Breaking News

ຂ່າວດີ ຊົມເຊີຍ ແພດ-ໝໍ ແຂວງວຽງຈັນ ປິ່ນປົວຜູ້ຕິດເຊື້ອຫາຍດີ​ 4 ຄົນ

👏👏ຊົມເຊີຍແພດ-ໝໍ​ ແຂວງວຽງຈັນ ປິ່ນປົວຜູ້ຕິດເຊື້ອໂຄວິດ ຫາຍດີ​ ແລະ​ ສົ່ງກັບບ້ານອີກ 4 ຄົນ.

ໃນວັນທີ 10 ພຶດສະພາ 2021 ຢູ່ທີ່ສູນໂຄວິດ ແຂວງວຽງຈັນ ໄດ້ຈັດສົ່ງຄົນເຈັບທີ່ປິ່ນປົວຫາຍດີຈາກພະຍາດໂຄວິດ-19​ ກັບບ້ານໂດຍການເຂົ້າຮ່ວມຂອງ ທ່ານ ດຣ ອິນປອນ ມະນີແສງ,​ ຫົວໜ້າພະແນກສາທາລະນະສຸກແຂວງ, ຮອງຫົວຫນ້າຄະນະສະເພາະກິດຕອບໂຕ້ ແລະ ສະກັດກັ້ນ ພະຍາດໂຄວິດ 19 ແຂວງ, ມີບັນດາຄະນະສະເພາະກິດຂັ້ນແຂວງ, ຂັ້ນເມືອງ, ແພດໝໍ ແລະ ອຳນາດການປົກຄອງບ້ານກ່ຽວຂ້ອງເຂົ້າຮ່ວມ.

ທ່ານ ດຣ ນາງ ພານາລອນ ອຸໄທທິບ ວິຊາການປິ່ນປົວໂຄວິດແຂວງວຽງຈັນ ກ່າວວ່າ: ຜູ້ທີ່ໄດ້ຮັບການປິ່ນປົວພະຍາດໂຄວິດ-19 ໃນທົ່ວແຂວງວຽງຈັນມີທັງຫມົດ 18 ກໍລະນີ ຍິງ 13 ຄົນ, ຊາຍ 5 ຄົນ,’ໃນນີ້ແມ່ນໄດ້ປິ່ນປົວດີແລ້ວ 3 ກໍລະນີ ແລະ ໄດ້ຈັດສົ່ງກັບບ້ານໄປແລ້ວ ໃນອາທິດທີ່ຜ່ານມາ. ສຳລັບກໍລະນີທີ່ຍັງເຫລືອໄດ້ສືບຕໍ່ປິ່ນປົວມາຮອດມື້ນີ້ ວັນທີ 10 ພຶດສະພາ 2021 ແມ່ນໄດ້ຮັບການປິ່ນປົວດີອີກ ພ້ອມຈັດສົ່ງກັບບ້ານເປັນຊຸດທີ 2 ອີກ 4 ຄົນ, ໃນນັ້ນ ມີ : ນາງ ກິຕ່າ ອາຍຸ 21 ປີ ບ້ານໃໝ່ ເມືອງໂພນໂຮງ, ນາງ ຕຸ້ມ ອາຍຸ 22 ປີ ບ້ານເມືອງໝື່ນ, ເມືອງໝື່ນ, ທ້າວ ເພັດກະໄຊ ອາຍຸ 23 ປີ ບ້ານນາຊູ, ເມືອງໂພນໂຮງ ແລະ ທ້າວ ຈັນສະໝອນ ອາຍຸ 29 ປີ ບ້ານທ່າຊັນ ເມືອງແກ້ວອຸດົມ ແຂວງວຽງຈັນ.

ປັດຈຸບັນ,​ ຍັງເຫລືອ 11 ຄົນ, ຍິງ 9 ຄົນ ທີ່ກຳລັງປິ່ນປົວຢູ່. ທ່ານ ດຣ ສົມບັດ ດວງພະຈັນ ຜູ້ອຳນວຍການໂຮງໝໍແຂວງວຽງຈັນ ກ່າວວ່າ: ທັງ 4 ຄົນນີ້ ແມ່ນໄດ້ຮັບການປິ່ນປົວດີແລ້ວ ພ້ອມທັງສົ່ງກັບບ້ານ ແຕ່ຈະຕ້ອງໄດ້ມີການກັກບໍລິເວນໂຕເອງໃຫ້ເຂັ້ມງວດຕື່ມອີກ 14 ມື້ຄືກັບຕອນຢູ່ໃນໂຮງໝໍ ໂດຍມອບໃຫ້ຄະນະສະເພາະກິດຂັ້ນເມືອງ ແລະ ອຳນາດການປົກຄອງບ້ານເພື່ອຕິດຕາມ,ກວດກາຄືນ ເຊື້ອພະຍາດໂຄວິດ19 ຕື່ມອີກ ເພື່ອສ້າງຄວາມແນ່ໃຈວ່າເຊື້ອ ໂຄວິດ 19 ຫາຍຂາດ 100%. ເພື່ອໃຫ້ໄດ້ໃຊ້ຊິວິດ ແລະ ດຳລົງຊີວິດແບບປົກກະຕິໃນຄອບຄົວ ແລະ ສັງຄົມ.ຂ່າວ: ບຸນມາ ແກ້ວບຸດດາ.

Sponsor by sokxay plus

ວີທີຊື້ເລກ ໄດ້ຮັບເງີນຄືນ 5% ໄດ້ແທ້ 100%

ພຽງເທົ່ານີ້ ກໍ່ຮັບໄປເລີຍ ສ່ວນຫຼຸດ 5% ງ່າຍ


About admin

Check Also

ວຽກວິກຜົມ ລາຍໄດ້ສູງ ພໍພັກກໍ່ຟຼີ ເຂົ້າກິນກໍ່ຟຼີ ນ້ຳໄຟກໍຟຼີ ພຽງແຕ່ເຂົ້າຝຶກ40ວັນ

ບໍລິສັດລາວ ຄວາລາຕີ (ວິກຜົມ) ປະກາດຮັບພະນັກງານ ຫໍພັກຟຮີ,ລ້ຽງເຂົ້າ 3 ຄາບ ເງິນເດືອນ 3.500.000 -4.000.000 ກີບ ກໍ່ສາມາດສ້າງລາຍໄດ້ຕໍ່ເດືອນ2,000,000-4,000,000ກີບ ເພິ່ນເປີດຮັບ ສະເພາະເພດຍິງອາຍຸ16-30ປີ ເລີ່ມແຕ່ວັນຈັນ …

Leave a Reply

Your email address will not be published.

Recent Comments

No comments to show.