດ້ພາຄອບຄົວໄປສັກວັກຊີນ ແຕ່ໄດ້ພັດຫຼົງກັບແມ່ ກວ່າຊິຊອກກັນເຫັນ ແມ່ກັບມາບອກວ່າໄດ້ຮັບວັກຊີນ ແອັສຕ້າ ຊີເນກາ ທັງແຂນຊ້າຍ ແລະ ແຂນຂວາ.

ໃນວັນທີ 17 ສິງຫາ 2021 ທີ່ຜ່ານມາ ຜູ້ສື່ຂ່າວໄດ້ຮັບການເປີດເຜີຍຈາກຊາວບ້ານ ຕໍາບົນສະເດົາ ອໍາເພີນາງຣອງ, ຈັງຫວັດບູລິລໍາ ວ່າ ຝາກເຕືອນຜູ້ທີ່ພາຄົນເຖົ້າໄປສັກວັກຊີນໂຄວິດ-19 ແລະ ຢາກຈະຝາກໄປເຖິງເຈົ້າໜ້າທີ່ໃຫ່ລະວັງໃຫ້ຫຼາຍກວ່ານີ້ ຫຼັງແມ່ຕູ້ໄວ 70ປີ ໄດ້ຮັບວັກຊີນແອັສຕ້າຊີເນກ້າ ພ້ອມກັນ 2ເຂັມ.

ກວດສອບພົບ ທ້າວບຸນສົ່ງ ຈູກູນ ອາຍຸ 49ປີ ອາຊີບທະນາຍຄວາມເລົ່າວ່າ ເມື່ອວັນທີ 14 ສິງຫາ ຕົນໄດ້ພາພໍ່ ແລະ ແມ່ໄວ 70ປີ ແລະ ອາໄວ 65ປີ ໄປສັກວັກຊີນເຂັມ 2 ຫຼັງຈາກໄດ້ຮັບວັກຊີນຊີໂນແວັກເຂັມທໍາອິດແລ້ວ. ໂດຍໃນວັນດັ່ງກ່າວຍອມຮັບວ່າມີຄົນຫຼາຍ ແຕ່ຕົນຕ້ອງຍູ້ລົດເຂັນໃຫ້ພໍ່ ແລ້ວພັດຫຼົງກັນ ໂດຍບໍ່ຮູ້ວ່າແມ່ນຍ່າງໄປທາງໃດ ຄິດວ່າແມ່ໜ້າຈະໄປຫາໝໍໄດ້ ເພາະເພິ່ນຍັງແຂງແຮງ ບວກກັບແມ່ເພິ່ນມີເອກະສານໃບນັດຕິດຕົວໄປນໍາ.

ຫຼັງຈາກນັ້ນ ກໍ່ກັບມາເຫັນກັນ ແມ່ຍິ້ມດ້ວຍຄວາມດີໃຈ ພ້ອມກັບບອກຕົນວ່າ ແມ່ໄດ້ຕັ້ງ 2ເຂັມ ກວດສອບພົບວ່າແຂນທັງສອງເບື້ອງຂອງແມ່ ມີຮ້ອງຮອຍການສັກວັກຊີນທັງສອງເບື້ອງ ເມື່ອມາສອບຖາມແມ່ ຈຶ່ງຮູ້ວ່າ ແມ່ໄດ້ຍ່າງເຂົ້າຊ່ອງຮັບວັກຊີນຕາມປົກກະຕິ ຍື່ນເອກະສານໃຫ້ແພດ ແລະ ຮັບການສັກວັກຊີນ.ຈາກນັ້ນແມ່ຕູ້ອາດບໍ່ຮູ້ວ່າຈະຕ້ອງຖ້າຮັບເອກະສານ ແມ່ກໍ່ເລີຍຍ່າງເລາະແຖວນັ້ນ ຈົນທ່ານໝໍອີກທ່ານໜຶ່ງເອີ້ນວ່າ ແມ່ຕູ້ມາພີ້ ດຽວຈະສັກວັກຊີນໃຫ້ ແມ່ຈຶ່ງສີດຊໍ້າອີກເຂັມ ໂດຍຍື່ນແຂນອີກເບື້ອງໜຶ່ງໃຫ້ ເພາະເບື້ອງໜຶ່ງສີດໄປແລ້ວ.ດ້ານລູກຊາຍແມ່ຕູ້ບອກອີກວ່າ

ຫຼັງຈາກນັ້ນ ຕົນກໍ່ເຝົ້າເບິ່ງອາການຂອງແມ່ມາຈົນຮອດວັນທີ 17 ພົບວ່າແມ່ຍັງແຂງແຮງດີ ໂດຍຈະມີແພດເຂົ້າມາສອບຖາມອາການເປັນໄລຍະ ຕອນນີ້ເທົ່າກັບວ່າ ແມ່ໄດ້ຮັບວັກຊີນບູສເຕີໂດສໄປແລ້ວ ແຕ່ສິ່ງທີ່ຕົນຈະຝາກຄື ຝາກເຖິງຜູ້ທີ່ຈະພາພໍ່ແມ່ທີ່ແກ່ຊະລາໄປສັກວັກຊີນນັ້ນ ໃຫ້ລະວັງຢ້ານເຫດການແບບນີ້ເກີດຂຶ້ນອີກ ສ່ວນແພດໝໍທີ່ສັກວັກຊີນໃຫ້ 2ເຂັມລວດນັ້ນ ກໍ່ອາດຈະນຍ້ອນຄວາມວຸ່ນວາຍ ແຕ່ຢາກໃຫ້ມີຄວາມລະອຽດກວ່ານີ້

.ສ່ວນຕົວແມ່ຕູ້ເອງ ຕອນທຳອິດຄິດວ່າເປັນວິທີການສີດຂອງແພດໝໍ ແຕ່ເມື່ອມາຮູ້ຈາກລູກຊາຍກໍ່ຮູ້ສຶກຕົກໃຈເຊັ່ນກັນ ແຕ່ຕອນນີ້ຍັງປົກກະຕິ ຮ່າງກາຍແຂງແຮງດີ.

Sponsor by sokxay plus

ວີທີຊື້ເລກ ໄດ້ຮັບເງີນຄືນ 5% ໄດ້ແທ້ 100%

ພຽງເທົ່ານີ້ ກໍ່ຮັບໄປເລີຍ ສ່ວນຫຼຸດ 5% ງ່າຍ


About admin

Check Also

ຢູ​ເຄ​ຣນບັນລຸການເຮັດແບບ​ສອບ​ຖາມ​ເພື່ອເປັນສະ​ມາ​ຊິກ EU

ສໍານັກຂ່າວ Reuters ລາຍງານວ່າ ທ່ານ ອີວົວ ຊອຟ໌ກວາ ຮອງ​ຫົວໜ້າ​ສໍານັກງານ​​ປະທານາທິບໍດີ ໂວໂລດີມີຣ ເຊເລນສກີ ກ່າວ​ວ່າ ຢູ​ເຄຣນ​ໄດ້​ບັນລຸການເຮັດ​ແບບ​ສອບ​ຖາມ​ ເຊິ່ງ​ຈະ​ເປັນ​ຈຸດ​ເລີ່​ມຕົ້ນ​ໃຫ້​ແກ່​ສະຫະພາບ​ເອີ​ລົບ​ໃນ​ການ​ຕັດສິນ​ໃຈ​ເຂົ້າ​ເປັນ​ສະມາຊິກ​ຂອງຄຽບ. ທ່ານ ເອີຊູລາ ວອນ …

Leave a Reply

Your email address will not be published.

Recent Comments

No comments to show.