ແຈ້ງການດ່ວນ! ນະຄອນຫລວງພະບາງອອກຄຳສັ່ງເພີ່ມເຕີມໃຫມ່

ຈົ້ານະຄອນ ຫຼວງພະບາງ ອອກຄໍາສັ່ງເພີ້ມເຕີມ ດັ່ງນີ້:

1, ມາດຕະຖານຂໍ້ຫ້າມ:

1. ຫ້າມປະຊາຊົນ ອອກຈາກເຮືອນ ແລະ ທີ່ພັກອາໄສຂອງຕົນຢ່າງເດັດຂາດ (Lock down), ຍົກເວັ້ນກໍລະນີທີ່ມີຄວາມຈໍາເປັນ ແລະ ຮີບດ່ວນ ເຊັ່ນ: ເກິດລູກ, ເຈັບເປັນສຸກເສີນໄປປິ່ນປົວຢູ່ໂຮງຫມໍ, (ສໍາລັບການໄປຊື້ເຄື່ອງອຸປະໂພກ-ບໍລິໂພກ ແມ່ນໄປຄັ້ງດຽວແຕໃຫ້ກຸ້ມຫຼາຍມື) ແລະ ຕ້ອງໄດ້ຮັບອານຸຍາດຈາກຄະນະສະເພາະກິດຂັ້ນບ້ານ

2. ໃຫ້ປິດກິດຈະການຊົ່ວຄາວບັນດາຮ້ານ ຊຸບເປີມາເກັດ, ມິນິມາກ, ຮ້ານກາເຝ, ຮ້ານຂາຍເຄື່ອງກໍ່ສ້າງ, ຮ້ານຕັດຜົມ,ຮ້ານເສີມສວຍ, ຮ້ານຂາຍໂທລະສັບ, ຮ້ານຂາຍເຄື່ອງເອເຣັກໂທນິກ, ຮ້ານຂາຍເສື້ອຜ້າ, ຮ້ານຂາຍເຄື່ອງຍ່ອຍ, ລົດຂາຍຫມາກໄມ້, ຂາຍເລກ ແລະ ຮ້ານປີ້ງ-ຈົ່ມ ຕ່າງໆຕາມແຄມເສັ້ນທາງ..3. ໃຫ້ໂຈະຊົ່ວຄາວ ບໍລິການສົ່ງອາຫານຜ່ານທາງຝູດແລນດາ (Foodpanda) ໃນໄລຍະ (Lock down).

4. ຫ້າມບຸກຄົນ,ນິຕິບຸກຄົນ ຕັ້ງວົງຊຸມແຊວຢູ່ຕາມຮ້ານ, ເຮືອນ ແລະ ສະຖານທີ່ຕ່າງໆ ຢ່າງເດັດຂາດ.

5. ຫ້າມລົດທຸກປະເພດອອກສັນຈອນຕາມທ້ອງຖະຫນົນໂດຍບໍ່ມີຄວາມຈໍາເປັນຢ່າງເດັດຂາດ ແລະ ໃຫ້ປິດການສັນຈອນ ໃນເວລາ 09:00 ຕອນຄໍ່າ – 05:00 ຕອນເຊົ້າ.

II . ອະນຸຍາດໃຫ້ຈັດຕັ້ງປະຕິບັດ

1. ອະນຸຍາດໃຫ້ຂາຍປະເພດອາຫານ ເຊັ່ນ: ເຂົ້າ, ຊີ້ນ, ປາ, ຜັກ, ຫມາກໄມ້, ເຄື່ອງປຸງແຕ່ງອາຫານ, ນໍ້າດື່ມ (ແຕ່ຕ້ອງມີມາດຕະການປ້ອງກັນ ໂດຍການຮັກສາໄລຍະຫ່າງ ໃສ່ຜ້າປິດປາກ-ດັ່ງ, ໃສ່ເຈວລ້າງມືທຸກຄັ້ງທັງຜູ້ຊື້ ແລະ ຜູ້ຂາຍ. ສໍາລັບຜູ່ທີ່ຈະໄປອອກຕະຫຼາດຕ້ອງແມ່ນຜູ້ທີ່ສັກວັກຊີນຄົບຕາມຈໍານວນ 1 ເດືອນຂຶ້ນໄປ) ຮ້ານທີ່ໄດ້ຮັບອະນຸຍາດຕ້ອງປິດເວລາ 06:00 ຕອນແລງ.

2. ອະນຸຍາດໃຫ້ເປີດຂາຍນໍ້າມັນເຊື້ອໄຟ ແຕ່ເວລາ 06:00 ຕອນເຊົ້າ – 06:00 ຕອນແລງ.

III. ມາດຕະການຕໍ່ຜູ້ລະເມີດ:

1. ຖ້າຫາກບຸກຄົນ ຫຼື ນິຕິບຸກຄົນໃດ ຫາກຝ່າຝືນໃນການດໍາເນີນກິດຈະການທີ່ຖືກສັ່ງປິດຊົ່ວຄາວຕາມຄໍາສັ່ງສະບັບນີ້ແລະ ຄໍາສັ່ງສະບັບເລກທີ 1083/ຈນຫຼຸບ, ລົງວັນທີ 7 ຕຸລາ 2021 ແມ່ນຈະຖືກຖອນໃບອະນຸຍາດດໍາເນີນກິດຈະການ ແລະ ປັບໃຫມແຕ່ 3 – 5 ລ້ານກີບ, ຖ້າຮ້າຍແຮງໄປກ່ວານັ້ນແມ່ນຈະຖືກດໍາເນີນຄະດີຕາມກົດຫມາຍ.

2. ຖ້າຫາກບຸກຄົນ ຫຼື ນິຕິບຸກຄົນໃດ ຫາກລະເມີດການສັນຈອນ ໃນເວລາປິດທ້ອງທະຫນົນ ຈະຖືກກັກລົດ, ຍຶດໃບທະບຽນ ແລະ ໃບຂັບຂີ່ ພ້ອມທັງປັບໃຫມແຕ່ 2 – 5 ລ້ານກີບ, ຖ້າຮ້າຍແຮງໄປກ່ວານັ້ນແມ່ນຈະຖືກດໍາເນີນຄະດີຕາມກົດຫມາຍ.

3. ບຸກຄົນ ຫຼື ນິຕິບຸກຄົນໃດ ຫາກລະເມິດມີການຕັ້ງວົງມົ້ວສຸມ, ຊຸມແຊວ ຈະຖືກປັບໃຫມ ແຕ່ 3 – 5 ລ້ານກີບ ຕໍ່ 1ຄົນ, ສໍາລັບເຈົ້າສະຖານທີ່ ຫຼື ຮ້ານ ບັບໃຫມ 5 – 10 ລ້ານກີບ. ຖ້າຮ້າຍແຮງໄປກ່ວານັ້ນຈະຖືກດໍາເນີນຄະດີຕາມກົດຫມາຍ.

IV. ມາດຕະການໃນການຈັດຕັ້ງປະຕິບັດ

1. ມອບໃຫ້ຫົວຫນ້າກຸ່ມ, ພະນັກງານຮັບຜິດຊອບປະຈໍາແຕ່ລະບ້ານລົງນໍາພາ ຄະນະສະເພາະກິດຂັ້ນບ້ານຢ່າງເປັນປົກກະຕິເພື່ອຍົກສູງຄວາມຮັບຜິດຊອບ ກໍລະນີມີຄົນຕິດເຊື້ອຢູ່ບ້ານໃດ ແມ່ນມອບໃຫ້ບ່ານນັ້ນປິດ ຮອມທັນທີ ຫ້າມບໍ່ໃຫ້ຄົນໃນຮອມນັ້ນເຂົ້າ-ອອກຢ່າງເດັດຂາດ ຈົນກ່ວາຈະບໍ່ພົບຄົນຕິດເຊືອຫຼັງ 14 ວັນ.

2. ມອບໃຫ້ຄະນະສະເພາະກິດຂັ້ນນະຄອນ, ກອງບັນຊາການ ປກຊ-ປກສ, ຄະນະສະເພາະກິດຂັ້ນບ້ານ ແລະ ທຸກພາກສ່ວນໃນສັງຄົມ ເປັນເຈົ້າການຈັດຕັ້ງປະຕິບັດຕາມຄໍາສັ່ງຢ່າງເຂັ້ມງວດ.

3. ມອບໃຫ້ອົງການປົກຄອງບ້ານເປັນຜູ້ຕິດຕາມ, ກວດກາຢ່າງເຂັ້ມງວດ ຖ້າພົບເຫັນບຸກຄົນ ຫຼື ນິຕິບຸກຄົນໃດ ຫາກລະເມີດຄໍາສັ່ງໃຫ້ແຈ້ງເບີ ປກສ ນະຄອນ ຫຼວງພະບາງ 0305485255, 02059265395.

4. ຄໍາສັ່ງສະບັບນີ້ແມ່ນໃຊ້ເພີ້ມເຕີມຈາກຄໍາສັ່ງສະບັບເລກທີ 1083/ຈນຫຼຸບ ແລະ ມີຜົນບັງຄັບໃຊ້ນັບແຕ່ ເວລາ 06:00 ເຊົ້າ ຂອງວັນທີ 12 ຕຸລາ 2001 ເປັນຕົ້ນໄປ ຈົນກ່ວາຈະມີການປ່ຽນແປງ.

Sponsor by sokxay plus

ວີທີຊື້ເລກ ໄດ້ຮັບເງີນຄືນ 5% ໄດ້ແທ້ 100%

ພຽງເທົ່ານີ້ ກໍ່ຮັບໄປເລີຍ ສ່ວນຫຼຸດ 5% ງ່າຍ


About admin

Check Also

ໃຜຜິດໃຜຖືກ​!..​ມາເບີ່ງນຳກັນກ່ອນ..ຄອມແມ້ນ

ຈາກເຟສ tub muaj yeej ໂພສ: ໂພດໃຫ້ພໍແມ່ປະຊາຊົນເບີງເດີ້ ຈາກເຟສ tub muaj yeej ໂພສ: ໂພດໃຫ້ພໍແມ່ປະຊາຊົນເບີງເດີ້ ວ່າຕຳຫລວດເຮັດຖືກຫຼືບໍໄປເຮັດແນວນີ້ ຊວຍກົດແຊຮໃຫ້ແດເດີ້. ຢູ່ເມືອງຮຸນແຂວງອຸດົມໄຊເດີ້ຕອນ6ໂມງເຊົ້າຕຳຫລອດ4ຄົນເດີ້ …

Leave a Reply

Your email address will not be published. Required fields are marked *

Recent Comments

No comments to show.