ກົດໝາຍເຮັດແທ້..!!ເຈົ້າໜີ້ໂພສປະຈານລູກໜີ້ມີໂທດຕິດຄຸກເຖິງ 3 ປີ ແລະຖືກປັບໃໝສູງເຖິງ 20 ລ້ານກີບ

ນ. ກີ້ (ນາມສົມໝຸດ) ຍືມເງິນ ນ. ຈິນ (ນາມສົມໝຸດ) ຈຳນວນ 10.000.000 ກີບ, ໃນສັນຍາກູ້ຍືມມີກຳນົດໃຊ້ຄືນທັງເງີນຕົ້ນແລະເງິນດອອກເບ້ຍ ພາຍໃນວັນທີ 30 ກຸມພາ 2021. ຍ້ອນວ່າ ກີ້ ຜ່ອນຜັນການຈ່າຍຄືນໝີ້ມາຫຼາຍເດືອນ ແລະ ຈິນ ກໍ່ທວງຖາມກ່ຽວກັບການຈ່າຍຄືນໜີ້ ຫຼາຍຄັ້ງແລ້ວ ແຕ່ ກີ້ ກໍ່ມິດງຽບ ຈິນ ຈຶ່ງຕັດສິນໃຈໂພສປະຈານ ກີ້ ໃນ Facebook ຂອງຕົນ.

ໂພດສດັ່ງກ່າວໄດ້ກ່າວຫາວ່າ ກີ້ ເປັນໜີ້ແລ້ວບໍ່ໃຊ້ ແລ ະໄດ້ໃຊ້ຂໍ້ຄວາມທີ່ບໍ່ສຸພາບເຊັ່ນ: ກີ້ມີຄວາມໜ້າດ້ານ, ເຫັນແກ່ໂຕ, ບໍ່ມີຄວາມລະອາຍ ແລະ ຄຳເວົ້າສຽດສີອື່ນໆອີກ. ຕໍ່ກັບເລື່ອງດັ່ງກ່າວພາຍໃຕ້ກົດໝາຍແລ້ວ, ທັງສອງຝ່າຍມີສິດຫຍັງແດ່?

ຕາມກົດໝາຍແລ້ວ ເມື່ອຄູ່ສັນຍາ ໄດ້ຕົກລົງວ່າຈະຕ້ອງໃຊ້ແທນໜີ້ສິນພາຍໃນໄລຍະເວລາໃດໜຶ່ງ, ລູກໜີ້ ມີພັນທະທີ່ຈະຕ້ອງໃຊ້ແທນໜີ້ສິນຕາມເວລາທີ່ກຳນົດໄວ້, ຖ້າບໍ່ປະຕິບັດພັນທະຂອງຕົນແລ້ວ ຈະຖືວ່າລູກໜີ້ຜິດສັນຍາດັ່ງກ່າວ.ຕາມຫຼັກກົດໝາຍແລ້ວ, ເຈົ້າໜີ້ ດໍາເນີນການທາງດ້ານກົດໝາຍ ໂດຍການຟ້ອງຮ້ອງທາງແພ່ງເພື່ອຮຽກຮ້ອງໃຫ້ລູກໜີ້ສົ່ງຕົ້ນທຶນ ພ້ອມດອກເບ້ຍ ຕາມທີ່ກຳນົດໄວ້ໃນສັນຍາ ພ້ອມທັງສາມາດຮຽກຮ້ອງການຊົດເຊຍຄວາມເສຍຫາຍທີ່ເກີດຈາກການບໍ່ປະຕິບັດພັນທະຂອງລູກໜີ້.

ຄຳຖາມສຳຄັນກໍ່ຄື “ເຈົ້າໜີ້ ມີສິດປະຈານ ລູກໝີ້ບໍ່ຖ້າຫາກວ່າ ລູກໜີ້ປະຕິເສດບໍ່ໃຊ້ໜີ້? ຄຳຕອບ: ບໍ່ມີສິດເດັດຂາດ. ເຈົ້າໜີ້ ມີສິດເຮັດໜັງສືແຈ້ງ ຫຼື ທວງຖາມ ການໃຊ້ແທນໜີ້ສິນ. ຖ້າລູກໜີ້ ຍັງເຜີກເສີຍ ເຈົ້າໜີ້ກໍ່ມີສິດຟ້ອງຮ້ອງຕາມລະບຽບກົດໝາຍເທົ່ານັ້ນ.

ການປະຈານລູກໜີ້ຢູ່ Facebook ອາດເຮັດໃຫ້ເຈົ້າໜີ້ມີໂທດທາງອາຍາ. ອີງຕາມກົດໝາຍວ່າດ້ວຍການຕ້ານ ແລະ ການສະກັດກັນອາຊະຍາກຳທາງລະບົບຄອມພິວເຕີ ມາດຕາ 13 ກຳນົດໄວ້ວ່າ ການນຳເອົາຂໍ້ມູນທີ່ມີລັກສະນະໃສ່ຮ້າຍປ້າຍສີ, ໝິ່ນປະໝາດ, ໃຊ້ຄຳສັບບໍ່ສຸພາບເຂົ້າສູ່ລະບົບຄອມພິວເຕີຈະຖືວ່າເປັນການສ້າງຄວາມເສຍຫາຍທາງສັງຄົມອອນລາຍ. ຖ້າຫາກວ່າພິສູດຕໍ່ໜ້າສານແລ້ວວ່າມີຄວາມຜິດຈິງ, ເຈົ້າໜີ້ອາດຈະຖືກຕັດສິນລົງໂທດຕັດອິດສະລະພາບແຕ່ 3 ເດືອນ ຫາ 3 ປີ ແລະຈະຖືກປັບໃໝແຕ່ 4.000.000 ກີບ ຫາ 20.000.000 ກີບ.

ພ້ອມກັນນັ້ນ ມາດຕາ 61 ຂອງກົດໝາຍດັ່ງກ່າວຍັງກຳນົດໄວ້ວ່າ ລູກໜີ້ສາມາດຟ້ອງຮ້ອງ ເຈົ້າໜີ້ ທາງແພ່ງໄດ້ອີກ. ລູກໜີ້ ມີສິດທີ່ຈະຮຽກຮ້ອງການຊົດເຊີຍຄວາມເສຍຫາຍຕໍ່ກຽດສັກສີ ແລະ ຊື່ສຽງເນື່ອງມາຈາກການຖືກປະຈານທາງ Facebook.

Lao News Time | ເວລາຂ່າວ ສຳລັບທ່ານ

Sponsor by sokxay plus

ວີທີຊື້ເລກ ໄດ້ຮັບເງີນຄືນ 5% ໄດ້ແທ້ 100%

ພຽງເທົ່ານີ້ ກໍ່ຮັບໄປເລີຍ ສ່ວນຫຼຸດ 5% ງ່າຍ


About admin

Check Also

ໂຊກເຮັງ! ເສດຖີຄົນໃຫມ່ມາແລ້ວເດີ້

ໂຊກເຮັງ! ເສດຖີຄົນໃຫມ່ມາແລ້ວເດີ້. ເລກປະຈຳງວດ ວັນທີ່ 5/10/2022 ເຊີ່ງ ເສດຖີຄົນນີ້ໄດ້ຊື້ ຕົວເລກຖືກລາງວັນຊະນະເລີດ 6 ຕົວໂດຍຕົງ ດີໃຈນຳຜູ້ໂຊກດວງເຮັງທີ່ເປັນເສດຖີຂ້າມຄືນໃນຄັ້ງນີ້ເດີ … … ຊົມຄຼິບ ເລທີ່ອອກ …

Leave a Reply

Your email address will not be published.

Recent Comments

No comments to show.