ໃນຊ່ວງເວລາທີ່ພວກເຮົາທຸກຄົນຕ້ອງໃສ່ໜ້າກາກ ເຂົ້າຫາກັນ ເພື່ອຫຼຸດຜ່ອນຄວາມສ່ຽງໃນການຕິດເຊື້ອໄວຣັສໂຄວິດ-19 ດັ່ງນັ້ນ, ຈື່ງເປັນເລື່ອງທີ່ຖືກຕ້ອງ ທີ່ພໍ່ແມ່ຄວນຈັດຫາໜ້າກາກອະນາໄມໃຫ້ລູກໃສ່ ເພື່ອໃຫ້ເກີດຄວາມເຄີຍຊິນ
ແຕ່ສຳລັບ ແອນ້ອຍ ຫຼື ເດັກນ້ອຍເກີດໃໝ່ ໜ້າກາກອະນາໄມ ບໍ່ແມ່ນຕົວຊ່ວຍສຳຄັນໃນການຫຼຸດຜ່ອນຄວາມສ່ຽງຄືກັບຄົນອາຍຸອື່ນໆ
ໂດຍຂໍ້ມູນຈາກ ອົງການອະນາໄມໂລກ ແລະ ອົງການອຸຍນິເຊບ ລະບຸວ່າ ເດັກນ້ອຍທີ່ມີອາຍຸຫຼາຍກວ່າ 12 ປີ ຄວນໃສ່ໜ້າກາກອະນາໄມເຊັ່ນດຽວກັບຜູ້ໃຫ່ຍ ຂະນະທີ່ເດັກນ້ອຍໃນລະຫວ່າງ 6-11 ປີ
ຄວນໃສ່ໜ້າກາກສະເພາະໃນສະຖານະການທີ່ສ່ຽງ ສ່ວນເດັກນ້ອຍອາຍຸຕໍ່າກວ່າ 5 ປີລົງມາ ແມ່ນບໍ່ບັງຄັບໃຫ້ຕ້ອງໃສ່ໜ້າກາກອະນາໄມ X link
ຂະນະທີ່ ເວັບໄຊໄທລັດ ໄດ້ອ້າງອີງຈາກ ທ່ານ ນາງ ພອນພິມົນ ອະທິບໍດີກົມອະນາໄມ (ປະເທດໄທ) ທີ່ເປີດເຜີຍວ່າ: ເດັກນ້ອຍເກີດໃໝ່ ຫາ 1 ປີ ບໍ່ຄວນໃສ່ໜ້າກາກ ເພາະເດັກນ້ອຍເກີດໃໝ່ ລະບົບຫາຍໃຈຍັງບໍ່ແຂງແຮງພໍ ອາດມີໂອກາດເກີດອັນຕະລາຍຕໍ່ກັບລະບົບປະສານໄດ້
ທັງນີ້, ສິ່ງສຳຄັນທີ່ສຸດ ແມ່ນບໍ່ຄວນນຳແອນ້ອຍອອກຈາກບ້ານ ຍົກເວັ້ນການພາໄປຮັບວັກຊີນຕາມໝໍກຳນົດ ຫຼື ພາໄປພົບແພດຫາກມີອາການເຈັບໄຂ້ ໂດຍແນະນຳໃຫ້ໃສ່ລົດຍູ້ທີ່ມີຜ້າປົກປິດ ເວັ້ນໄລຍະຫ່າງຈາກຜູ້ອຶ່ນ ແລະ ໃຫ້ງົດຫອມແກ້ມແອນ້ອຍ ພ້ອມທັງໃກ້ຊິດເກີນໄປ
