*** ລັກຊັບຂອງລັດ ໃນຂະນະເຈົ້າໜ້າທີ່ອອກກວດກາລາດຕະເວນ ***ທ້າວ ຕຳລືງ ອາຍຸ 28 ປີ ອາຊີບກຳມະກອນ ຢູ່ບ້ານດົງສະຫວາດ ເມືອງສີສັດຕະນາກ ນະຄອນຫຼວງວຽງຈັນ ຖືກເຈົ້າໜ້າທີ່ ປກສ ກຸ່ມສີຖານກັກຕົວ ແລະ ມອບໃຫ້ ປກສ ເມືອງສີໂຄດຕະບອງ ດຳເນີນຄະດີໃນຄັ້ງວັນທີ 26/5/2021 ໃນຂໍ້ຫາລັກຊັບຂອງລັດ ( ລັກຕະແກງເຫຼັກອັດຮ່ອງລະບາຍນໍ້າ ) ຢູ່ຖະໜົນເຂດໄຟແດງດົງນາໂຊກ ຫາ ໄຟແດງເຕ້ 2.
ພັທ ສອນເພັດ ພິຈິດ ຮອງຫົວໜ້າກອງບັນຊາການ ປກສ ເມືອງສີໂຄດຕະບອງ ນະຄອນຫຼວງວຽງຈັນໃຫ້ຮູ້ວ່າ: ໃນວັນທີ 26/5/2021 ເວລາ 23ໂມງ ເຈົ້າໜ້າທີ ປກສ ກຸ່ມສີຖານທີ່ຂື້ນກັບ ກອງບັນຊາການ ປກສ ເມືອງສີໂຄດຕະບອງ ໄດ້ອອກກວດກາລາດຕະເວນໃນພື້ນທີ່ຄວາມຮັບຜິດຊອບຂອງຕົນເມືອມາຮອດບ້ານນາຄຳ ໄດ້ພົບເຫັນ ທ້າວ ຕຳລືງ ຜູ້ກ່ຽວໄດ້ລັກເອົາຕະແກງເຫຼັກອັດຮ່ອງລະບາຍນ້ຳຖະໜົນ ຈື່ງໄດ້ນຳເອົາຕົວຜູ້ກ່ຽວມາສອບສວນ ເບື້ອງຕົ້ນຜູ້ກ່ຽວໄດ້ຮັບສາລະພາບວ່າ:
ໃນເວລາ 10 ໂມງຂອງວັນທີ 26/5/2021 ຕົນໄດ້ມາເຮືອນພີ່ນ້ອງຢູ່ບ້ານດົງນາໂຊກເໜືອໃນເວລາກັບໄດ້ເຫັນຕະແກງເຫຼັກອັດຮ່ອງລະບາຍນ້ຳ ຈື່ງເກີດຄວາມຄິດຢາກໄດ້ໄປຂາຍເອົາເງີນຈື່ງລົງມືລັກເອົາແລ້ວຍ່າງມາເຂດບ້ານນາຄຳ ເຈົ້າໜ້າທີ່ຈື່ງໄດ້ພົບເຫັນແລ້ວນຳຕົນມາຫ້ອງການ ປກສ ກຸ່ມ ພ້ອມທັງນຳຕົວພາໄປຊີ້ຈຸດບ່ອນລັກທຳແຜນປະກອບຄຳຮັບສາລະພາບ ແລ້ວນຳຕົວຜູ້ກ່ຽວສົ່ງໃຫ້ກອງບັນຊາການ ປກສ ເມືອງສີໂຄດຕະບອງ ນະຄອນຫຼວງວຽງຈັນ ເພື່ອດຳເນີນຄະດີຕາມກົດໝາຍ.
