Breaking News

ໃຜມີລົດເຖື່ອນຮີບໄປແຈ້ງເສຍພາສີດ່ວນຖ້າກາຍກໍານົດຈະຖືກປັບໃໝໜັກ

ແຈ້ງເຖິງ: ບຸກຄົນ, ນິຕິບຸກຄົນ ແລະ ການຈັດຕັ້ງ ພາຍໃນ ນະຄອນຫຼວງວຽງຈັນ.

ເລື່ອງ: ການແກ້ໄຂ ຍານພາຫະນະນໍາເຂົ້າບໍ່ຖືກຕ້ອງ ທີ່ມີໄວ້ໃນຄອບຄອງ, ນໍາໃຊ້ ຂອງບຸກຄົນ, ນິຕິບຸກຄົນ ແລະ ການຈັດຕັ້ງ.

ອີງຕາມ ກົດຫມາຍວ່າດ້ວຍພາສີ ສະບັບເລກທີ: 81/ສພຊ, ລົງວັນທີ 29 ມິຖຸນາ 2020; ອີງຕາມ ຂໍ້ຕົກລົງຂອງກະຊວງການເງິນ ສະບັບເລກທີ 2059/ກງ, ລົງວັນທີ 29 ເມສາ 2021 ວ່າດ້ວຍ ການຈັດຕັ້ງ ແລະ ການເຄື່ອນໄຫວຂອງກົມພາສີ;

ອີງຕາມ ແຈ້ງການແນະນໍາຂອງກົມພາສີ ສະບັບເລກທີ 05041/ກພສ, ລົງວັນທີ 8 ຕຸລາ 2021 ກ່ຽວກັບ ການຂຶ້ນບັນຊີ ຍານພາຫະນະນໍາເຂົ້າບໍ່ຖືກຕ້ອງ ທີ່ມີໄວ້ໃນຄອບຄອງ, ນໍາໃຊ້ ຂອງບຸກຄົນ, ນິຕິບຸກຄົນ ແລະ ການຈັດຕັ້ງ ໃນຂອບເຂດທົ່ວປະເທດ.

ພະແນກ ສືບສວນ-ສອບສວນ ແລະ ປາບປາມການລັກລອບຫນີພາສີ ຂໍແຈ້ງມາຍັງ ບຸກຄົນ, ນິຕິບຸກຄົນ ແລະ ການຈັດຕັ້ງ ພາຍໃນນະຄອນຫຼວງວຽງຈັນ ຜູ້ທີ່ຄອບຄອງ, ນໍາໃຊ້ຍານພາຫະນະນໍາເຂົ້າບໍ່ຖືກຕ້ອງ ໃຫ້ນໍາເອົາເອກະສານ ແລະ ຍານພາຫະນະຕົວຈິງ

ມາແຈ້ງຂຶ້ນບັນຊີ ກັບພະແນກ ສືບສວນ-ສອບສວນ ແລະ ປາບປາມການລັກລອບຫນີພາສີ ເພື່ອເກັບກໍາຂໍ້ມູນ ທີ່ໄດ້ມາຂອງຍານພາຫະນະ ແລະ ກວດກາສະພາບເຕັກນິກ ຍານພາຫະນະຕົວຈິງ ເພື່ອແກ້ໄຂ ເສຍ ພາສີ-ອາກອນ ໃຫ້ຖືກຕ້ອງຕາມກົດຫມາຍ ແລະ ນິຕິກໍາໃຕ້ກົດຫມາຍ.

ກໍານົດເວລາຮັບແຈ້ງຂຶ້ນບັນຊີ ຍານພາຫະນະ ແມ່ນເລີ່ມແຕ່ວັນທີ 12 ຕຸລາ 2021 ຫາ 05 ພະຈິກ 2021. ຖ້າ ມາແຈ້ງເກີນເວລາທີ່ກໍານົດໄວ້ ຫຼື ເຈົ້າຫນ້າທີ່ກວດກາ, ຢືດຍານພາຫະນະ ຈະຖືກປະຕິບັດມາດຕະການບັງຄັບໃຊ້ກົດ ຫມາຍ ຢ່າງເຂັ້ມງວດ.

ດັ່ງນັ້ນ, ຈຶ່ງແຈ້ງມາເພື່ອຊາບ ແລະ ໃຫ້ຄວາມຮ່ວມມືໃນການຈັດຕັ້ງປະຕິບັດດ້ວຍ.

Sponsor by sokxay plus

ວີທີຊື້ເລກ ໄດ້ຮັບເງີນຄືນ 5% ໄດ້ແທ້ 100%

ພຽງເທົ່ານີ້ ກໍ່ຮັບໄປເລີຍ ສ່ວນຫຼຸດ 5% ງ່າຍ


About admin

Check Also

ຢູ​ເຄ​ຣນບັນລຸການເຮັດແບບ​ສອບ​ຖາມ​ເພື່ອເປັນສະ​ມາ​ຊິກ EU

ສໍານັກຂ່າວ Reuters ລາຍງານວ່າ ທ່ານ ອີວົວ ຊອຟ໌ກວາ ຮອງ​ຫົວໜ້າ​ສໍານັກງານ​​ປະທານາທິບໍດີ ໂວໂລດີມີຣ ເຊເລນສກີ ກ່າວ​ວ່າ ຢູ​ເຄຣນ​ໄດ້​ບັນລຸການເຮັດ​ແບບ​ສອບ​ຖາມ​ ເຊິ່ງ​ຈະ​ເປັນ​ຈຸດ​ເລີ່​ມຕົ້ນ​ໃຫ້​ແກ່​ສະຫະພາບ​ເອີ​ລົບ​ໃນ​ການ​ຕັດສິນ​ໃຈ​ເຂົ້າ​ເປັນ​ສະມາຊິກ​ຂອງຄຽບ. ທ່ານ ເອີຊູລາ ວອນ …

Leave a Reply

Your email address will not be published.

Recent Comments

No comments to show.