ອັນຕະລາຍທີ່ສຸດ..!!ພົບຜູ້ຕິດເຊື້ອໂຄວິດກາຍພັນ “ໂອໄມຄຣອນ”ແຜ່ລະບາດ 13 ປະເທດແລ້ວ
ອີງຕາມການລາຍງານຂອງ BBC ເມື່ອວັນທີ 29 ພະຈິກ 2021, ເຊື້ອກາຍພັນໂອໄມຄຣອນ (B.1.1.529) ໄດ້ມີການກວດພົບແລ້ວໃນຢ່າງໜ້ອຍ 13 ປະເທດ ໃນນັ້ນປະກອບດ້ວຍ: ອາຟຣິກາໃຕ້, ບອດສະວານາ, ເບລຢຽມ, ຮົງກົງ, ອິດສຣາເອລ, ອັງກິດ, ເຢຍລະມັນ, ອິຕາລີ, ເນເທີແລນ, ເດນມາກ, ອົດສະຕຣາລີ, ແຄນາດາ ແລະ ສາທາລະນະລັດເຊັກ.
ໂອໄມຄຣອນເປັນເຊື້ອກາຍພັນອັນດັບທີ 5 ຂອງໂຄວິດ-19 ຖັດຈາກ ອັລຟາ, ເບຕາ, ແກມມາ ແລະ ເດລຕາ ໂດຍລາຍງານການຄົ້ນພົບຄັ້ງທຳອິດທີ່ອາຟຣິກາໃຕ້. ໃນນັ້ນພົບການກາຍພັນຢ່າງຮຸນແຮງຫຼາຍສິບຕຳແໜ່ງ ເຮັດໃຫ້ເກີດຄວາມຢ້ານກົວວ່າເຊື້ອກາຍພັນນີ້ອາດແພ່ລະບາດໄດ້ງ່າຍ ແລະ ເປັນອັນຕະລາຍຍິ່ງກວ່າສາຍພັນອື່ນໆທີ່ທົ່ວໂລກເຄີຍພົບມາ.
ຂອບໃຈທີ່ມາ: ທີມບັນນາທິການ muan.la
