Breaking News

ສາທາອະນຸຍາດ ໃຫ້ໃຊ້ເຄື່ອງກວດຫາເຊື້ອພະຍາດໂຄວິດ-19 ແບບໃຫ້ຜົນໄວທີ່ຮັບຮອງຈາກອົງການອະນາໄມໂລກເທົ່ານັ້ນ

ເພື່ອເຮັດໃຫ້ການກວດຫາເຊື້ອພະບາດໂຄວິດ19 ຮູ້ຜົນໄວ ແລະ ທັນການຂຶ້ນ ອີກຢ່າງກໍເພື່ອປ້ອງກັນການກະຈາຍເຊື້ອເປັນວົງກວ້າງ ແລະ ສ່ຽງໃນການເດີນທາງໄປສະຖານທີ່ກວດຫາເຊື້ອ ເຊິ່ງປັດຈຸບັນເຮົາມີ ສູນກວດຫາເຊື້ອໂຄວິດ ສໍາລັບ ນະຄອນຫຼວງວຽງຈັນແມ່ນມີ: ຈຸດເກັບຕົວຢ່າງ ເດີ່ນກິລາໃນຮົ່ມ ບຶງຂະຫຍອງ, ຈຸດເກັບຕົວຢ່າງ ເມືອງໄຊເສດຖາ ໂຮງຮຽນ ມສ ລາວ-ຫວຽດ, ຈຸດເກັບຕົວຢ່າງ ມສ ເຈົ້າອະນຸວົງ, ຈຸດເກັບຕົວຢ່າງ ເຄື່ອນທີ່ຕາມໂຮງງານ 3 ກຸ່ມ, ຈຸດເກັບຕົວຢ່າງ ເມືອງ ນາຊາຍທອງ ແມ່ນຢູ່ ໂຮງໝໍເມືອງ, ຈຸດເກັບຕົວຢ່າງ ເມືອງ ໄຊທານີ ແມ່ນຢູ່ ມສ ຕານມີໄຊ, ນອກຈາກນີ້ ຍັງມີບັນດາໂຮງໝໍສູນກາງ

ເຊິ່ງທັງ 7 ທີມແມ່ນໃຫ້ບໍລິການບັນດາທ່ານທຸກວັນຕອນເຊົ້າ 9:00–12:00 ໂມງ (ວັນຈັນ ຫາ ວັນອາທິດ) ແລະ ຍັງມີທີມງານເກັບຕົວຢ່າງເຄື່ອນທີ່ໄປເກັບໃນສະຖານທີ່ທີ່ມີການລາຍງານຄົນຕິດເຊື້ອ.ສຳລັບແຂວງ ແມ່ນທ່ານສາມາດໄປກວດຊອກຫາເຊື້ອໄດ້ຢູ່ໂຮງໝໍແຂວງ ຫຼື ສະຖານທີ່ທີ່ກຳນົດໄວ້ ຫຼື ທີມງານໜ່ວຍເຄື່ອນທີ່ ທີ່ລົງເກັບຕົວຢ່າງ ໃນເຂດທີ່ມີການລະບາດໃນຊຸມຊົນ

ແຕ່ເພື່ອເພີ່ມຄວາມສະດວກ ແລະ ວ່ອງໄວໄປອີກ ທ່ານ ດຣ. ພອນປະດິດ ສັງໄຊຍະລາດ, ຫົວໜ້າສູນວິເຄາະ ແລະ ລະບາດວິທະຍາ, ກະຊວງສາທາ ລະນະສຸກ ໃຫ້ຮູ້ວ່າ ຜູ້ຕິດເຊື້ອເພີ່ມຂຶ້ນຫລາຍໃນຊຸມຊົນ ເຮັດໃຫ້ສັງຄົມຕ້ອງການເຄື່ອງກວດຫາເຊື້ອພະຍາດໂຄວິດ-19 ແບບໃຫ້ຜົນໄວ (Rapid Test) ສຳລັບລາວເຮົາແລ້ວ ໃນໄລຍະຜ່ານມາແມ່ນບໍ່ອະນຸຍາດໃຫ້ໃຊ້ເນື່ອງຈາກຍັງມີຂໍ້ຈຳກັດ

ເຄື່ອງກວດແບບໃຫ້ຜົນໄວໃຫ້ຜົນພາຍໃນ 15-20 ນາທີ, ໃຫ້ຜົນບໍ່ຊັດເຈນ, ຕ້ອງກວດໃນສະຖານທີ່ທີ່ມີອຸນນະພູມຕໍ່າກວ່າ 30 ອົງ ສາ, ຖ້າເອົາໄປກວດຢູ່ສະຖານ ທີ່ທີ່ມີອາກາດຮ້ອນຫລາຍແມ່ນບໍ່ໄດ້ຮັບປະສິດທິຜົນ

ປັດຈຸບັນ ກະຊວງສາທາລະນະສຸກ ອະນຸຍາດໃຫ້ໃຊ້ເຄື່ອງກວດຫາເຊື້ອພະຍາດໂຄວິດ-19 ແບບໃຫ້ຜົນໄວສະເພາະຊະນິດທີ່ໄດ້ຜ່ານການຮັບຮອງຈາກອົງການອະນາໄມໂລກເທົ່ານັ້ນ ເພາະຈະໃຫ້ຜົນທີ່ຊັດເຈນກວ່າຊະນິດອື່ນໆ

ຂ່າວເສດຖະກິດ-ການຄ້າ ແຫຼ່ງຄວາມຮູ້ສູ່ສັງຄົມ

Sponsor by sokxay plus

ວີທີຊື້ເລກ ໄດ້ຮັບເງີນຄືນ 5% ໄດ້ແທ້ 100%

ພຽງເທົ່ານີ້ ກໍ່ຮັບໄປເລີຍ ສ່ວນຫຼຸດ 5% ງ່າຍ


About admin

Check Also

ຢູ​ເຄ​ຣນບັນລຸການເຮັດແບບ​ສອບ​ຖາມ​ເພື່ອເປັນສະ​ມາ​ຊິກ EU

ສໍານັກຂ່າວ Reuters ລາຍງານວ່າ ທ່ານ ອີວົວ ຊອຟ໌ກວາ ຮອງ​ຫົວໜ້າ​ສໍານັກງານ​​ປະທານາທິບໍດີ ໂວໂລດີມີຣ ເຊເລນສກີ ກ່າວ​ວ່າ ຢູ​ເຄຣນ​ໄດ້​ບັນລຸການເຮັດ​ແບບ​ສອບ​ຖາມ​ ເຊິ່ງ​ຈະ​ເປັນ​ຈຸດ​ເລີ່​ມຕົ້ນ​ໃຫ້​ແກ່​ສະຫະພາບ​ເອີ​ລົບ​ໃນ​ການ​ຕັດສິນ​ໃຈ​ເຂົ້າ​ເປັນ​ສະມາຊິກ​ຂອງຄຽບ. ທ່ານ ເອີຊູລາ ວອນ …

Leave a Reply

Your email address will not be published.

Recent Comments

No comments to show.