Breaking News

4 ແຂວງພາກເໜືອ ສໍາມະນາກ່ຽວກັບ ການສ້າງລັດທີ່ປົກຄອງດ້ວຍກົດຫມາຍ ແລະ ທາບທາມ “ຮ່າງ” ກົດຫມາຍວ່າດ້ວຍການປົກຄອງ

4 ແຂວງພາກເໜືອ ສໍາມະນາກ່ຽວກັບ ການສ້າງລັດທີ່ປົກຄອງດ້ວຍກົດຫມາຍ ແລະ ທາບທາມ “ຮ່າງ” ກົດຫມາຍວ່າດ້ວຍການປົກຄອງ

ວັນທີ 14 ມັງກອນນີ້ ຄະນະຮັບຜິດຊອບ ສ້າງກົດຫມາຍ ວ່າດ້ວຍການປົກຄອງ ຈັດກອງປະຊຸມສໍາມະນາ ກ່ຽວກັບການສ້າງລັດທີ່ປົກຄອງດ້ວຍກົດຫມາຍ ແລະ ທາບທາມ “ຮ່າງ” ກົດຫມາຍ ວ່າດ້ວຍການປົກຄອງ ຂຶ້ນ ທີ່ສະໂມສອນແຂວງອຸດົມໄຊ

ໂດຍພາຍໃຕ້ການເປັນປະທານຮ່ວມຂອງ ທ່ານ ນິສີດ ແກ້ວປັນຍາ ຮອງລັດຖະມົນຕີກະຊວງພາຍໃນ, ທ່ານ ຄຳດີ ວົງລ້ອມ ຮອງເລຂາພັກແຂວງ ມີຫົວຫນ້າກົມ, ຫົວຫນ້າ, ຮອງຫົວຫນ້າພະແນກ, ພະນັກງານຫຼັກແຫຼ່ງ ຈາກອົງການປົກຄອງແຂວງ 4 ແຂວງພາກເຫນືອ:

ແຂວງຜົ້ງສາລີ, ບໍ່ແກ້ວ, ຫຼວງນ້ຳທາ ແລະ ແຂວງອຸດົມໄຊ ພ້ອມດ້ວຍຄະນະຮັບຜິດຊອບ ເຂົ້າຮ່ວມ.

ຈຸດປະສົງຂອງການຈັດກອງປະຊຸມ ແມ່ນເພື່ອແລກປ່ຽນບົດຮຽນ ກ່ຽວກັບລັດທີ່ປົກປົກຄອງດ້ວຍກົດຫມາຍ ແລະ ທາບທາມ “ຮ່າງ” ກົດຫມາຍ ວ່າດ້ວຍການປົກຄອງ, ເປັນການຈັດຕັ້ງຜັນຂະຫຍາຍການປົກຄອງດ້ວຍກົດຫມາຍ ແລະ ທາບທາມ ລັດຖະທໍາມະນູນ ກໍ່ຄື ມະຕິຕ່າງໆ ຂອງສູນກາງພັກ ໃນການຄົ້ນຄວ້າ “ສ້າງລັດແຫ່ງກົດຫມາຍ ເທື່ອລະກ້າວພາຍໃຕ້ການນໍາພາຂອງພັກ ເພື່ອຜົນປະໂຫຍດຂອງປະຊາຊົນ ໂດຍປະຊາຊົນ ແລະ ເພື່ອຜົນປະໂຫຍດຂອງປະຊາຊົນ”,

“ສ້າງຄວາມຫມັ້ນຄົງໃຫ້ແກ່ລັດປະຊາທິປະໄຕປະຊາຊົນ ທີ່ປົກຄອງດ້ວຍກົດໝາຍ ຢູ່ໃນ ສປປ ລາວ ໃຫ້ເກີດຮູບປະທໍາຕົວຈິງ ດັ່ງທ່ານ ໄກສອນ ພົມວິຫານ ຜູ້ນໍາທີ່ແສນເຄົາລົບຮັກຂອງປວງຊົນລາວ ໄດ້ໃຫ້ທັດສະນະຊີ້ນຳກ່ຽວກັບລັດທີ່ປົກຄອງດ້ວຍກົດຫມາຍ ວ່າ:

“ລັດແຫ່ງກົດຫມາຍ ແມ່ນລັດທີ່ຖືກົດຫມາຍສູງກວ່າສິ່ງໃດໆ ແລະ ສະຕິເຄົາລົບກົດຫມາຍຂອງພົນລະເມືອງ ໄດ້ກາຍເປັນຄວາມຊິນເຄີຍໃນຊີວິດປະຈໍາວັນ ແລ້ວ ລັດແຫ່ງກົດຫມາຍ ຍັງແມ່ນລັດທີ່ປະຕິບັດພັນທະຂອງຕົນຕໍ່ພົນລະເມືອງ ແລະ ພັນທະຂອງພົນລະເມືອງຕໍ່ລັດ”.

ການຈັດກອງປະຊຸມສໍາມະນາ ຄັ້ງນີ້ ຈິ່ງເປັນໂອກາດອັນສໍາຄັນ ເພື່ອໃຫ້ບັນດາແຂກທີ່ຖືກຮັບເຊີນຕາງຫນ້າຈາກ 4 ແຂວງ ພາກເຫນືອ ໄດ້ປຶກສາຫາລື ແລະ ແລກປ່ຽນບົດຮຽນ ເພື່ອເປັນພື້ນຖານຄວາມຮູ້ ແລະ ເປັນຂໍ້ມູນໃນການຄົ້ນຄ້ວາປັບປຸງການປົກຄອງ, ນິຕິກໍປົກຄອງ ແລະ ການແກ້ໄຂຄະດີປົກຄອງ ໂດຍສະເພາະ ກ່ຽວກັບການອອກນິຕິກຳປົກຄອງ ຂອງອົງການປົກຄອງຂັ້ນຕ່າງໆ ແລະ ການດໍາເນີນຄະດີປົກຄອງ ຢູ່ປະເທດເຮົາໃນຕໍ່ຫນ້າ ເພື່ອເຮັດໃຫ້ການປົກຄອງດ້ວຍກົດຫມາຍ ໃນ ສປປ ລາວ ປາກົດຜົນເປັນຈິງ ແລະສັກສິດ.

ກອງປະຊຸມ ຈະດໍາເນີນໄປເປັນເວລາ 2 ວັນຈິ່ງຈະສຳເລັດ.

ທີ່ມາ : ສະຖານີວິທະຍຸ ແລະ ໂທລະພາບ ແຂວງ ອຸດົມໄຊ

Sponsor by sokxay plus

ວີທີຊື້ເລກ ໄດ້ຮັບເງີນຄືນ 5% ໄດ້ແທ້ 100%

ພຽງເທົ່ານີ້ ກໍ່ຮັບໄປເລີຍ ສ່ວນຫຼຸດ 5% ງ່າຍ


About admin

Check Also

ສະຫລົດໃຈ! ລົດໃຫຍ່ ຕໍາຄົນຂັບລົດຈັກແກ່ລໍ້ເກັບຂອງເກົ່າເສຍຊີວິດຄາທີ່

🔥ສະຫລົດໃຈ! ລົດໃຫຍ່ ຕໍາຄົນຂັບລົດຈັກແກ່ລໍ້ເກັບຂອງເກົ່າເສຍຊີວິດຄາທີ່ ເວລາປະມານ 21:30 ນາທີ ວັນທີ 25/11/2022 ເຂດດົງຄຳຊ້າງ ເມືອງຫາດຊາຍຟອງ ນະຄອນຫຼວງວຽງຈັນ ຜູ້ເສຍຊີວິດ ເປັນເພດຍິງ ອາຍຸປະມານ 50 …

Leave a Reply

Your email address will not be published. Required fields are marked *

Recent Comments

No comments to show.