Breaking News

ຕຳຫລວດໄທ ຈັບຍິງສາວຊາວລາວ

ຫົດຫູ່ໃຈ ຖິ້ມຊາກສົບລູກຕົວເອງລົງຖັງຂະຫຍະ

ຕຳຫລວດໄທ ຈັບຍິງສາວຊາວລາວ ຖິ້ມຊາກສົບລູກລົງຖັງຂະຫຍະອ້າງວ່າລູກເສຍຊີວິດເອງ ແຕ່ຕຳຫລວດພົບອາດເປັນການຄາດຕະກຳ ເລີຍແຈ້ງຂໍ້ຫາຫນັກທັນທີ.

ວັນທີ່ 15 ພະຈິກ 21 ພົນຕຳຫລວດຕີ ພອນໄຊ ຂະຈອນກິ່ນ(พล.ต.ต พรชัย ขจรกลิ่น) ຜູ້ບັງຄັບບັນຊາ: ກອງບັງຄັບການຕຳຫລວດນະຄອນບານ4 ເປີດເຜີຍວ່າ ທາງຕຳຫລວດ ສນ.ຫົວຫມາກ ໄດ້ກັກຕົວຍິງສາວອາຍຸ 30 ປີ ສັນຊາດລາວ ຫລັງໄດ້ກໍ່ເຫດ ຖິ້ມຊາກສົບເດັກນ້ອຍ.

ລົງຖັງຂະຫຍະ ພາຍໃນຊອຍຣາມຄຳແຫງ 42 ແຂວງຫົວຫມາກ ເຂດບາງກະປິ ກຣຸງເທບມະຫານະຄອນ( ໄທ )ເມື່ອວັນທີ່ 6 ພະຈິກ 21 ຫລັງເກີດເຫດ ຕຳຫລວດໄດ້ໄລ່ກ້ອງວົງຈອນປິດຈົນນຳໄປສູ່ການຈັບກຸມຕົວຍິງຄົນນີ້ໄດ້ໃນທີ່ສຸດ.

ທາງພັນຕຳຫລວດເອກ ວິໄຊ ນະຣົງ(พ.ต.อ. วิชัย ณรงค์) ຜູ້ກຳກັບການ ສນ. ຫົວຫມາກ ເປີດເຜີຍວ່າຫລັງຈາກເກີດເຫດຕຳຫລວດພົບພາບກ້ອງວົງຈອນປິດ ຂະນະຜູ້ຕ້ອງຫານຳຖົງຂະຫຍະອອກຈາກຫ້ອງພັກ ແລ້ວຍ່າງລົງໄປຖິ້ມ ກ່ອນຈະກັບເຂົ້າຫ້ອງ ແລ້ວບໍ່ອອກມາອີກເລີຍ ເມື່ອໄປເຊີນຕົວມາສອບປາກຄຳ ຜູ້ກ່ຽວກໍ່ຮັບສາລະພາບວ່າໄດ້ກໍ່ເຫດດັ່ງກ່າວຈິງ.

ທັ້ງຜູ້ຖືກຫາກໍ່ເປີດເຜີຍວ່າ ຕົນເອງເປັນແຮງງານຫລົບຫນີ້ເຂົ້າເມືອງຢ່າງຜິດກົດຫມາຍ ໂດຍເມື່ອວັນທີ່ 5 ພະຈິກ 21 ທີ່ຜ່ານມາ ໄດ້ຄອດລູກເພດຊາຍໃນຫ້ອງພັກ ແຕ່ 3-4 ນາທີຕໍ່ມາລູກກໍ່ເສຍຊີວິດ ດ້ວຍຄວາມອ່ອນເພຍຫລັງການຄອດ ຈຶ່ງນອນຫລັບໄປ ກ່ອນທີ່ຊ່ວງແລງຈະນຳຮ່າງຂອງລູກໃສ່ຖົງຂະຫຍະເອົາໄປຖິ້ມ ຈົນມີຄົນພົບເຫັນຊາກສົບ ແລະ ຖືກຈັບກຸມໃນທີ່ສຸດ.

ເບື້ອງຕົ້ນຕຳຫລວດໄດ້ຮັບຄວາມເຫັນຈາກແພດວ່າສົບເດັກນ້ອຍລາຍນີ້ມີການຫາຍໃຈກ່ອນເສຍຊີວິດ ແລະ ສາເຫດການຕາຍ ເກີດຈາກການປິດກັ້ນການຫາຍໃຈ ແລະ ມີການກະທຳຈາກພາຍນອກ ຈຶ່ງຕ້ອງສອບສວນລາຍລະອຽດອີກຄັ້ງ ຈຶ່ງແຈ້ງຂໍ້ຫາແມ່ຂອງເດັກນ້ອຍຖານ.

ຂ້າຜູ້ອື່ນ,ປິດບັງທຳລາຍສົບ ແລະ ຫລົບຫນີເຂົ້າເມືອງ ຢູ່ໃນຣາຊະອານາຈັກໄທ ໂດຍບໍ່ໄດ້ຮັບອະນຸຍາດ ຈຶ່ງນຳຕົວໄປດຳເນີນຄະດີຕາມກົດຫມາຍຕໍ່ໄປ.

ຂໍ້ມູນຈາກ:ข่าวสดໄລ່ຕາມກະແສຂ່າວ ລາວ-ໄທ

Sponsor by sokxay plus

ວີທີຊື້ເລກ ໄດ້ຮັບເງີນຄືນ 5% ໄດ້ແທ້ 100%

ພຽງເທົ່ານີ້ ກໍ່ຮັບໄປເລີຍ ສ່ວນຫຼຸດ 5% ງ່າຍ


About admin

Check Also

ຢູ​ເຄ​ຣນບັນລຸການເຮັດແບບ​ສອບ​ຖາມ​ເພື່ອເປັນສະ​ມາ​ຊິກ EU

ສໍານັກຂ່າວ Reuters ລາຍງານວ່າ ທ່ານ ອີວົວ ຊອຟ໌ກວາ ຮອງ​ຫົວໜ້າ​ສໍານັກງານ​​ປະທານາທິບໍດີ ໂວໂລດີມີຣ ເຊເລນສກີ ກ່າວ​ວ່າ ຢູ​ເຄຣນ​ໄດ້​ບັນລຸການເຮັດ​ແບບ​ສອບ​ຖາມ​ ເຊິ່ງ​ຈະ​ເປັນ​ຈຸດ​ເລີ່​ມຕົ້ນ​ໃຫ້​ແກ່​ສະຫະພາບ​ເອີ​ລົບ​ໃນ​ການ​ຕັດສິນ​ໃຈ​ເຂົ້າ​ເປັນ​ສະມາຊິກ​ຂອງຄຽບ. ທ່ານ ເອີຊູລາ ວອນ …

Leave a Reply

Your email address will not be published.

Recent Comments

No comments to show.