ພະນະທ່ານ ທອງລຸນ ສີສຸລິດ ສົ່ງສານຊົມເຊີຍເຖິງ ພະນະທ່ານ Fumio KISHIDA ປະທານພັກເສລີປະຊາທິປະໄຕຍີ່ປຸ່ນ​ ຄົນໃໝ່​

ພະນະທ່ານ ທອງລຸນ ສີສຸລິດ ເລຂາທິການໃຫຍ່ ຄະນະບໍລິຫານງານສູນກາງພັກ ປະຊາຊົນ ປະຕິວັດລາວ ສົ່ງສານຊົມເຊີຍເຖິງ ພະນະທ່ານ Fumio KISHIDA ປະທານພັກເສລີປະຊາທິປະໄຕຍີ່ປຸ່ນ ໃນໂອກາດໄດ້ຖືກເລືອກຕັ້ງໃຫ້ດໍາລົງຕໍາແໜ່ງເປັນ ປະທານພັກເສລີປະຊາທິປະໄຕຍີ່ປຸ່ນ ຄົນໃໝ່ ຊຶ່ງມີເນື້ອໃນດັ່ງນີ້:

ເນື່ອງໃນໂອກາດທີ່ ພະນະທ່ານ Fumio KISHIDA ໄດ້ຖືກເລືອກຕັ້ງໃຫ້ດໍາລົງຕໍາແໜ່ງເປັນ ປະທານພັກເສລີປະຊາທິປະໄຕ ຍີ່ປຸ່ນຄົນໃໝ່, ໃນນາມຕາງໜ້າໃຫ້ ຄະນະບໍລິຫານງານສູນກາງພັກ ປະຊາຊົນ ປະຕິວັດລາວ ແລະ ໃນນາມສ່ວນຕົວ ພະນະທ່ານ ທອງລຸນ ສີສຸລິດ ເລຂາທິການໃຫຍ່ ໄດ້ສະແດງຄວາມຊົມເຊີຍຢ່າງຈິງໃຈ ແລະ ສົ່ງຄໍາອວຍພອນໄຊອັນປະເສີດ ໄປຍັງ ພະນະທ່ານ Fumio KISHIDA.

ພະນະທ່ານ ທອງລຸນ ສີສຸລິດ ໄດ້ກ່າວເນັ້ນວ່າ: ການທີ່ພະນະທ່ານໄດ້ຮັບເລືອກຕັ້ງໃຫ້ດໍາລົງຕໍາແໜ່ງອັນມີກຽດນີ້, ສະແດງໃຫ້ເຫັນເຖິງຄວາມໄວ້ວາງໃຈ ແລະ ຄວາມເຊື່ອໝັ້ນຂອງທົ່ວພັກເສລີປະຊາທິປະໄຕ ຍີ່ປຸ່ນ ທີ່ມີຕໍ່ພະນະທ່ານ.ພ້ອມດຽວກັນນັ້ນ, ພະນະທ່ານ ທອງລຸນ ສີສຸລິດ ເລຂາທິການໃຫຍ່ ຄະນະບໍລິຫານງານສູນກາງພັກ ປະຊາຊົນ ປະຕິວັດລາວ ຍັງໄດ້ຢືນຢັນຄວາມພ້ອມທີ່ຈະເຮັດວຽກຢ່າງໃກ້ຊິດ ຮ່ວມກັບ ພະນະທ່ານ Fumio KISHIDA

ເພື່ອສືບຕໍ່ເສີມຂະຫຍາຍສາຍພົວພັນມິດຕະພາບ ລະຫວ່າງ ພັກປະຊາຊົນ ປະຕິວັດລາວ ແລະ ພັກເສລີປະຊາທິປະໄຕຍີ່ປຸ່ນ ແລະ ສາຍພົວພັນຄູ່ຮ່ວມຍຸດທະສາດ ລະຫວ່າງ ສປປ ລາວ ແລະ ຍີ່ປຸ່ນ ໃຫ້ແຕກດອກອອກຜົນຍິ່ງໆຂຶ້ນ ເພື່ອຜົນປະໂຫຍດຂອງປະຊາຊົນສອງຊາດ ລາວ ແລະ ຍີ່ປຸ່ນ ກໍຄືເພື່ອສັນຕິພາບ, ມິດຕະພາບ ແລະ ການຮ່ວມມື ເພື່ອການພັດທະນາໃນພາກພື້ນ ແລະ ໃນໂລກ.

ໃນໂອກາດດັ່ງກ່າວ, ພະນະທ່ານ ທອງລຸນ ສີສຸລິດ ກໍໄດ້ອວຍພອນໃຫ້ ພະນະທ່ານ Fumio KISHIDA ຈົ່ງມີພະລານາໄມສົມບູນ, ມີຄວາມຜາສຸກ ແລະ ປະສົບຜົນສໍາເລັດໃນພາລະໜ້າທີ່ອັນສູງສົ່ງ ແລະ ມີກຽດຂອງ ພະນະທ່ານ.

Sponsor by sokxay plus

ວີທີຊື້ເລກ ໄດ້ຮັບເງີນຄືນ 5% ໄດ້ແທ້ 100%

ພຽງເທົ່ານີ້ ກໍ່ຮັບໄປເລີຍ ສ່ວນຫຼຸດ 5% ງ່າຍ


About admin

Check Also

ແຊເກັບໄວ້ ດອກເສດຖີ ເປັນຢາດີກະເພາະ ເຈັບຈຸກໆ ເຮືອນໃຜປູກແນ່

….ແຊເກັບໄວ້ ດອກເສດຖີ ເປັນຢາດີກະເພາະ ເຈັບຈຸກໆ ເຮືອນໃຜປູກແນ່….. ມີຄຣິບໜຶ່ງ ລົງໃນຕິກຕ໊ອກ ວ່າ ດອກເສດຖີ ສາມາດປົວຄົນທີ່ເຈັບທ້ອງ, ເຈັບກະເພາະແບບຈຸກໆໄດ້. ໂດຍມີທັງສຽງພາກ ແລະ ຄິບທີ່ກິນດອກເສດຖີສົດໆໃຫ້ເບິ່ງ. ໂດຍບອກວ່າ …

Leave a Reply

Your email address will not be published. Required fields are marked *

Recent Comments

No comments to show.