Breaking News

“ປກສ ແຂວງສະຫວັນນະເຂດ ໄລ່ນາຍຕຳຫຼວດ ອອກຈາກກຳລັງ 3 ສະຫາຍ”

“ປກສ ແຂວງສະຫວັນນະເຂດ ໄລ່ນາຍຕຳຫຼວດ ອອກຈາກກຳລັງ 3 ສະຫາຍ”

ໃນວັນທີ 7 ຕຸລາ 2021 ກອງບັນຊາການ ປກສ ແຂວງສະຫວັນນະເຂດ ໄດ້ປະກາດວິໄນນາຍຕຳຫຼວດ ທີ່ເຄື່ອນໄຫວລະເມີດລະບຽບວິໄນ, ກົດໜາຍວ່າດ້ວຍກຳລັງປ້ອງກັນຄວາມສະຫງົບ ອອກຈາກກຳລັງປ້ອງກັນຄວາມສະຫງົບ ປກສ ແຂວງສະຫວັນນະເຂດ ໂດຍການເຂົ້າຮ່ວມຂອງທ່ານ ພັອ ສັງທອງ ສີປະເສີດ ຮອງຫົວໜ້າກອງບັນຊາການ ປກສ ແຂວງສະຫວັນນະເຂດ, ມີຄະພັກກອງບັນຊາການ, ຄະນະຫ້ອງອ້ອມຂ້າງ, ກອງບັນຊາການ ປກສ ນະຄອນໄກສອນພົມວິຫານ ແລະ ພາກສ່ວນກ່ຽວຂ້ອງ ເຂົ້າຮ່ວມ.

ໃນພິທີ ທ່ານ ພັທ ດາວວອນ ຄົມທິລາດ ຮອງຫົວໜ້າຫ້ອງການເມືອງ ປກສ ແຂວງສະຫວັນນະເຂດ ໄດ້ຂຶ້ນຜ່ານ ຂໍ້ຕົກລົງ ກົມໃຫ່ຍການເມືອງປ້ອງກັນຄວາມສະຫງົບ ເລກທີ 3500, 3501 ແລະ 3502/ກມປສ, ລົງວັນທີ 6 ຕຸລາ 2021 ວ່າດ້ວຍການປະຕິບັດວິໄນນາຍຕຳຫຼວດ ,ເຊິ່ງໃນນີ້, ປະຕິບັດວິໄນ ຮ້ອຍໂທ ເວີນ ສີດາວົງ, ຮ້ອຍຕີ ສິດທິສອນ ໄຊທານີ ໜ້າທີ່ຮັບພິຊອບວິຊາການ ສັງກັດຢູ່ຫ້ອງຕຳຫຼວດ ແລະ ຮ້ອຍໂທ ສີສຸພັນ ທາດາສະຫວັນ ໜ້າທີ່ຮັບພິຊອບວິຊາການ ສັງກັດຢູ່ຫ້ອງຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ຂຶ້ນກັບ ປກສ ແຂວງສະຫວັນນະເຂດ.

ເຫດຜົນ ຍ້ອນການກະທຳຜິດຕໍ່ລະບຽບກົດໝາຍຂອງກຳລັງປ້ອງກັນຄວາມສະຫງົບ ພາກທີ V ມາດຕາ 39 ຂໍ້ 01, ຂໍ້ 03 ການເມີນເສີຍບໍ່ປະຕິບັດຕາມມະຕິ ຫຼື ຄຳສັງຂອງຂັ້ນເທິງ ແລະ ລະເມີດຄຳສັ່ງຂອງ ທ່ານນາຍົກລັດຖະມົນຕີສະບັບເລກທີ 15/ນຍ, ລົງວັນທີ 21 ເມສາ 2021 ວ່າດ້ວຍການເພີ່ມທະວີມາດຕະການສະກັດກັ້ນ, ຄວບຄຸມ ແລະ ກະກຽມຄວາມພ້ອມຮອບດ້ານເພື່ອຕ້ານພະຍາດ COVID-19

ສະນັ້ນຈຶ່ງປະຕິບັດວິໄນສະຫາຍທັງ 3 ນີ້ອອກຈາກກຳລັງ ປ້ອງກັນຄວາມສະຫງົບ ໂດຍບໍ່ໄດ້ຮັບອຸດໜູນນະໂຍບາຍໃດໆ.

ທີ່ມາ: ຂ່າວ-ພາບ: ປກສ ແຂວງສະຫວັນນະເຂດ

Sponsor by sokxay plus

ວີທີຊື້ເລກ ໄດ້ຮັບເງີນຄືນ 5% ໄດ້ແທ້ 100%

ພຽງເທົ່ານີ້ ກໍ່ຮັບໄປເລີຍ ສ່ວນຫຼຸດ 5% ງ່າຍ


About admin

Check Also

ສະຫລົດໃຈ! ລົດໃຫຍ່ ຕໍາຄົນຂັບລົດຈັກແກ່ລໍ້ເກັບຂອງເກົ່າເສຍຊີວິດຄາທີ່

🔥ສະຫລົດໃຈ! ລົດໃຫຍ່ ຕໍາຄົນຂັບລົດຈັກແກ່ລໍ້ເກັບຂອງເກົ່າເສຍຊີວິດຄາທີ່ ເວລາປະມານ 21:30 ນາທີ ວັນທີ 25/11/2022 ເຂດດົງຄຳຊ້າງ ເມືອງຫາດຊາຍຟອງ ນະຄອນຫຼວງວຽງຈັນ ຜູ້ເສຍຊີວິດ ເປັນເພດຍິງ ອາຍຸປະມານ 50 …

Leave a Reply

Your email address will not be published. Required fields are marked *

Recent Comments

No comments to show.