#ເອົາໄວ້ເຕືອນສຳລັບຄົນທີ່ຍັງຖືເບົາ
ຈາກການປະຊຸມຂອງກະຊວງສາທາ ຮ່ວມກັບແພດຈີນປະເມີນໃຫ້ປະເທດເຮົາວ່າ ຖ້າຍັງມີການລະບາດອີກ..
ປະເທດລາວຈະຮັບບໍ່ໄຫວ ເພາະເຄື່ອງມືການແພດບໍ່ທັນສະໄຫມ ບໍ່ພຽງພໍ ເຄື່ອງກວດກໍ່ໄດ້ຜົນຊ້າ ການຄັດກອງຄົນກໍ່ບໍ່ໄດ້ມາດຕະຖານ ການກັກໂຕກາບໍ່ໄດ້ດີ ເພາະຍັງຢູ່ນຳກັນ ກິນເຂົ້າຮ່ວມກັນເປັນກຸ່ມກ້ອນ ຄົນພາຍນອກກໍ່ໄປມາຫາສູ່ກັນຢູ່..
ຢູ່ປະເທດຈີນເພິ່ນກັກຕົວແມ່ນກັກໂຕປ່ຽວ ກິນໃຜກິນມັນ ຢູ່ຮ່ວມກັນຕ້ອງເວັ້ນໄລຍະຫ່າງ ທາງທີ່ດີຢ່າອອກໄປໃສ ຖ້າບໍ່ຈຳເປັນ ອອກໄປຕ້ອງໃສ່ຜ້າປິດປາກ ໃສ່ຖົງມື ລ້າງມືໃສ່ສະບູ່ເປັນປະຈຳ ອອກບ້ານໄປກັບບ້ານຕ້ອງອາບນ້ຳປ່ຽນເຄື່ອງແລະເອົາໄປຊັກໂລດ.
ຖ້າຄົນລາວເຮົາບໍ່ພ້ອມໃຈກັນປະຕິບັດມາດຕະການປ້ອງກັນຕົນເອງຢ່າງເຄັ່ງຄັດແລ້ວ ລາວເຮົາຈະຕາຍເກື່ອນກັນ,ບໍ່ແຕກຕ່າງຫຍັງກັບຊາວອິນເດຍຊາວອີຕາລີ່ ເພາະໂຮງໝໍ ອຸປະກອນ ແລະ ບຸກຄະລາກອນການແພດເຮົາບໍ່ພຽງພໍ ທີ່ຈະຮັບມືກັບການລະບາດແນ່ນອນ..
ປົວຜູ້ຫນື່ງຍັງຜູ້ຫນື່ງ ຄິດເບີ່ງນຳກັນວ່າເຄື່ອງຊ່ວຍຫາຍໃຈຂອງພວກເຮົາມີຈັກເຄື່ອງ? ໂຮງໝໍເຮົາມີຈັກຫ້ອງນອນ? ແພດໝໍເຮົາມີຈັກຄົນ? ຖ້າແພດຕິດເຊື້ອຕື່ມເດຈະເຮັດແນວໃດ?
ເບິ່ງຄົນທີ່ຕາຍລະເນລະນາດນັ້ນ,ແມ່ນຍ້ອນບໍ່ມີໂອກາດໄດ້ປິ່ນປົວ ບໍ່ແມ່ນຕາຍຍ້ອນປົວບໍ່ດີ ສະນັ້ນທຸກຄົນຢ່າຖືເບົາເດັດຂາດ.
ເຄັ່ງຄັດຖ້າໃຜບໍ່ທັນຢາກຕາຍ ພະຍາດອັນນີ້ມັນອັນຕະລາຍກວ່າທີ່ຄິດ,ຄຸມບໍ່ຢູ່ອີ່ຫຼີແທ້ໃດ.
ໃຜທີ່ຍັງບໍ່ທັນຢາກຕາຍຢ່າງທໍລະມານຍ້ອນຕິດເຊື້ອໂຄວິດ ແມ່ນຕ້ອງຕື່ນຕົວປະຕິບັດຕາມຄຳສັ່ງຂອງລັດຖະບານ ຢ່າອອກນອກເຮືອນ(ຍົກເວັ້ນຜູ້ທີ່ມີພັນທະຮັບຜິດຊອບຕາມການມອບໝາຍ ທະນະຄານ ໂຮງ ງານ ຕ່າງໆ ແລະ ໄປຊື້ເຄື່ອງອຸປະໂພກບໍລິໂພກ ແລະ ໄປໂຮງໝໍ ໃຫ້ ປະ ຕິບັດ ຢ່າງ ເຂັ້ມ ງວດ )
