ບາງຂໍ້ຄົງຄ້າງໃນການພັດທະນາເສດຖະກິດ- ສັງຄົມ ໃນສະພາບໂຄວິດ ຍັງຈະຕ້ອງໄດ້ສືບຕໍ່ແກ້ໄຂ

ບາງຂໍ້ຄົງຄ້າງໃນການພັດທະນາເສດຖະກິດ- ສັງຄົມ ໃນສະພາບໂຄວິດ ຍັງຈະຕ້ອງໄດ້ສືບຕໍ່ແກ້ໄຂ

ທ່ານ ສອນໄຊ ສີພັນດອນ ຮອງນາຍົກລັດຖະມົນຕີ, ລັດຖະມົນຕີກະຊວງແຜນການ ແລະ ການລົງທຶນ ໄດ້ລາຍງານສະພາບພັດທະນາເສດຖະກິດ-ສັງຄົມ ໄລຍະຜ່ານມາ ຕໍ່ກອງປະຊຸມສະໄໝສາມັນເທື່ອທີ 2 ຂອງສະພາແຫ່ງຊາດຊຸດທີ IX ທີ່ພວມດຳເນີນຢູ່ໃນປັດຈຸບັນນີ້ ວ່າ:

ເຖິງແມ່ນປະເທດເຮົາ ໄດ້ຮັບຜົນກະທົບຫນັກຈາກລະບາດຂອງພະຍາດໂຄວິດ-19, ແຕ່ລັດຖະບານໄດ້ເອົາໃຈໃສ່ປະຕິບັດຫລາຍນະໂຍບາຍ ແລະ ມາດຕະການຕ່າງໆ ອັນໄດ້ເຮັດໃຫ້ເສດຖະກິດຂອງປະເທດບໍ່ຕົກໃນສະພາບວິກິດ ແລະ ຍັງສາມາດສືບຕໍ່ຂະຫຍາຍຕົວໄດ້,

ຈຸດດີທີ 1 ກໍຍ້ອນຄະນະພັກ, ຄະນະນໍາຂອງກະຊວງ-ອົງການ ແລະ ທ້ອງຖິ່ນຕ່າງໆ ໄດ້ເປັນເຈົ້າໃນການນໍາພາເຊື່ອມຊຶມ ມະຕິ XI ຂອງພັກ ເພື່ອ ຍົກສູງຄວາມຮັບຜິດຊອບທາງດ້ານການເມືອງໃຫ້ສະມາຊິກພັກພະນັກງານ ມີຄວາມໜັກແໜ້ນ;ເອົາໃຈໃສ່ແກ້ໄຂຂໍ້ຫຍຸ້ງຍາກໄດ້ຢ່າງເປັນລະບົບ, ມີການປະສານງານເຊິ່ງກັນ ແລະ ກັນລະຫວ່າງສູນກາງ ແລະ ທ້ອງຖິ່ນ ໄປໃນລວງດຽວ;

2. ໄດ້ມີການປັບປຸງບັນດານິຕິກໍາ ແລະ ລະບຽບການໃຫ້ມີຄວາມກະທັດຫັດ ແລະ ເປັນເອກະພາບໃນການຈັດຕັ້ງປະຕິບັດ; ພ້ອມປັບປຸງກົງຈັກການຈັດຕັ້ງ ແລະ ພາລະບົດບາດຂອງກະຊວງ, ອົງການລັດທຽບເທົ່າ ແລະ ທ້ອງຖິ່ນ ໃຫ້ຈະແຈ້ງ ບໍ່ກ້າວກາຍເຊິ່ງກັນແລະກັນ, ມີຄວາມກະທັດຮັດ ແຕ່ມີປະສິດທິຜົນສູງ ເພື່ອກ້າວໄປສູ່ການບໍລິຫານທີ່ມີຄວາມເຂັ້ມແຂງດ້ວຍລະບົບທີ່ທັນສະໄໝ.

3. ຈາກການ ຊຸກຍູ້ຊ່ວຍເຫລືອຂອງຄູ່ຮ່ວມພັດທະນາ ເຮັດໃຫ້ສາມາດປ້ອງກັນ, ຄວບຄຸ້ມ ແລະ ແກ້ໄຂການລະບາດຂອງພະຍາດ ໂຄວິດ-19 ໄດ້ດີສົມຄວນ, ເຮັດໃຫ້ປະເທດເຮົາ ສືບຕໍ່ມີສະຖຽນລະພາບທາງດ້ານການເມືອງຢ່າງໜັກແໜ້ນ, ມີຄວາມສະຫງົບ ແລະ ຄວາມເປັນລະບຽບຮຽບຮ້ອຍທາງດ້ານສັງຄົມ, ເສດຖະກິດຍັງສາມາດສືບຕໍ່ຂະຫຍາຍຕົວ.

ແຕ່ຄຽງຄູ່ກັນນັ້ນກໍຍັງມີບາງຂໍ້ຈຸດອ່ອນຄົງຄ້າງຄື:

1. ຄາດໝາຍມະຫາພາກຈໍານວນໜຶ່ງ ຄາດວ່າຈະບໍ່ບັນລຸຕາມແຜນການກໍານົດ ເນື່ອງຈາກໄດ້ຮັບຜົນກະທົບຈາກການລະບາດຂອງພະຍາດ ໂຄວິດ-19 ເປັນຕົ້ນ: ການຂະຫຍາຍໂຕຂອງ GDP, ລາຄາສິນຄ້າບາງປະເພດສູງຂຶ້ນ, ການຄຸ້ມຄອງອັດຕາແລກປ່ຽນ ຍັງບໍ່ມີປະສິດທິຜົນດີ, ຄວາມສາມາດໃນການດັດສົມເງິນຕາຕ່າງປະເທດ ຂອງລະບົບທະນາຄານຍັງມີຄວາມຈໍາກັດ), ການຂົນສົ່ງສິນຄ້າ ແລະ ໂດຍສານ ຍັງມີຄວາມກົດດັນຂອງໜີ້ສາທາລະນະ.

2. ການຊຸກຍູ້ສົ່ງເສີມການຜະລິດເພື່ອສົ່ງອອກ ແລະ ທົດແທນການນໍາເຂົ້າ ຍັງບໍ່ທັນຕັ້ງໜ້າເທົ່າທີ່ຄວນ, ການສະໜອງແຫລ່ງທຶນ ໃຫ້ທຸລະກິດຂະໜາດນ້ອຍ ແລະ ຂະໜາດກາງ ຍັງຊັກຊ້າ ເນື່ອງຈາກວິສາຫະກິດຂະໜາດນ້ອຍ ແລະ ຂະໜາດກາງ ຈໍານວນໜຶ່ງ ບໍ່ທັນຖືບັນຊີຖືກຕ້ອງຕາມລະບຽບການ.

3. ການຄຸ້ມຄອງດັດສົມລາຄາສິນຄ້າອຸປະໂພກບໍລິໂພກ ໃນທ້ອງຕະຫລາດຍັງບໍ່ທັນໄດ້ດີເທົ່າທີ່ຄວນ ໂດຍສະເພາະປະເພດສິນຄ້າທີ່ກະທົບໂດຍກົງຕໍ່ການດໍາລົງຊີວິດຂອງປະຊາຊົນຍັງມີລາຄາເພີ່ມຂຶ້ນໄວໃນບາງໄລຍະ.

4. ການສັກວັກຊີນ ໂຄວິດ-19 ຍັງບໍ່ກວມສັດສ່ວນຫລາຍຂອງປະຊາກອນ, ອັດຕາການວ່າງງານອາດເພີ່ມຂຶ້ນຢ່າງກ້າວກະໂດດ ເນື່ອງຈາກມີແຮງງານກັບມາຈາກປະເທດເພື່ອນບ້ານຈໍານວນຫລາຍ, ຍັງມີປະກົດການຍໍ້ທໍ້ທາງສັງຄົນ ເຊັ່ນ: ບັນຫາຢາເສບຕິດ, ການປຸ້ນຈີ້, ຂີ້ລັກງັດແງະ ແລະ ການກໍ່ອາດສະຍາກໍາ ແລະ ອື່ນໆ.

5. ການຈັດຕັ້ງການຮຽນ-ການສອນທາງໄກ, ສື່ການຮຽນ-ການສອນທາງເອເລັກໂຕຣນິກ ຍັງບໍ່ທັນຫລາກຫລາຍ ແລະ ຄົບຖ້ວນຕາມຈໍານວນວິຊາ, ຊ່ອງທາງໃນການເຂົ້າເຖິງກຸ່ມເປົ້າໝາຍຍັງມີຂໍ້ຈໍາກັດ; ການເຂົ້າເຖິງແຫລ່ງການຮຽນຮູ້ຄັງປັນຍາລາວຂອງນັກຮຽນຍັງບໍ່ທັນກ້ວາງ ຍ້ອນມີຂໍ້ຈໍາກັດທາງດ້ານອິນເຕີເນັດ; ຄວາມຊໍານານງານດ້ານ ICT ເພື່ອນໍາໃຊ້ເຂົ້າໃນການສິດສອນ ຂອງຄູອາຈານຍັງຈໍາກັດ. ຊຶ່ງບັນຫາເລົ່ານີ້ພວກເຮົາຍັງຈະຕ້ອງໄດ້ສືບຕໍ່ແກ້ໄຂ.

Sponsor by sokxay plus

ວີທີຊື້ເລກ ໄດ້ຮັບເງີນຄືນ 5% ໄດ້ແທ້ 100%

ພຽງເທົ່ານີ້ ກໍ່ຮັບໄປເລີຍ ສ່ວນຫຼຸດ 5% ງ່າຍ


About admin

Check Also

ແຕກອີກແລ້ວ

ໂຊກເຮັງ! ເສດຖີຄົນໃຫມ່ມາແລ້ວເດີ້. ເລກປະຈຳງວດ ວັນທີ່ 30/11/2022 ເຊີ່ງ ເສດຖີຄົນນີ້ໄດ້ຊື້ ຕົວເລກຖືກລາງວັນຊະນະເລີດ 6 ຕົວໂດຍຕົງ …. ດີໃຈນຳຜູ້ໂຊກດວງເຮັງທີ່ເປັນເສດຖີຂ້າມຄືນໃນຄັ້ງນີ້ເດີ … ຄຼິບບ ….. …

Leave a Reply

Your email address will not be published. Required fields are marked *

Recent Comments

No comments to show.