Breaking News

ຫວຍພັດທະນາ ດຳເນີນກິດຈະການເພື່ອຜ່ອນຄາຍຜູ້ມັກສ່ຽງໂຊກ

ຫວຍພັດທະນາ ດຳເນີນກິດຈະການເພື່ອຜ່ອນຄາຍຜູ້ມັກສ່ຽງໂຊກ-ຊິງລາງວັນ, 6 ເດືອນຕົ້ນປີ ຈຳໜ່າຍຫວຍໄດ້ 1.615 ຕື້ກີບ

ບໍລິສັດ ລັດວິສາຫະກິດ ຫວຍພັດທະນາ ແມ່ນຫົວໜ່ວຍທຸລະກິດໜຶ່ງທີ່ຂຶ້ນກັບການຄຸ້ມຄອງໂດຍກົງຂອງກະຊວງການເງິນ ໂດຍດຳເນີນກິດຈະການຫວຍເພື່ອເປັນການພັກຜ່ອນຢ່ອນອາລົມຂອງຜູ້ມັກສ່ຽງໂຊກ-ຊິງລາງວັນຄຽງຄູ່ກັນນີ້, ຍັງສ້າງວຽກເຮັດງານທຳ, ລາຍໄດ້ແກ່ຜູ້ຂາຍຫວຍ, ສ້າງລາຍຮັບງົບປະມານດ້ວຍການເກັບກູ້ເງິນສົດສ່ວນໜຶ່ງທີ່ຈໍລະຈອນໃນສັງຄົມເຂົ້າສູ່ລະບົບການເງິນ-ທະນາຄານນຳອີກດ້ວຍ.

ອີງຕາມການໃຫ້ສຳພາດຂອງ ທ່ານ ອັກຄະວອນ ຫຼວງສຸວັນນະວົງ ຜູ້ອຳນວຍການບໍລິສັດ ລັດວິສາຫະກິດ ຫວຍພັດທະນາ ວ່າ: ການດຳເນີນທຸລະກິດແມ່ນໄດ້ນຳໃຊ້ຫຼາຍພາກສ່ວນເສດຖະກິດເຂົ້າຮ່ວມໃນການຈຳໜ່າຍຜະລິດຕະພັນຫວຍພັດທະນາທຸກປະເພດຕາມມາດຖານເງື່ອນໄຂ ແລະ ລະບຽບການທີ່ໄດ້ກຳນົດໄວ້, ບັນດາຕົວແທນຈຳໜ່າຍຫວຍພັດທະນາລ້ວນແຕ່ເປັນຄົນລາວ, ຊຶ່ງໄດ້ຮັບການສ້າງຕັ້ງຕາມການເຫັນດີຂອງອຳນາດການປົກຄອງ ແລະ ຄຸ້ມຄອງການເຄື່ອນໄຫວຈຳໜ່າຍພາຍໃຕ້ລະບຽບກົດໝາຍ.

ປັດຈຸບັນຫວຍພັດທະນາ ພິມ-ຈຳໜ່າຍຫວຍພັດທະນາທຸກປະເພດທີ່ໄດ້ຮັບອະນຸຍາດປະກອບມີ: ຫວຍເລກ 6 ໂຕ, ເລກ 5 ໂຕ 4 ໂຕ, ເລກ 3 ໂຕ, ເລກ 2 ໂຕ, ເລກ 1 ໂຕທ້າຍ, ຫວຍຕຳລາຝັນ 3/40, ຫວຍຂູດ ແລະ ມີຕົວແທນຈຳໜ່າຍຫວຍພັດທະນາທົ່ວປະເທດທັງໝົດ 52 ຕົວແທນ,

ມີສະມາຊິກຜູ້ຂາຍຫວຍປະມານ 20 ພັນກວ່າຄົນ, ມີເຄື່ອງຂາຍຫວຍຂື້ນທະບຽນແລ້ວຈຳນວນ 37.483 ເຄື່ອງ, ມູນຄ່າຈຳໜ່າຍຫວຍພັດທະນາທຸກປະເພດ 6 ເດືອນຕົ້ນປີ 2021 ປະມານ 1.615 ຕື້ກີບເທົ່າກັບ 123,76% ຂອງແຜນການ, ລື່ນແຜນການ 23,76 % ຂອງຕົວເລກແຜນການຈຳໜ່າຍ.

ຂ່າວ​ກະຊວງການເງິນ, ອ່ານເພີ່ມໄດ້ທີ່ https://www.mof.gov.la/index.php/2021/09/10/laolottery

Sponsor by sokxay plus

ວີທີຊື້ເລກ ໄດ້ຮັບເງີນຄືນ 5% ໄດ້ແທ້ 100%

ພຽງເທົ່ານີ້ ກໍ່ຮັບໄປເລີຍ ສ່ວນຫຼຸດ 5% ງ່າຍ


About admin

Check Also

ຢູ​ເຄ​ຣນບັນລຸການເຮັດແບບ​ສອບ​ຖາມ​ເພື່ອເປັນສະ​ມາ​ຊິກ EU

ສໍານັກຂ່າວ Reuters ລາຍງານວ່າ ທ່ານ ອີວົວ ຊອຟ໌ກວາ ຮອງ​ຫົວໜ້າ​ສໍານັກງານ​​ປະທານາທິບໍດີ ໂວໂລດີມີຣ ເຊເລນສກີ ກ່າວ​ວ່າ ຢູ​ເຄຣນ​ໄດ້​ບັນລຸການເຮັດ​ແບບ​ສອບ​ຖາມ​ ເຊິ່ງ​ຈະ​ເປັນ​ຈຸດ​ເລີ່​ມຕົ້ນ​ໃຫ້​ແກ່​ສະຫະພາບ​ເອີ​ລົບ​ໃນ​ການ​ຕັດສິນ​ໃຈ​ເຂົ້າ​ເປັນ​ສະມາຊິກ​ຂອງຄຽບ. ທ່ານ ເອີຊູລາ ວອນ …

Leave a Reply

Your email address will not be published.

Recent Comments

No comments to show.