ເຈົ້າໜ້າທີ່ ປກສ ເມືອງທ່າແຂກ ອອກມາຊີ້ແຈງ ເຫດໄລີ່ ຍິ ງ ກັນ ປານສະແດງຫນັງ

ເຈົ້າໜ້າທີ່ ປກສ ເມືອງທ່າແຂກ ອອກມາຊີ້ແຈງ ເຫດໄລີ່ ຍິ ງ ກັນ ປານສະແດງຫນັງ

ຢາບ້າ 210 ເມັດ ເຈົ້າໜ້າທີ່ຍິງສະກັດສະນັ້ນເມືອງ”ເຈົ້າໜ້າທີ່ ປກສ ເມືອງທ່າແຂກ ອອກມາຊີ້ແຈງ ການເຂົ້າສະກັດກັ້ນລົດຜູ້ຕ້ອງສົງໄສຄ້າຂາຍຢາເສບຕິດ ທີ່ບ້ານນາບວບ ທີ່ເປັນກະແສໂດ່ງດັງໃນສື່ສັງຄົມອອນລາຍ”

+ ໃນວັນທີ 10 ພະຈິກ 2021 ພັທ ພົມມະລາ ບົວລະພາ ຫົວໜ້າກອງບັນຊາການ ປກສ ເມືອງທ່າແຂກ, ແຂວງຄຳມ່ວນ ໄດ້ຖະແຫຼງການ ຊີ້ແຈງກ່ຽວກັບເຫດການ ທີ່ເກີດຂຶ້ນຢູ່ເສັ້ນທາງເລກທີ 13 ໃຕ້ ເຂດບ້ານນາບວບ ເມືອງທ່າແຂກ ແຂວງຄຳມ່ວນໃນຄັ້ງວັນທີ 9 ພະຈິກ 2021 ເຊິ່ງເຫດການດັ່ງກ່າວ

ແມ່ນເປັນການປະຕິບັດໜ້າທີ່ຂອງເຈົ້າໜ້າທີ່ຕຳຫຼວດຕ້ານ ແລະ ສະກັດກັ້ນຢາເສບຕິດ ປກສ ເມືອງທ່າແຂກ ແຂວງຄຳມ່ວນ, ເຂົ້າສະກັດກັ້ນລົດຜູ້ຕ້ອງສົງໃສຄ້າຂາຍຢາເສບຕິດ ເຊິ່ງເຫດການດັ່ງກ່າວ ທາງເຈົ້າໜ້າທີ່ຕຳຫຼວດ ສາມາດກັກຕົວຜູ້ຖືກຫາໄດ້ 3 ຄົນ ຍິງ 1 ຄົນ ແລະ ເດັກ 1 ຄົນ. ຢືດຂອງກາງຢາບ້າ 210 ເມັດ, ໂທລະສັບ ຈຳນວນ 4 ໜ່ວຍ ພ້ອມດ້ວຍ ລົດເກັງ ຢີ່ຫໍ້ອີ່ແລນຕ້າ ສີດຳ ບໍ່ມີປ້າຍທະບຽນ 1 ຄັນ ແລະ ເຄື່ອງຂອງກາງອີກຈຳນວນໜຶ່ງ.

+ ຕໍ່ກັບເຫດການດັ່ງກ່າວ ພັທ ພົມມາລາ ບົວລະພາ ຫົວໜ້າກອງບັນຊາການ ປກສ ເມືອງທ່າແຂກ ແຂວງຄຳມ່ວນໄດ້ຊີ້ແຈງໃຫ້ຮູ້ວ່າ: ເຫດການທີ່ເກີດຂຶ້ນຢູ່ເສັ້ນທາງເລກທີ 13 ໃຕ້ ຫ່າງຈາກຕົວເມືອງທ່າແຂກ ໄປທາງທິດໃຕ້ 8 ກິໂລແມັດ ຢູ່ເຂດບ້ານນາບວບ, ເມືອງທ່າແຂກ, ແຂວງຄຳມ່ວນ. ເຊິ່ງເຫດການດັ່ງກ່າວແມ່ນເປັນການປະຕິບັດໜ້າທີ່ຂອງເຈົ້າໜ້າທີ່ຕຳຫຼວດຕ້ານ ແລະ ສະກັດກັ້ນຢາເສບຕິດ ປກສ ເມືອງທ່າແຂກ

ແຂວງຄຳມ່ວນ, ເຂົ້າສະກັດກັ້ນລົດຜູ້ຕ້ອງສົງໃສຄ້າຂາຍຢາເສບຕິດ ໂດຍອີງຕາມການລາຍງານຂອງພົນລະເມືອງດີໄດ້ລາຍງານໃຫ້ເຈົ້າໜ້າທີ່ ປກສ ເມືອງທ່າແຂກ ໃຫ້ຮູ້ວ່າ:

ມີເປົ້າໝາຍຂົນສົ່ງ, ຈຳໜ່າຍຢາເສບຕິດ (ປະເພດຢາບ້າ) ດັ່ງນັ້ນເຈົ້າໜ້າທີ່ຕຳຫຼວດ ກອງບັນຊາການ ປກສ ເມືອງທ່າແຂກ ຈຶ່ງໄດ້ຈັດຕັ້ງກຳລັງໜ່ວຍງານວິຊາສະເພາະລົງກວດກາຕິດຕາມ. ຮອດເວລາ 15:30ໂມງ ຂອງວັນທີ 9 ພະຈິກ 2021 ຈິ່ງໄດ້ພົບເຫັນເປົ້າໝາຍທີ່ນຳໃຊ້ພາຫະນະ ປະເພດລົດເກັງ ຍີຫໍ້ ອີແລນຕາ ສີດຳ ບໍ່ຕິດປ້າຍທະບຽນ ຈອດຢູ່ແຄມທາງເລກທີ 13 ໃຕ້, ເມືື່ອເປັນເຊັ່ນນັ້ນ ຈຶ່ງໄດ້ນຳໃຊ້ກຳລັງ ແລະ ພາຫະນະເຂົ້າປິດລ້ອມ

ເພື່ອທຳການກວດກາ ແຕ່ເປົ້າໝາຍບໍ່ໃຫ້ຄວາມຮ່ວມມືກັບເຈົ້າໜ້າທີ່ຕຳຫຼວດ ຂອງພວກເຮົາ ແລ້ວຍັງໄດ້ຂັບຂີ່ລົດອອກຈາກວົງປິດລ້ອມ ໃນຂະນະທີ່ຜູ້ຕ້ອງສົງໃສຂັບຂີ່ລົດ ອອກຈາກວົງປິດລ້ອມ ໄດ້ໄປຕຳກັບລົດຂອງເຈົ້າໜ້າທີ່່ຕຳຫຼວດ 2 ຄັນ ເຊິ່ງເຮັດໃຫ້ລົດຂອງທາງເຈົ້າໜ້າທີ່ ເປ່ເພພໍສົມຄວນ, ດັ່ງນັ້ນທາງເຈົ້າໜ້າທີ່ຕຳຫຼວດ

ຈຶ່ງໄດ້ນຳໃຊ້ອາວຸດປືນຍິງໃສ່ຢາງລໍ້ຫຼັງລົດຂອງຜູ້ຕ້ອງສົງໄສ ເຊິ່ງໄດ້ເຮັດໃຫ້ຢາງລົດຂອງຜູ້ຕ້ອງສົງໄສແຕກ ແຕ່ຜູ້ຕ້ອງສົງໃສ່ຍັງພະຍາຍາມຂັບຂີ່ລົດຂອງຜູ້ກ່ຽວລົບໜີ ໄປທາງທິດໃຕ້ ຈາກນັ້ນເຈົ້າໜ້າທີ່ຂອງພວກເຮົາກໍ່ ໄດ້ຂັບຂີ່ລົດຕິດຕາມ ແລ້ວໄປທັນລົດຜູ້ຕ້ອງສົງໃສ ຢູ່ເຂດບ້ານດົງກະແສນ ເມືອງທ່າແຂກ ແຂວງຄຳມ່ວນ ຫ່າງຈາກຈຸດເກີດເຫດປະມານ 12 ກິໂລແມັດ, ຜູ້ຕ້ອງສົງໃສຈຶ່ງໄດ້ຈອດລົດເພື່ອທີ່ຈະເອົາຕົວຫຼົບໜີ ແຕ່ຫຼົບໜີບໍ່ລອດ ຖືກເຈົ້າໜ້າທີ່ຕຳຫຼວດຂອງພວກເຮົາ ຈັບໄດ້ ເຊິ່ງມີຜູ້ຖືກຫາ 3 ຄົນ ຍິງ 1 ຄົນ ແລະ ເດັກ 1 ຄົນ. ພ້ອມຂອງກາງຢາບ້າ 210 ເມັດ ,ໂທລະສັບ 4 ໜ່ວຍ, ລົດເກັງ ຢີ່ຫໍ້ ອີແລນຕ້າ ສີດຳ ບໍ່ມີປ້າຍທະບຽນ 1 ຄັນ.

+ ຜ່ານການສືບສວນ-ສອບສວນເບື້ອງຕົ້ນຂອງເຈົ້າໜ້າທີ່ຕຳຫຼວດ ຈຶ່ງຮູ້ວ່າຜູ້ຖືກຫາຜູ້ທີໜຶ່ງ ຊືື່ວ່າ ທ້າວ ວັນນະເລດ ວົງດາລາ (ຕະ) ອາຍຸ 29 ປີ, ອາຊີບກຳມະກອນ, ຜູ້ຖືກຫາຜູ້ທີສອງ ຊື່ນາງ ແຄັດຕີ້ ອາຍຸ 20 ປີ, ອາຊີບຄ້າຂາຍ ແລະ ຜູ້ທີ່ສາມເປັນເດັກ ທັງສາມແມ່ນຢູ່ບ້ານ ທ່າແຂກໃຕ້, ເມືອງທ່າແຂກ, ແຂວງຄຳມ່ວນ.

ຕໍ່ກັບເຫດການທີ່ເກີດຂຶ້ນແມ່ນໄດ້ສ້າງຄວາມບໍ່ເຂົ້າໃຈຕໍ່ສັງຄົມ ຍ້ອນເຫດການດັ່ງກ່າວອອກທາງ ຊື່ສັງຄົມອອນລາຍ ແຕ່ເຖິງຢ່າງໃດກໍ່ຕາມທາງເຈົ້າໜ້າທີ່ຕຳຫຼວດກອງບັນຊາການ ປກສ ເມືອງທ່າແຂກ ຂອງພວກເຮົາ ຈິ່ງຂໍຊີ້ແຈງວ່າເຫດການດັ່ງກ່າວ ແມ່ນເປັນການປະຕິບັດໜ້າທີ່ເພື່ອສະກັດກັ້ນ ກັບ ພວກຂົນສົ່ງ,ຄ້າຂາຍຢາເສບຕິດ.

ປະຈຸບັນທາງເຈົ້າໜ້າທີ່ຕຳຫຼວດຍັງສືບສວນ-ສອບສວນເພື່ອຂະຫຍາຍຜົນຫາ ພວກກຸ່ມແກ໋ງຮ່ວມຂະບວນການ ທີ່ມີສ່ວນພົວພັນມາດຳເນີນຄະດີຕາມລະບຽບກົດໝາຍ.

ຊົມຄລິບ ຕອນຍິງກັນ

Sponsor by sokxay plus

ວີທີຊື້ເລກ ໄດ້ຮັບເງີນຄືນ 5% ໄດ້ແທ້ 100%

ພຽງເທົ່ານີ້ ກໍ່ຮັບໄປເລີຍ ສ່ວນຫຼຸດ 5% ງ່າຍ


About admin

Check Also

ແຊເກັບໄວ້ ດອກເສດຖີ ເປັນຢາດີກະເພາະ ເຈັບຈຸກໆ ເຮືອນໃຜປູກແນ່

….ແຊເກັບໄວ້ ດອກເສດຖີ ເປັນຢາດີກະເພາະ ເຈັບຈຸກໆ ເຮືອນໃຜປູກແນ່….. ມີຄຣິບໜຶ່ງ ລົງໃນຕິກຕ໊ອກ ວ່າ ດອກເສດຖີ ສາມາດປົວຄົນທີ່ເຈັບທ້ອງ, ເຈັບກະເພາະແບບຈຸກໆໄດ້. ໂດຍມີທັງສຽງພາກ ແລະ ຄິບທີ່ກິນດອກເສດຖີສົດໆໃຫ້ເບິ່ງ. ໂດຍບອກວ່າ …

Leave a Reply

Your email address will not be published. Required fields are marked *

Recent Comments

No comments to show.