ອີກແລ້ວ!. ພົບເຫັນກຸ່ມໄວລຸ້ນ 23 ຄົນ​ ຕັ້ງວົງຊຸມແຊວ ຢູ່ຮ້ານອາຫານລີສອດ 69

ພັທ ບຸນມີ ກັນຕິຍາວົງ ຮອງຫົວໜ້າກອງບັນຊາການ ປກສ ເມືອງນາຊາຍທອງ ນະຄອນຫຼວງວຽງຈັນ ໃຫ້ຮູ້ວ່າ: ເວລາ 23:50 ໂມງ ຂອງວັນທີ 26 ຕຸລາ 2021,

ເຈົ້າໜ້າທີ່ ພະແນກຕໍາຫຼວດ ປກສ ເມືອງນາຊາຍທອງ ອອກກວດກາລາດຕະເວນ ພົບເຫັນຮ້ານອາຫານລີສອດ 69 ຕັ້ງຢູ່ບ້ານຫ້ວຍນໍ້າເຢັນ ເມືອງນາຊາຍທອງ ນວ ລັກລອບເປີດບໍລິການທີ່ເປັນການ ລະເມີດຕໍ່ແຈ້ງການ ເລກທີ 38 /ສພກ ນວ.

ຜ່ານການກວດກາພົບເຫັນກຸ່ມໄວລຸ້ນ 23 ຄົນ, ຍິງ 10 ຄົນ ຕັ້ງວົງຊຸມແຊວດື່ມເຫຼົ້າ, ເບຍ ຢູ່ໃນຮ້ານດັ່ງກ່າວ ເຈົ້າໜ້າທີ່ຈຶ່ງໄດ້ເຂົ້າໄປສຶກສາອົບຮົມກ່າວເຕືອນ ເຈົ້າຂອງຮ້ານ ແລະ ໄວລຸ້ນ ຈໍານວນ 20 ຄົນ, ແລະ ໄດ້ປັບໄໝຕາມລະບຽບການບໍລິຫານ, ພ້ອມທັງໃຫ້ຢຸດບໍລິການໄວ້ຊົ່ວຄາວ ຈົນກວ່າຈະມີການປ່ຽນແປງ, ສ່ວນ 3 ຄົນ ທີ່ເຈົ້າໜ້າທີ່ກວດພົບ ຜົງຂາວ ຈໍານວນ 5 ຫຼອດນ້ອຍຄື:

1 ທ້າວ ອ້ວນ, 2 ທ້າວ ແກ້ວປະເສີດ ແລະ 3 ທ້າວ ພອນສະຫວັນ ຢູ່ບ້ານປາກທ້າງ ເມືອງສີໂຄດຕະບອງ ນະຄອນຫຼວງວຽງຈັນ. ເຈົ້າໜ້າທີ່ໄດ້ນໍາຕົວມາສືບສວນ-ສອບສວນ ເພື່ອຂະຫຍາຍຜົນສືບຄົ້ນຫາກຸ່ມແກ້ງຮ່ວມຂະບວນການຕື່ມອີກ.

ກອງບັນຊາການ ປກສ ນວ ຮຽກຮ້ອງຫ້າງຮ້ານເຈົ້າຂອງທຸລະກິດ ແລະ ປະຊາຊົນບັນດາເຜົ່າຊາວ ນວ ຈົ່ງພ້ອມກັນຈັດຕັ້ງປະຕິບັດຄໍາສັ່ງເລກທີ 38/ສພກ. ນວ ວ່າດ້ວຍການສືບຕໍ່ເພີ່ມທະວີການຈັດຕັ້ງປະຕິບັດມາດຕະການປ້ອງກັນ, ຄວບຄຸມ ແລະ ແກ້ໄຂການແຜ່ລະບາດຂອງພະຍາດໂຄວິດ -19 ຢູ່ ນວ ໃຫ້ຫຼຸດໜ້ອຍຖອຍລົງ,

ຖ້າບຸກຄົນ ຫຼື ນິຕິບຸກຄົນໃດ ລະເມີດ ຈະຖືກປັບໃໝ 3.000.000 ກີບ/ຄົນ/ຄັ້ງ ແລະ ນິຕິບຸກຄົນ 10.000.000 ກີບ/ຄົນ/ຄັ້ງ. ພົບເຫັນແຈ້ງເບີວອດແອັບ ປກສ ນວ 020 28899774

Sponsor by sokxay plus

ວີທີຊື້ເລກ ໄດ້ຮັບເງີນຄືນ 5% ໄດ້ແທ້ 100%

ພຽງເທົ່ານີ້ ກໍ່ຮັບໄປເລີຍ ສ່ວນຫຼຸດ 5% ງ່າຍ


About admin

Check Also

ແຊເກັບໄວ້ ດອກເສດຖີ ເປັນຢາດີກະເພາະ ເຈັບຈຸກໆ ເຮືອນໃຜປູກແນ່

….ແຊເກັບໄວ້ ດອກເສດຖີ ເປັນຢາດີກະເພາະ ເຈັບຈຸກໆ ເຮືອນໃຜປູກແນ່….. ມີຄຣິບໜຶ່ງ ລົງໃນຕິກຕ໊ອກ ວ່າ ດອກເສດຖີ ສາມາດປົວຄົນທີ່ເຈັບທ້ອງ, ເຈັບກະເພາະແບບຈຸກໆໄດ້. ໂດຍມີທັງສຽງພາກ ແລະ ຄິບທີ່ກິນດອກເສດຖີສົດໆໃຫ້ເບິ່ງ. ໂດຍບອກວ່າ …

Leave a Reply

Your email address will not be published. Required fields are marked *

Recent Comments

No comments to show.