Breaking News

ຊາຍໜຸ່ມຊາວຍີ່ປຸ່ນແຕ່ງຕົວເປັນໂຈ໊ກເກີ້ ( ໃຊ້ມີດໄລ່ແທງ-ຈູດໄຟເຜົາລົດໄຟຂະນະແລ່ນຢູ່ ມີຜູ້ບາດເຈັບນັບສິບຄົນ

ຜູ້ໂດຍສານລົດໄຟມຸ່ງໜ້າສະຫລອງຮັລໂລວີນໃນໂຕກຽວຕ້ອງໜີຕາຍ ຫລັງເກີດເຫດຊາຍໜຸ່ມໃຊ້ມີດໄລ່ແທງຄົນໃນຂະບວນ ພ້ອມຈູດໄຟເຜົາຈົນຕ້ອງລະງັບການແລ່ນລົດ.

ວັນທີ 31 ຕຸລາ 2021, ສຳນັກຂ່າວຕ່າງປະເທດລາຍງານວ່າ: ເມື່ອເວລາປະມານ 20:00 ໂມງ ຕາມເວລາທ້ອງຖິ່ນ ມີຜູ້ກໍ່ເຫດໃຊ້ມີດໄລ່ແທງຜູ້ໂດຍສານພາຍໃນຂະບວນລົດໄຟ Keio Line ຂະນະທີ່ແລ່ນຢູ່ ກ່ອນຈະມີການຈອດສຸກເສີນຢູ່ສະຖານີ Kokuryo Station ໃນເມືອງໂຊຟຸ ທາງຕາເວັນຕົກຂອງນະຄອນຫລວງໂຕກຽວ ປະເທດຍີ່ປຸ່ນ.

ຂະນະທີ່ຜູ້ໂດຍສານກຳລັງແລ່ນໜີຢູ່ນັ້ນ ຊາຍຄົນດັ່ງກ່າວໄດ້ລາດນ້ຳມັນໃສ່ລົດໄຟ ແລະ ຈູດໄຟເຜົາ ຈົນຕັ່ງນັ່ງໃນລົດໄຟໄດ້ຮັຍຄວາມເສຍຫາຍບາງສ່ວນ.ເຈົ້າໜ້າທີ່ໄດ້ເຂົ້າຈັບກຸມຊາຍອາຍຸ 24 ປີຄົນໜຶ່ງ ທີ່ນັ່ງຖ້າໃຫ້ຈັບ ໂດຍມີລາຍງານຜູ້ບາດເຈັບແລ້ວຢ່າງໜ້ອຍ 17 ຄົນ ມີຊາຍສູງອາຍຸຄົນໜຶ່ງໝົດສະຕິຫລັງຖືກແທງ.

ຕາມລາຍງານລະບຸວ່າ: ຊາຍຄົນດັ່ງກ່າວໄດ້ແຕ່ງຕົວເປັນຕົວລະຄອນໂຈ໊ກເກີ້ຈາກເລື່ອງແບດແມນ ເຊິ່ງຜູ້ໂດຍສານຫລາຍຄົນໄດ້ແຕ່ງກາຍເປັນຕົວລະຄອນຕ່າງໆ ແລະ ໂດຍສານລົດໄຟຂະບວນນີ້ເຂົ້າໄປນະຄອນຫລວງໂຕກຽວເພື່ອສະຫລອງເທດສະການຮັລໂລວີນ ເຊິ່ງປັດຈຸບັນທາງຜູ້ໃຫ້ບໍລິການໄດ້ສັ່ງລະງັບການແລ່ນລົດທັງຂາເຂົ້າ ແລະ ຂາອອກແລ້ວ.

Sponsor by sokxay plus

ວີທີຊື້ເລກ ໄດ້ຮັບເງີນຄືນ 5% ໄດ້ແທ້ 100%

ພຽງເທົ່ານີ້ ກໍ່ຮັບໄປເລີຍ ສ່ວນຫຼຸດ 5% ງ່າຍ


About admin

Check Also

ຢູ​ເຄ​ຣນບັນລຸການເຮັດແບບ​ສອບ​ຖາມ​ເພື່ອເປັນສະ​ມາ​ຊິກ EU

ສໍານັກຂ່າວ Reuters ລາຍງານວ່າ ທ່ານ ອີວົວ ຊອຟ໌ກວາ ຮອງ​ຫົວໜ້າ​ສໍານັກງານ​​ປະທານາທິບໍດີ ໂວໂລດີມີຣ ເຊເລນສກີ ກ່າວ​ວ່າ ຢູ​ເຄຣນ​ໄດ້​ບັນລຸການເຮັດ​ແບບ​ສອບ​ຖາມ​ ເຊິ່ງ​ຈະ​ເປັນ​ຈຸດ​ເລີ່​ມຕົ້ນ​ໃຫ້​ແກ່​ສະຫະພາບ​ເອີ​ລົບ​ໃນ​ການ​ຕັດສິນ​ໃຈ​ເຂົ້າ​ເປັນ​ສະມາຊິກ​ຂອງຄຽບ. ທ່ານ ເອີຊູລາ ວອນ …

Leave a Reply

Your email address will not be published.

Recent Comments

No comments to show.