ຊົມເຊີຍ ແນວຄວາມຄິດທີ່ດີເລີດຂອງນາຍົກລັດຖະມົນຕີ ໃນການຮັບມືກັບ ໂ ຄ ວິ ດ

ພໍແຕ່ປະກາດການຈັດຕັ້ງການນຳຂັ້ນສູງຂອງລັດຖະບານລາວ, ຊຶ່ງທ່ານ ພັນຄຳ ວິພາວັນ ຖືກເລືອກຕັ້ງຈາກສະພາແຫ່ງຊາດ ໃຫ້ດຳລົງຕຳແໜ່ງ ນາຍົກລັດຖະມົນຕີຄົນທີ 8 ຂອງລາວເຮົາ.

ປະຊາຊົນທັງປະເທດໃຜໆ ກໍຊື່ນຊົມ ທີ່ເພິ່ນເປັນຄົນເດັດຂາດເວົ້າແທ້ທຳຈິງ ແລະ ມີຈິດໃຈ ເພື່ອປະເທດຊາດ ແລະ ປະຊາຊົນອັນສູງສົ່ງຂອງຕົນ ຢ່າງແທ້ຈິງ.ພໍແຕ່ກ້າວຂຶ້ນຕຳແໜ່ງນາຍົກລັດຖະມົນຕີ, ທ່ານກໍໄດ້ຕັ້ງຫນ້າຊີ້ນຳນຳພາທີ່ທັນການ ແລະ ເດັດຂາດ, ໂດຍສະເພາະແມ່ນຕໍ່ການລະບາດຂອງພະຍາດໂຄວິດ-19 ຮອບສອງໃນລາວຂະນະນີ້ ໂດຍທ່ານໄດ້ອອກຄຳສັ່ງເລກທີ 15/ນຍ, ລົງວັນທີ 21 ເມສານີ້

ວ່າດ້ວຍ “ການເພີ່ມທະວີມາດຕະການສະກັດກັ້ນ, ຄວບຄຸມ ແລະ ກຽມຄວາມພ້ອມຮອບດ້ານເພື່ອຕ້ານພະຍາດໂຄວິດ-19” ຢ່າງທັນການ, ຊຶ່ງມາດຕະການດັ່ງກ່າວໄດ້ກາຍເປັນທິດຊີ້ນຳໃນເຊີງຍຸດທະສາດທີ່ແຫຼມຄົມ ເພື່ອຄວບຄຸມທຸກບັນຫາໃນການຕ້ານ ແລະ ສະກັດກັ້ນ ໂຄວິດ-19, ພ້ອມດຽວກັນນັ້ນ ທ່ານຍັງໄດ້ລົງໄປໃກ້ຊິດຕິດແທດກັບພື້ນຖານຕົວຈິງ ເພື່ອຕິດຕາມ, ກວດກາ ແລະ ໃຫ້ຄຳຊີ້ນຳ ຢ່າງທັນການ ເປັນຕົ້ນໄດ້ລົງຢ້ຽມຢາມຜູ້ຕິດເຊື້ອ ທີ່ກຳລັງນອນປິ່ນປົວຢູ່ໂຮງໝໍເພື່ອເປັນຂັວນກຳລັງໃຈໃຫ້ປ່ວນປິ່ນປົວຕົນເອງ ແລະ ລົງ ຊຸກຍູ້ການຈັດຕັ້ງປະຕິບັດມາດຕະການປ້ອງກັນ, ຄວບຄຸມ, ສະກັດກັ້ນ ແລະ ແກ້ໄຂການແພ່ລະບາດຂອງພະຍາດຮ້າຍນີ້, ໃນຂະນະດຽວກັນທ່ານຍັງໄດ້ເນັ້ນໃຫ້ທຸກຄົນເປັນເຈົ້າການສະກັດກັ້ນ ແລະ ແກ້ໄຂບັນຫາຄົນລັກລອບເຂົ້າ-ອອກເມືອງ ທີ່ບໍ່ຖືກຕ້ອງຕາມກົດໝາຍ.

ໃນສະພາບຫຍຸ້ງຍາກດັ່ງກ່າວທ່ານຍັງໄດ້ອະນຸຍາດໃຫ້ຫົວໜ່ວຍທຸລະກິດ ແລະ ພາກເອກະຊົນສາມາດຈັດຊື້ວັກຊິນມາສັກໃຫ້ພະນັກງານຂອງຕົນ ພ້ອມປຸກລະດົມ ໃຫ້ມີການປະກອບສ່ວນວັດຖຸເງິນຄຳ ແລະ ສິ່ງຂອງຕ່າງໆ ເພື່ອຊ່ວຍໜູນ ລັດຖະບານນຳໃຊ້ເຂົ້າໃນການຕໍ່ຕ້ານກັບພະຍາດຮ້າຍແຮງນີ້, ພ້ອມໃຫ້ທິດຊີ້ນຳ ກະກຽມສ້າງບ່ອນປິ່ນປົວຄົນເຈັບໃຫ້ພຽງພໍ, ກະກຽມວັດຖຸອຸປະກອນ, ຢາປິ່ນປົວຜູ້ປ່ວຍໃຫ້ມີແຮໄວ້ ເພື່ອຮອງຮັບກໍລະນີມີຜູ້ຕິດເຊື້ອເພີ່ມສູງຂຶ້ນ…

ຄຽງຄູ່ກັນນັ້ນທ່ານນາຍົກລັດຖະມົນຕີຍັງໄດ້ຕັດສິນໃຈໃຫ້ຫຼຸດ ແລະ ເລື່ອນຊຳລະຫນີ້ຄ່າກະແສໄຟຟ້າໃນຊ່ວງໄລຍະທ້ອງຖິ່ນຕ່າງໆກຳລັງຖືກລ໋ອກດາວເພື່ອຊຸຍູ້ການຕ້ານໂຄວິດ-19.

ຕໍ່ນະໂຍບາຍດັ່ງກ່າວ, ສັງຄົມໃຫ້ການສະໜັບສະໜູນຢ່າງກວ້າງຂວາງ, ເພາະຮູ້ວ່າທັງຫມົດນີ້ກໍເພື່ອປະເທດຊາດບ້ານເມືອງເຮົາ ແລະ ເພື່ອຄວາມຢູ່ເຢັນເປັນສຸກຂອງປະຊາຊົນລາວບັນດາເຜົ່າ.

Sponsor by sokxay plus

ວີທີຊື້ເລກ ໄດ້ຮັບເງີນຄືນ 5% ໄດ້ແທ້ 100%

ພຽງເທົ່ານີ້ ກໍ່ຮັບໄປເລີຍ ສ່ວນຫຼຸດ 5% ງ່າຍ


About admin

Check Also

ໂຈນໄດ້ເອົາຄ້ອນໄມ້ ຝາດໃສ່ຫນ້າລົດໃຫຍ່

ເຫດເກີດທາງເຂົ້າບ້ານາຍ່າງ ເມືອງນາຊາຍທອງ ສົດໆຮ້ອນໆຄືນນີ້ ເວລາປະມານ23:30. ໂຈນໄດ້ເອົາຄ້ອນໄມ້ ຝາດໃສ່ຫນ້າລົດໃຫຍ່ ລາວກະຕົກໃຈເເລ້ວເສຍລັກລົງຄອງນ້ຳ ໂຈນໄດ້ເອົາໄຟຟ້າຊ໊ອດ. ຜູ່ກ່ຽວແລ້ວເອົາຊັບສິນ ໄປແລ້ວຍັງໄດ້ກີດຖົງໂສ້ງຜູ້ເສຍຫາຍເພື່ອເອົາຊັບສິນ ພ້ອມລາວໄດ້ ເລົ່າວ່າໂຈນມີເປົ້າ ຫມາຍຈະປຸ້ນເອົາລົດໃຫຍ່ ແຕ່ລົດເສຍລັກລົງຄອງນ້ຳ. ເອົາຂື້ນບໍ່ໄດ້ໂຈນເລີຍໄດ້ຫນີໄປ …

Leave a Reply

Your email address will not be published.

Recent Comments

No comments to show.