ສຶກສາອົບຮົມກ່າວເຕືອນ ແລະ ເຮັດບົດບັນທຶກ ຮ້ານອິນເຕີເນັດຄາເຟທີ່ລະເມີດຄໍາສັ່ງເລກທີ 15/ນຍ

ໃນວັນທີ 10 ມີຖຸນາ 2021, ພະແນກຕໍາຫຼວດປ້ອງກັນເສດຖະກິດ ຫ້ອງຕໍາຫຼວດ ປກສ ນວ ໄດ້ສົມທົບກັບ ປກສ ກຸ່ມ ແລະ ພາກສ່ວນກ່ຽວຂ້ອງ ລົງກວດກາແກ້ໄຂບັນດາຮ້ານອິນເຕີເນັດກາເຟ ຢູ່ເມືອງສີໂຄດຕະບອງເຊິ່ງພົບເຫັນ 2 ຮ້ານ

ທີ່ລັກເປີດບໍລິການໃຫ້ລູກຄ້າເຂົ້າມາ (ເຕີມເຊີ), ຫຼິ້ນການພະນັນທາງອອນລາຍ ທີ່ລະເມີດຕໍ່ຄຳສັ່ງເລກທີ 15/ນຍ ແລະ ແຈ້ງການ 02/ຈນວ; ເຈົ້າໜ້າທີ່ຈຶ່ງສຶກສາອົບຮົມກ່າວເຕືອນ ແລະ ເຮັດບົດບັນທຶກໃຫ້ຢຸດເຊົາ.

ຜ່ານການກວດກາຕົວຈິງຮູ້ໄດ້ວ່າ: ຮ້ານ Best Internet ເຈົ້າຂອງຮ້ານ ຊື່ ນ. ຢຸ້ຍ ອາຍຸ 25 ປີ ອາຊີບທຸລະກິດ ຢູ່ບ້ານໜອງດາ ເມືອງສີໂຄດຕະບອງ, ພົບເຫັນລູກຄ້າທີ່ເຂົ້າມາເຕີມເຊີ້ເກມຈຳນວນ 1 ຄົນ, ເຈົ້າຂອງຮ້ານອ້າງວ່າໃບອະນຸຍາດທະບຽນວິສາຫະກິດເອົາໄປຕໍ່ຢູ່ໄປສະນີ, ຈຶ່ງໄດ້ຍຶດຄອມພິວເຕີ 1 ຊຸດ ແລະ ເຄື່ອງພິມ 1 ເຄື່ອງ

ສ່ວນຮ້ານ Ballstep 2 Internet ຮ້ານ Ballstep 2 Internet ເຈົ້າຂອງຮ້ານ ຊື່ ທ້າວ ມ້ອນ ອາຍຸ 29 ປີ ອາຊີບທຸລະກິດ ຢູ່ບ້ານອຸບມຸງ ເມືອງສີໂຄດຕະບອງ, ພົບເຫັນລູກຄ້າ 4 ຄົນພາຍໃນຮ້ານທີ່ເຂົ້າມາໃຊ້ບໍລິການ, ຮ້ານດັ່ງກ່າວແມ່ນບໍ່ມີໃບອະນຸຍາດທະບຽນວິສາຫະກິດ ຈາກພາກສ່ວນທີ່ກ່ຽວຂ້ອງ, ເຈົ້າໜ້າທີ່ຈຶ່ງໄດ້ຍຶດອຸປະກອນ ຄອມພິວເຕີທີ່ນຳໃຊ້ເຂົ້າໃນການຫຼິ້ນການພະນັນ ຈໍານວນ 2 ຊຸດ ແລະ ເຄື່ອງພິມ 1 ເຄື່ອງ ຂື້ນມາຮັກສາໄວ້.

ກອງບັນຊາການ ປກສ ນະຄອນຫຼວງວຽງຈັນ ຮຽກຮ້ອງມາຍັງຊາວ ນວ ຈົ່ງປະຕິບັດພັນທະຂອງຕົນຊ່ວຍກັນ ໃນການຮັກສາຄວາມສະຫງົບ, ຄວາມເປັນລະບຽບຮ້ອຍ ຢູ່ໃນນະຄອນຫຼວງວຽງຈັນ ຖ້າເຫັນສະຖານທີ່ ຫຼື ຫົວໜ່ວຍທຸລະກິດໃດຍັງລະເມີດ ແມ່ນໃຫ້ແຈ້ງມາທາງເບີວອດແອັບ 02028899774 ແລະ ແຈ້ງຜ່ານຊ່ອງທາງເຟສບຸກ ປ້ອງກັນຄວາມສະຫງົບ ນະຄອນຫຼວງວຽງຈັນ.

Sponsor by sokxay plus

ວີທີຊື້ເລກ ໄດ້ຮັບເງີນຄືນ 5% ໄດ້ແທ້ 100%

ພຽງເທົ່ານີ້ ກໍ່ຮັບໄປເລີຍ ສ່ວນຫຼຸດ 5% ງ່າຍ


About admin

Check Also

ໂຈນໄດ້ເອົາຄ້ອນໄມ້ ຝາດໃສ່ຫນ້າລົດໃຫຍ່

ເຫດເກີດທາງເຂົ້າບ້ານາຍ່າງ ເມືອງນາຊາຍທອງ ສົດໆຮ້ອນໆຄືນນີ້ ເວລາປະມານ23:30. ໂຈນໄດ້ເອົາຄ້ອນໄມ້ ຝາດໃສ່ຫນ້າລົດໃຫຍ່ ລາວກະຕົກໃຈເເລ້ວເສຍລັກລົງຄອງນ້ຳ ໂຈນໄດ້ເອົາໄຟຟ້າຊ໊ອດ. ຜູ່ກ່ຽວແລ້ວເອົາຊັບສິນ ໄປແລ້ວຍັງໄດ້ກີດຖົງໂສ້ງຜູ້ເສຍຫາຍເພື່ອເອົາຊັບສິນ ພ້ອມລາວໄດ້ ເລົ່າວ່າໂຈນມີເປົ້າ ຫມາຍຈະປຸ້ນເອົາລົດໃຫຍ່ ແຕ່ລົດເສຍລັກລົງຄອງນ້ຳ. ເອົາຂື້ນບໍ່ໄດ້ໂຈນເລີຍໄດ້ຫນີໄປ …

Leave a Reply

Your email address will not be published.

Recent Comments

No comments to show.