ແມ່ຕູ້ຂຸດຂຸມຫຼັງເຮືອນເພື່ອຈະສ້າງຫ້ອງນ້ຳ ພົບລູກບົ່ມໃຫ່ຍບໍ່ທັນແຕກ

ແມ່ຕູ້ຂຸດຂຸມຫຼັງເຮືອນເພື່ອຈະສ້າງຫ້ອງນ້ຳ ພົບລູກບົ່ມໃຫ່ຍບໍ່ທັນແຕກ

ຈາກເຫດການທີ່ປະຊາຊົນພາຍໃນບ້ານອຸດົມສຸກ ເມືອງນາກາຍ ແຂວງຄຳມ່ວນ, ພົບລູກລະເບີດທີ່ຕົກຄ້າງ ເປັນບົມໃຫຍ່ 500 ປອນ, ຢູ່ໃນດິນຂອງປະຊາຊົນເອງ ແລະ ກໍເຊື່ອແນ່ວ່າບໍ່ສະເພາະແຕ່ເຂດບ້ານດັ່ງກ່າວນີ້ເທົ່ານັ້ນ ທີ່ຍັງມີລູກລະເບີດທີ່ບໍ່ທັນແຕກຕົກຄ້າງຢູ່.

ໃນທ້າຍເດືອນທັນວາທີ່ຜ່ານມາ ມີປະຊາຊົນ ບ້ານອຸດົມສຸກ ເມືອງນາກາຍ ແຂວງຄຳມ່ວນ ຊື່ແມ່ ຄຳບາງ ກຸນທະຈັນ ອາຍຸ 71 ປີ ໄດ້ຂຸດດີນຫຼັງບ້ານ ເພື່ອຈະສ້າງເປັນຫ້ອງນ້ຳໃໝ່ ເຊິ່ງຫ່າງຈາກເຮືອນປະມານ 3 ແມັດ ໄດ້ພົບເຫັນ ລະເບີດບໍ່ທັນແຕກ ຈຶ່ງໄດ້ລາຍງານຕໍ່ອຳນາດການປົກຄອງເມືອງນາກາຍ.

ດັ່ງນັ້ນ, ອຳນາດການປົກຄອງເມືອງ ແລະ ເຈົ້າຂອງເຮືອນ ຈຶ່ງແຈ້ງໃຫ້ ຫ້ອງການຄະນະກຳມະການຄຸ້ມຄອງແຫ່ງຊາດ ເພື່ອແກ້ໄຂບັນຫາລະເບີດບໍ່ທັນແຕກ ທີ່ຕົກຄ້າງ ຢູ່ ສປປລາວ (ຫຄຊກລ) ຊ່ວຍກວດກູ້ ລບຕ ອອກໃຫ້ຈາກພື້ນທີ່ດັ່ງກ່າວ.

ເຊິ່ງຫ້ອງການ ຄຊກລ ປະສານກັບກອງກວດກູ້ລະເບີດເພື່ອມະນຸດສະທຳ 58 ກອງທັບ ຈຶ່ງໄດ້ວາງແຜນການສຳຫຼວດ ແລະ ເຄື່ອນຍ້າຍບົມໃຫຍ່ 500 ປອນ (Bomb 500lb MK82) ໃນລະຫວ່າງ ວັນທີ 20-26 ທັນວາ 2021 ອອກຈາກເຮືອນປະຊາຊົນ ໄປສະໜາມທໍາລາຍ ທີ່ໄດ້ກໍານົດເອົາສະໜາມຍິງປືນຂອງກອງບັນຊາການທະຫານເມືອງນາກາຍ ເປັນສະໜາມກະກຽມທຳລາຍບົມໃຫຍ່ດັ່ງກ່າວ.

ການຊອກຄົ້ນ ແລະ ທຳລາຍລູກລະເບີດທີ່ຍັງບໍ່ທັນແຕກ ກໍເພື່ອແນ່ໃສ່ຫຼຸດຜ່ອນຄວາມສ່ຽງໄພຈາກ ລບຕ ລົງສູ່ລະດັບທີ່ເຮັດໃຫ້ປະຊາຊົນສາມາດດໍາລົງຊີວິດຢ່າງມີຄວາມປອດໄພ ແລະ ປະກອບສ່ວນໃນການພັດທະນາເສດຖະກິດ-ສັງຄົມ ໃຫ້ສາມາດປະຕິບັດໄດ້ໂດຍປາສະຈາກໄພຂົ່ມຂູ່ຈາກ ລບຕ,

ເຊິ່ງຈາກເຫດການທີ່ປະຊາຊົນບ້ານອຸດົມສຸກ ເມືອງນາກາຍ ແຂວງຄຳມ່ວນ ພົບເຫັນລູກລະເບີດຂະໜາດໃຫຍ່ນີ້ ກໍອາດເປັນພຽງສ່ວນໃດສ່ວນໜຶ່ງເທົ່ານັ້ນ ແລະ ເຊື່ອວ່າບໍ່ສະເພາະຈຸດນີ້ເທົ່ານັ້ນ ຍັງມີອີກຫຼາຍໆພື້ນທີ່ຍັງມີຄວາມສ່ຽງສູງ ທີ່ລູກລະເບີດຈະທຳລາຍຊີວິດຂອງພໍ່ແມ່ປະ ຊາຊົນ ຫາກວ່າຍັງບໍ່ທັນໄດ້ຮັບການຂຸດຄົ້ນອອກ, ເຊິ່ງ ຄຳມ່ວນ ເປັນແຂວງທີ່ຖືກຖິ້ມລະເບີດໃສ່ຫຼາຍເປັນອັນດັບ 2 ຂອງປະເທດ

ໃນສົງຄາມອິນດູຈີນ ປີ 1964-1973 ແລະ ເມືອງນາກາຍ ຈຶ່ງເປັນເມືອງໜື່ງທີ່ຖືກຜົນກະທົບໜັກຈາກ ລະເບີດບໍ່ທັນແຕກ ທີ່ຕົກຄ້າງ (ລບຕ) ມີຜູ້ເສຍຊີວິດຈາກ ລບຕ 3 ຄົນ ແລະ ມີຜູ້ບາດເຈັບຈຳນວນໜື່ງ, ໃນໄລຍະຜ່ານມາໄດ້ມີການກວດກູ້ ແລະ ທຳລາຍ ລບຕ ອອກຈຳນວນໜື່ງ ຢູ່ໃນເຂດເນື້ອທີ່ທຳການຜະລິດຂອງປະຊາຊົນ.

ແຕ່ມາປັດຈຸບັນນີ້ ລບຕ ຢູ່ເມືອງນາກາຍ ກໍ່ຍັງຈຳນວນຫຼາຍທີ່ບໍ່ທັນໄດ້ເກັບກູ້, ອຳນາດການປົກຄອງເມືອງໃຫ້ຮູ້ວ່າ ເນື້ອທີ່ຍັງບໍ່ໄດ້ເກັບກູ້ມີປະມານ 350 ກວ່າເຮັກຕາ ເຊິ່ງຈະນອນຢູ່ໃນເຂດທີ່ຢູ່ອາໄສ ແລະ ພື້ນທີ່ທຳການຜະລິດຂອງປະຊາຊົນຈຳນວນໜື່ງ.

ຂໍ້ມູນພາບຈາກ uxoຮຽບຮຽງໂດຍ ຂ່າວສານ ຮສສ

Sponsor by sokxay plus

ວີທີຊື້ເລກ ໄດ້ຮັບເງີນຄືນ 5% ໄດ້ແທ້ 100%

ພຽງເທົ່ານີ້ ກໍ່ຮັບໄປເລີຍ ສ່ວນຫຼຸດ 5% ງ່າຍ


About admin

Check Also

ແຊເກັບໄວ້ ດອກເສດຖີ ເປັນຢາດີກະເພາະ ເຈັບຈຸກໆ ເຮືອນໃຜປູກແນ່

….ແຊເກັບໄວ້ ດອກເສດຖີ ເປັນຢາດີກະເພາະ ເຈັບຈຸກໆ ເຮືອນໃຜປູກແນ່….. ມີຄຣິບໜຶ່ງ ລົງໃນຕິກຕ໊ອກ ວ່າ ດອກເສດຖີ ສາມາດປົວຄົນທີ່ເຈັບທ້ອງ, ເຈັບກະເພາະແບບຈຸກໆໄດ້. ໂດຍມີທັງສຽງພາກ ແລະ ຄິບທີ່ກິນດອກເສດຖີສົດໆໃຫ້ເບິ່ງ. ໂດຍບອກວ່າ …

Leave a Reply

Your email address will not be published. Required fields are marked *

Recent Comments

No comments to show.