Breaking News

ປາດໂທ້! ດັງໄກຂ້າມຂອງ ແມ່ຄ້ານ້ອຍຮ້ອຍລີລາ ນ້ອງແຊນດີ້ ໄວ 10 ປີ ເຜີຍມີພຣິມຣີພາຍເປັນໄອດໍ້ (ຄລິບ)

ກໍາລັງເປັນກະແສໃຫ້ທຸກຄົນຫຼົງໄຫຼ ຄວາມເກັ່ງ ແລະ ຄວາມໜ້າຮັກສາວແມ່ຄ້ານ້ອຍຄົນນີ້ ນ້ອງແຊນດີ້ ແມ່ຄ້ານ້ອຍຮ້ອຍລີລາ ອາຍຸພຽງ 10 ປີ ກໍສາມາດເປັນແມ່ຄ້າໄດ້ແລ້ວ ໂດຍການຂາຍເຄື່ອງຂອງນ້ອງແມ່ນຈະພິເສດ ເພາະນ້ອງມີພອນສະຫວັນໃນການໂອ້ລົມ ເວົ້າຈາໜ້າຮັກຟັງແລ້ວມ່ວນຫູ ແລະ ກໍມີລີລາທີ່ດຶງດູດ ພ້ອມເຕັ້ນເບົາໆໄປນຳ.

ສຳລັບ Page ຂາຍເຄື່ອງແມ່ນຖືກເປີດມາໄດ້ໄລຍະໜຶ່ງແລ້ວ ຊ່ອງທາງການຂາຍອອນລາຍ ກໍຂາຍໄດ້ຂຶ້ນໆລົງໆຕາມປົກກະຕິ, ມີບາງຄັ້ງຈະບໍ່ຄ່ອຍໄດ້ຂາຍດີເທົ່າທີ່ຄວນ ແຕ່ເມື່ອມີນ້ອງແຊນດີ້ເຂົ້າມາ LIVE ຂາຍເຄື່ອງ ກໍເຮັດໃຫ້ການຄ້າຂາຍດີຂຶ້ນ ແລ້ວຜົນຕອບຮັບກໍດີເກີນຄາດ.

ນ້ອງແຊນດີ້ ໄດ້ເລີ່ມເຂົ້າມາ LIVE ໃນ Page ປະມານ 2 ເດືອນກວ່າ ເຊິ່ງຜົນຕອບຮັບແມ່ນດີຫຼາຍ. ມາຄັ້ງທຳອິດກໍມີຜູ້ຮັບຊົມເປັນຈຳນວນເຖິງຫຼັກພັນ, ສ່ວນໃນຄວາມມັກຮັກໃນການຂາຍເຄື່ອງຂອງນ້ອງແຊນດີ້ ແມ່ນເອົາ ພິມຣີ່ພາຍ ແມ່ຄ້າອອນລາຍທາງຝັ່ງໄທ ເປັນໄອດໍ້.

ນ້ອງແຊນດີ້ ເປັນເດັກທີ່ກະຕັນຍູຮູ້ບຸນຄຸນ ໃນໄລຍະໂຄວິດແຜ່ລະບາດ ກໍຢາກຈະຫາເງິນຊ່ວຍພໍ່ແມ່. ຈຸດເລີ່ມຕົ້ນໃນການເລີ່ມ LIVE ແມ່ນມີມື້ໜຶ່ງທີ່ເປັນມື້ພັກວຽກ ທາງຜູ້ເປັນນ້າໄດ້ສົ່ງຂໍຄວາມຫານ້ອງ ເພື່ອພານ້ອງໄປທ່ຽວ, ລະຫວ່າງໄປທ່ຽວນັ້ນໄດ້ເຫັນນ້ອງລັກໄປ LIVE ຄົນດຽວເປັນການ LIVE ຂາຍສະບູແບຣນໜຶ່ງ ທາງຜູ້ໃຫຍ່ກໍໄດ້ເຫັນຄວາມສາມາດຂອງນ້ອງໃນຕອນນັ້ນ ເພາະນ້ອງຈະບໍ່ອາຍ, ບໍ່ຕື່ນກ້ອງນັ້ນເອງ.

ໃນການ LIVE ຂາຍເຄື່ອງ ຖ້າຫາກນ້ອງເຂົ້າຮຽນແລ້ວອາດຈະປ່ຽນມາເປັນວັນພັກຮຽນແທນ ເພາະການສຶກສາຕ້ອງມາກ່ອນທີໜຶ່ງຢູ່ແລ້ວ ແລະ ເຮັດຄວບຄູ່ກັນໄປເພາະນ້ອງກໍມັກໃນດ້ານນີ້.ສຳລັບໃຜຢາກຈະສະໜັບສະໜູນ ນ້ອງແຊນດີ້ ສາວນ້ອຍຄົນເກັ່ງ ກໍສາມາດໄປຮັບຊົມການຖ່າຍທອດສົດໄດ້ທີ່ຊ່ອງທາງ Page ເຟສບຸກ: ຮ້ານແມ່ຄ້ານ້ອຍຮ້ອຍລີລາ By P&L Shop.

ປົກກະຕິກໍຂາຍເຄື່ອງອອນລາຍຢູ່ແລ້ວ ກໍເລີຍເອົາສິນຄ້າປະເພດອາຫານໃຫ້ນ້ອງ LIVE ລອງເບິ່ງ ຄັ້ງທຳອິດກໍມີຄົນເຂົ້າເບິ່ງຫຼາຍຈົນເຖິງຫຼັກພັນ ແລະ ໃນຕອນນີ້ຄົນເບິ່ງຫຼາຍກວ່າໝື່ນຄົນ. ໃນສ່ວນຂອງເທັກນິກ ຫຼື ລີລາການຂາຍແມ່ນນ້ອງໄດ້ເຮັດຂຶ້ນເອງ.

ຄລິບ

ຂໍຂອບໃຈຜູ້ໃຫ້ຂໍ້ມູນ: PaPern Southammavong (ຜູ້ເປັນນ້າຂອງນ້ອງແຊນດີ້)ຈາກ Lao X.

Sponsor by sokxay plus

ວີທີຊື້ເລກ ໄດ້ຮັບເງີນຄືນ 5% ໄດ້ແທ້ 100%

ພຽງເທົ່ານີ້ ກໍ່ຮັບໄປເລີຍ ສ່ວນຫຼຸດ 5% ງ່າຍ


About admin

Check Also

ຢູ​ເຄ​ຣນບັນລຸການເຮັດແບບ​ສອບ​ຖາມ​ເພື່ອເປັນສະ​ມາ​ຊິກ EU

ສໍານັກຂ່າວ Reuters ລາຍງານວ່າ ທ່ານ ອີວົວ ຊອຟ໌ກວາ ຮອງ​ຫົວໜ້າ​ສໍານັກງານ​​ປະທານາທິບໍດີ ໂວໂລດີມີຣ ເຊເລນສກີ ກ່າວ​ວ່າ ຢູ​ເຄຣນ​ໄດ້​ບັນລຸການເຮັດ​ແບບ​ສອບ​ຖາມ​ ເຊິ່ງ​ຈະ​ເປັນ​ຈຸດ​ເລີ່​ມຕົ້ນ​ໃຫ້​ແກ່​ສະຫະພາບ​ເອີ​ລົບ​ໃນ​ການ​ຕັດສິນ​ໃຈ​ເຂົ້າ​ເປັນ​ສະມາຊິກ​ຂອງຄຽບ. ທ່ານ ເອີຊູລາ ວອນ …

Leave a Reply

Your email address will not be published.

Recent Comments

No comments to show.