Breaking News

ຈຳປາສັກ ດຳເນີນການກວດກາ 6 ເປົ້າໝາຍ ພົບຜູ້ກະທຳຜິດ 14 ຄົນ

ຈຳປາສັກ ດຳເນີນການກວດກາ 6 ເປົ້າໝາຍ ພົບຜູ້ກະທຳຜິດ 14 ຄົນ

ຂປລ. ແຫລ່ງຂ່າວຈາກແຂວງຈຳປາສັກ ໃຫ້ຮູ້ວ່າ: ໄລຍະ 6 ເດືອນຕົ້ນປີ 2022 ຜ່ານມາ,

ແຂວງຈຳປາສັກ ໄດ້ຕິດຕາມກວດກາ ແກ້ໄຂຜົນການກວດກາ ໃນທົ່ວແຂວງ ທີ່ໄດ້ຂຶ້ນແຜນກວດກາທັງໝົດ 70 ເປົ້າໝາຍ ໃນສົກປີ 2021-2022,

ໃນນີ້ ໄດ້ເຄື່ອນໄຫວຕິດຕາມ, ກວດກາ ຈຳນວນ 6 ເປົ້າໝາຍ ເຫັນວ່າມີຜູ້ກະທໍາຜິດເອົາຊັບສິນຂອງລັດມາເປັນຂອງຕົນເອງ ຈຳນວນ 14 ຄົນ, ພົບເຫັນມູນຄ່າເສຍຫາຍເປັນເງິນກີບ 741 ລ້ານກວ່າກີບ, ເງິນບາດ 590.800 ບາດ; ເກັບກູ້ຄືນໄດ້ແລ້ວ 188 ລ້ານກວ່າກີບ, ຍັງຄ້າງ 552 ລ້ານກວ່າກີບ ແລະ ເງິນບາດ 590.800 ບາດ.

ຂໍ້ມູນດັ່ງກ່າວໄດ້ຮັບການລາຍງານໃນ ກອງປະຊຸມສະຫລຸບວຽກງານກວດກາ 6 ເດືອນຕົ້ນປີ ແລະ ທິດທາງແຜນການ 6 ເດືອນທ້າຍປີ 2022 ທົ່ວແຂວງຈໍາປາສັກ ວັນທີ 5 ສິງຫາ 2022

ໂດຍການເປັນປະທານຂອງ ທ່ານ ວິໄລວົງ ບຸດດາຄຳ ກຳມະການສູນກາງພັກ, ເລຂາພັກແຂວງ, ເຈົ້າແຂວງຈໍາປາສັກ, ທ່ານ ສີໄນ ມຽງລາວັນ ຮອງເລຂາຄະນະພັກ, ຮອງປະທານຄະນະກວດກາສູນກາງພັກ, ມີຄະນະພັກ, ອົງການປົກຄອງແຂວງ, ນະຄອນ-ເມືອງ ແລະ ພາກສ່ວນກ່ຽວຂ້ອງ ເຂົ້າຮ່ວມ.

ໃນກອງປະຊຸມ ທ່ານ ປະດິດ ວັນນະລັດສະໝີ ປະທານກວດກາພັກແຂວງຈຳປາສັກ ໄດ້ຜ່ານຮ່າງບົດສະຫລຸບວຽກງານກວດກາ 6 ເດືອນຕົ້ນປີ ແລະ ທິດທາງແຜນການ 6 ເດືອນທ້າຍປີ 2022 ໂດຍຍົກໃຫ້ເຫັນ

ຈຸດປະສົງ, ເປົ້າໝາຍ, ຄວາມສຳຄັນ ແລະ ຜົນງານການ ເຄື່ອນໄຫວຂອງວຽກງານກວດກາໃນໄລຍະ 6 ເດືອນຜ່ານມາ. ອັນພົ້ນເດັ່ນແມ່ນໄດ້ຕິດຕາມກວດກາ ແກ້ໄຂຜົນການກວດກາ ໃນທົ່ວແຂວງຈຳປາສັກ ທີ່ໄດ້ຂຶ້ນແຜນກວດກາທັງໝົດ 70 ເປົ້າໝາຍ ໃນສົກປີ 2021-2022, ໃນນີ້: ໄດ້ເຄື່ອນໄຫວຕິດຕາມ,

ກວດກາ ຈຳນວນ 6 ເປົ້າໝາຍ ເຫັນວ່າມີຜູ້ກະທໍາຜິດເອົາຊັບສິນຂອງລັດ ມາເປັນຂອງຕົນເອງ ຈຳນວນ 14 ຄົນ, ມີຈຳນວນສະມາຊິກພັກ ທີ່ຖືກປະຕິບັດວິໄນເບື້ອງພັກ 5 ສະ ຫາຍ, ພະນັັກງານ-ລັດຖະກອນ ທີ່ຖືກປະຕິບັດວິໄນ ເບື້ອງລັດ 16 ຄົນ, ຂັ້ນ 1 ມີ 12 ຄົນ, ຂັ້ນ 2 ມີຈໍາວນ 10 ຄົນ,

ຂັ້ນ 3 ມີ 12 ຄົນ ແລະ ຂັ້ນ 4 ມີ 4 ຄົນ (ຕາມກົດ ໝາຍວ່າດ້ວຍພະນັກງານ-ລັດຖະກອນ), ພະນັກງານ-ລັດຖະກອນ ຖືກດຳເນີນຄະດີສານຕັດສິນລົງໂທດຕັດອິດສະຫລະພາບ 1 ຄົນ.

ຂ່າວ-ພາບ: ເກດສະໜາ

Sponsor by sokxay plus

ວີທີຊື້ເລກ ໄດ້ຮັບເງີນຄືນ 5% ໄດ້ແທ້ 100%

ພຽງເທົ່ານີ້ ກໍ່ຮັບໄປເລີຍ ສ່ວນຫຼຸດ 5% ງ່າຍ


About admin

Check Also

ວຽກວິກຜົມ ລາຍໄດ້ສູງ ພໍພັກກໍ່ຟຼີ ເຂົ້າກິນກໍ່ຟຼີ ນ້ຳໄຟກໍຟຼີ ພຽງແຕ່ເຂົ້າຝຶກ40ວັນ

ບໍລິສັດລາວ ຄວາລາຕີ (ວິກຜົມ) ປະກາດຮັບພະນັກງານ ຫໍພັກຟຮີ,ລ້ຽງເຂົ້າ 3 ຄາບ ເງິນເດືອນ 3.500.000 -4.000.000 ກີບ ກໍ່ສາມາດສ້າງລາຍໄດ້ຕໍ່ເດືອນ2,000,000-4,000,000ກີບ ເພິ່ນເປີດຮັບ ສະເພາະເພດຍິງອາຍຸ16-30ປີ ເລີ່ມແຕ່ວັນຈັນ …

Leave a Reply

Your email address will not be published.

Recent Comments

No comments to show.