Breaking News

?“ ມູນນິທິ ໂຄຄາ – ໂຄລາ ໄດ້ມອບທຶນໃຫ້ແກ່ ອົງການຊ່ວຍເຫຼືອເດັກສາກົນ ປະຈຳ ສປປ ລາວ

?“ ມູນນິທິ ໂຄຄາ – ໂຄລາ ໄດ້ມອບທຶນໃຫ້ແກ່ ອົງການຊ່ວຍເຫຼືອເດັກສາກົນ ປະຈຳ ສປປ ລາວ

ເພື່ອສະໜັບສະໜູນງົບປະມານການຈັດຕັ້ງປະຕິບັດການສັກວັກຊີນກັນພະຍາດ ໂຄວິດ-19 ໃຫ້ແກ່ປະຊາຊົນລາວ.ມູນນິທິ ໂຄຄາ – ໂຄລາ ມອບທຶນເປັນຈຳນວນເງິນມູນຄ່າ 100,000 ໂດລາ ສະຫະລັດ ເຊິ່ງໃນນີ້ ຈຳນວນເງິນ 70,000 ໂດລາສະຫະລັດ ແມ່ນເພື່ອຊຸກຍູ້ເຂົ້າໃນການສະໜອງອຸປະກອນ ແລະ ເຄື່ອງໃຊ້ທີ່ຈຳເປັນ

ສຳລັບການຈັດຕັ້ງປະຕິບັດການສັກຢາວັກຊີນໃຫ້ແກ່ປະຊາຊົນ ເຊັ່ນ: ຜ້າອັດປາກ, ຖົງດໍາໃສ່ຂີ້ເຫຍື້ອ, ເຈວລ້າງມື, ເຫຼົ້າ 75%, ຖົງມືອະເຊື້ອ, ເສື້ອກາວ, ຊຸດ ພີພີອີ, ເຄື່ອງແທກຄວາມດັນ ແລະ ເຄື່ອງແທກອຸນຫະພູມ ດີຈີຕອລ ແລະ ອຸປະກອນອື່ນໆທີ່ຈຳເປັນສຳລັບກິດຈະກຳ. ອີກຈຳນວນເງິນ 30,000 ໂດລາສະຫະລັດ ແມ່ນງົບປະມານສຳຫລັບການບໍລິຫານຈັດການ ແລະ ສະໜອງໃຫ້ບັນດາຜູ້ຊ່ຽວຊານສະເພາະດ້ານຈາກອົງການຊ່ວຍເຫຼືອເດັກ ເພື່ອໃຫ້ການຝຶກອົບຮົມ ແລະ ສະໜັບສະໜູນ ພະແນກ ສາທາລະນະສຸກປະຈຳແຂວງຫລວງພະບາງ ໃນການປະຕິບັດໜ້າທີ່ ການລົງສັກວັກຊີນກັນພະຍາດ ໂຄວິດ-19 ໃຫ້ແກ່ປະຊາຊົນລາວ ໃນຄັ້ງນີ້.

ພິທີມອບ-ຮັບທຶນສະໜັບສະໜູນງົບປະມານການຈັດຕັ້ງປະຕິບັດການສັກຢາວັກຊີນກັນພະຍາດ ໂຄວິດ-19 ໄດ້ຈັດຂຶ້ນໃນວັນທີ 10 ກັນຍາ 2021 ທີ່ຫ້ອງການອົງການຊ່ວຍເຫຼືອເດັກ ປະຈຳນະຄອນຫລວງພະບາງ ໂດຍການເປັນປະທານຂອງທ່ານ ນາງ ເດັບໂບລາ ລີເວີ, ຫົວໜ້າຫ້ອງການອົງການຊ່ວຍເຫຼືອເດັກ ແລະ ທ່ານ ພະສິນ ປັ້ນດີ, ຜູ້ຈັດການສາຍງານຂາຍທົ່ວປະເທດ ບໍລິສັດ ລາວ ໂຄຄາ-ໂຄລາ ບ໊ອຕຕລິງ ຈຳກັດ, ຕົກລົງເຫັນດີຈັດຕັ້ງປະຕິບັດກິດຈະກໍາດັ່ງກ່າວໃນທ້າຍເດືອນກັນຍາ ແລະ ຄາດວ່າຈະສໍາເລັດພາຍໃນເດືອນທັນວາ ປີ 2021 ໂດຍໜ່ວຍງານ ສຸຂະພາບ ແລະ ໂພຊະນາການ ພະແນກສາທາລະນະສຸກ ແຂວງຫຼວງພະບາງ, ຫ້ອງການສາທາລະນະສຸກເມືອງ ແລະ ອົງການຊ່ວຍເຫຼືອເດັກ.

ກິດຈະກຳດັ່ງກ່າວ ປະຊາຊົນລາວໃນເຂດ 4 ເມືອງເປົ້າໝາຍຂອງແຂວງຫຼວງພະບາງ ລວມທັງຫມົດ 40 ຫມູ່ບ້ານ ແມ່ນຈະໄດ້ຮັບຜົນປະໂຫຍດຈາກກິດຈະກໍາດັ່ງກ່າວ, ເຊິ່ງບ້ານເປົ້າໝາຍປະກອບມີ: 1) ເມືອງ ນານ: ບ້ານ ນາລິນ, ບ້ານ ກາງ, ບ້ານ ແກ້ວມະນີ, ບ້ານ ຫ້ວຍສາລາ , ບ້ານ ຜາກວາງ , ບ້ານ ນາເມືອງກາງ, ບ້ານ ຫ້ວຍຫອຍ, ບ້ານ ປາກຄອນ, ບ້ານ ສີວິໄລ ແລະ ບ້ານ ຜາຕ້ອງລົມ , 2) ເມືອງ ປາກອູ: ບ້ານ ຫ້ວຍກາງ, ບ້ານ ຫາດແຄ, ບ້ານ ກຽດ, ບ້ານ ຄົນຫັນ, ບ້ານ ຫາດຄັງ, ບ້ານ ຖິ່ນຈະເລີນ, ບ້ານ ຫ້ວຍແປນ, ບ້ານ ລາດກອກ, ບ້ານ ຫ້ວຍເຫຼືອງ ແລະ ບ້ານ ຫ້ວຍໂລ, 3) ນະຄອນຫຼວງພະບາງ: ບ້ານ ໜອງບົວຄໍາ, ບ້ານ ຫ້ວຍທອງ, ບ້ານ ຊຽງມວກ, ບ້ານ ພິກໃຫຍ່, ບ້ານ ຄົກຢາ, ບ້ານ ໜອງຊາຍ, ບ້ານ ປາກເພາະ, ບ້ານ ນາຕານ, ບ້ານ ທ່າອຸ້ຍ ແລະ ບ້ານ ຫ້ວຍເລິກ, 4) ເມືອງ ຊຽງເງີນ: ບ້ານ ກິ່ວຂາມປ້ອມ, ບ້ານ ກິ່ວໄມລໍ, ບ້ານ ໜອງອົ້ນ, ບ້ານ ພູທາດ, ບ້ານ ກິ່ວກະຈຳ, ບ້ານ ພູດຳ, ບ້ານ ກິ່ວຕະລຸນ2, ບ້ານ ນໍ້າມິ່ງ, ບ້ານ ກິ່ວໝາກນາວ ແລະ ບ້ານ ກິ່ວຫຍ້າ.

Sponsor by sokxay plus

ວີທີຊື້ເລກ ໄດ້ຮັບເງີນຄືນ 5% ໄດ້ແທ້ 100%

ພຽງເທົ່ານີ້ ກໍ່ຮັບໄປເລີຍ ສ່ວນຫຼຸດ 5% ງ່າຍ


About admin

Check Also

ສະຫລົດໃຈ! ລົດໃຫຍ່ ຕໍາຄົນຂັບລົດຈັກແກ່ລໍ້ເກັບຂອງເກົ່າເສຍຊີວິດຄາທີ່

🔥ສະຫລົດໃຈ! ລົດໃຫຍ່ ຕໍາຄົນຂັບລົດຈັກແກ່ລໍ້ເກັບຂອງເກົ່າເສຍຊີວິດຄາທີ່ ເວລາປະມານ 21:30 ນາທີ ວັນທີ 25/11/2022 ເຂດດົງຄຳຊ້າງ ເມືອງຫາດຊາຍຟອງ ນະຄອນຫຼວງວຽງຈັນ ຜູ້ເສຍຊີວິດ ເປັນເພດຍິງ ອາຍຸປະມານ 50 …

Leave a Reply

Your email address will not be published. Required fields are marked *

Recent Comments

No comments to show.