ພະອາຈານ ສິນ ວິສຸດສີໂລ ເອົາເຄື່ອງບໍລິໂພກມາແຈກໃຫ້ແກ່ນັກຮຽນຊົນເຜົ່າ
ໃນວັນທີ 22 ພະຈິກ 2021 ພະອາຈານ ສິນ ວິສຸດສີໂລ ພ້ອມດ້ວຍຍາດໂຍມ ວັດບ້ານຢອນ, ເມືອງແປກ, ແຂວງຊຽງຂວາງ ໄດ້ເອົາເຄື່ອງບໍລິໂພກມາແຈກໃຫ້ແກ່ນັກຮຽນຊົນເຜົ່າມີ: ເຂົ້າໜົມ, ເລັກຕາຊອຍ, ນ້ຳດື່ມ, ນ້ຳໝາກພ້າວ, ນ້ຳຫວານ ລວມເປັນມູນຄ່າ 1,746,000 ກີບ ( ໜຶ່ງລ້ານເຈັດແສນສີ່ສິບຫົກພັນກີບ).
ເຊິ່ງ ກ່າວຮັບໂດຍທ່ານ ປທ ສີໄວ ອຸດົມສຸກ ຜູ້ອຳນວຍການໂຮງຮຽນສາມັນກິນນອນຊົນເຜົ່າ ເຊິ່ງທ່ານກໍໄດ້ກ່າວ ຂອບໃຈ ແລະ ອວຍພອນອັນປະເສີດໃຫ້ແກ່ພະອາຈານ ພ້ອມທັງມອບໃບກຽດຕິຄຸນໃຫ້ເປັນທີ່ລະນຶກ.
