Breaking News

ຂ່າວ​ດີ ! ນັກ​ວິ​ໄຈ​ທົດ​ລອງ​ຢາ​ຕ້ານ​ໂຄວິດ-19 ພົບ​ກຳ​ຈັດ​ໄວ​ຣັ​ສ​ໃນ​ປອດ​ໄດ້ 99,9% ສູ້​ໄດ້​ຫລາຍ​ສາຍ​ພັນ

ນັກ​ວິ​ທະ​ຍ​າ​ສາດ​ຄິດ​ຄົ້ນ​ຢາ​ກຳ​ຈັດ​ໂຄວິດ – 19 ສຳ​ເລັດ​ໃນ​ຂັ້ນ 1 ໄດ້​ຜົນ​ດີ​ກັບ​ໜູ​ທົດ​ລອງ ກຳ​ຈັດ​ໄວ​ຣັ​ສ​ໃນ​ປອດ​ໄດ້ 99,9% ເຜີຍ​ວ່າ​ສາ​ມາດ​ສູ້​ກັບ​ໂຄ​ໂຣ​ນາ​ໄວ​ຣັ​ສ​ໄດ້​ຫລາຍ​ສາຍ​ພັນ.

ໃນ​ວັນ​ທີ 18 ພຶດ​ສະ​ພາ 2021 ເວັບ​ໄຊ​ບ​ຣິ​ສ​ເບນ​ທາມ ລາຍ​ງານ​ຂ່າວ​ດີ​ກັບ​ຄວາມ​ຫວັງ​ໃນ​ການ​ຕໍ່​ສູ້​ກັບ​ໂຄວິດ- 19 ເມື່ອ​ນັກ​ວິ​ທະ​ຍາ​ສາ​ດ​ຄິດ​ຄົ້ນ​ຢາ​ປິ່ນ​ປົວ​ໂຄວິດ – 19 ທຸກ​ສາຍ​ພັນ​ສຳ​ເລັດ​ໃນ​ຂັ້ນ 1 ພົບ​ວ່າ​ໄດ້​ຜົນ​ດີ​ກັບ​ໜູ​ທົດ​ລອງ ສາ​ມາດ​ຫລຸດ​ປະ​ລິ​ມານ​ໄວ​ຣັ​ສ​ໃນ​ປອດ​ໄດ້​ເຖິງ 99,9%.

ການ​ທົດ​ລອງນີ້​ເປັນ​ຄວາມ​ຮ່ວມ​ມື​ກັນ​ຂອງ​ນັກ​ວິ​ທະ​ຍາ​ສາດ​ຈາກ​ສະ​ຖາ​ບັນ​ສຸ​ຂະ​ພ​າບ​ເມນ​ຊີ​ສ​ແຫ່ງ​ຄວີນ​ແລນ (MHIQ) ປະ​ຈຳ​ມະ​ຫາ​ວິ​ທະ​ຍາ​ໄລ​ກ​ຣິບ​ຟິ​ດ ອົດ​ສະ​ຕ​ຣາ​ລີ ແລະ ສະ​ຖາ​ບັນ​ວິ​ໄຈ ຊິ​ຕີ້ ອອ​ຟ ໂຮບ ໃນ​ສະ​ຫະ​ລັດ​ອາ​ເມ​ລິ​ກາ ເພື່ອ​ພັດ​ທະ​ນາ​ຂະ​ບວນ​ການ​ບຳ​ບັດ​ທີ່​ອາ​ໄສ​ຫລັກ​ການ​ທາງ​ດ້ານ​ສານ​ພັນ​ທຸ​ກຳ​ຊະ​ນິດ RNA ເຊິ່ງ​ມີ​ເປົ້າ​ໝາຍ​ທຳ​ລາຍ​ເຊື້ອ​ໄວ​ຣັ​ສ​ໂຄວິດ – 19 ໂດຍ​ການ​ຄົ້ນ​ຫາ ແລະ ທຳ​ລາຍ​ສາ​ຍ​ພັນ​ທຸ​ກຳ​ດັ່ງ​ກ່າວ​ຂອງ​ໄວ​ຣັ​ສ ສົ່ງ​ຜົນ​ໃຫ້​ໄວ​ຣັ​ສ​ສູນ​ເສຍ​ຄວາມ​ສ​າ​ມາດ​ໃນ​ການ​ເພີ່ມ​ຈຳ​ນວນ.

ສາດ​ສະ​ດາ​ຈານ ໄນ​ເຈ​ລ ແມັກ​ມິ​ລ​ແລນ ຜູ້​ນຳ​ຄະ​ນະ​ນັກ​ວິ​ໄຈ​ຈາກ​ມະ​ຫາ​ວິ​ທະ​ຍາ​ໄລ​ກ​ຣິບ​ຟິນ ກ່າວ​ວ່າ : ຢາ​ດັ່ງ​ກ່າວ​ມີ​ເປົ້າ​ໝາຍ​ແບບ​ຈຳ​ເພາະ​ເຈາະ​ຈົງ​ສະ​ເພາະ​ກັບ​ໄວ​ຣັ​ສກໍ່​ໂຄວິດ – 19 ເທົ່າ​ນັ້ນ ຈຶ່ງບໍ່​ມີ​ຜົນ​ຕໍ່​ແຊນ​ຊະ​ນິດ​ອື່ນໆ​ໃນ​ຮ່າງ​ກາຍ ເນື່ອງ​ຈາກ​ທາງ​ຜູ້​ພັດ​ທະ​ນາ​ອອກ​ແບບ​ໃຫ້​ຢາ​ຄົ້ນ​ຫາ ແລະ ທຳ​ລາຍ​ແຊນ ຫລື ອະ​ນຸ​ພາກ​ໄວ​ຣັ​ສ​ຊະ​ນິດ​ໃດ​ຊະ​ນິດ​ໜຶ່ງ​ເທົ່າ​ນັ້ນ.

ຫາ​ກ​ຈະ​ໃຫ້​ນຶກ​ພາບ​ການ​ເຮັດ​ວຽກ​ຂອງ​ຢາ​ຊະ​ນິດນີ້ ໃຫ້​ນຶກ​ເຖິງ​ຈະ​ຫລວດ​ນຳ​ວິ​ຖີ ເຊິ່ງ​ມີ​ເປົ້າ​ໝາຍ​ແລ່ນ​ເຂົ້າ​ທຳ​ລາຍ​ເປົ້າ​ໝາຍ ກໍ​ລະ​ນີນີ້​ແມ່ນ​ທຳ​ລາຍ​ສານ​ພັນ​ທຸ​ກຳ​ຂອງ​ໄວ​ຣັ​ສ, ແຕ່​ຈະ​ບໍ່​ອອກ​ລິດ​ໃດໆ​ກັບ​ແຊນ​ອື່ນ ຖ້າ​ຫາ​ເປົ້າ​ໝາຍບໍ່​ພົບ ຢາ​ກໍ​ຢູ່ນິ້ງໆ ບໍ່​ໄດ້​ເຮັດ​ຫຍັງ​ຮ່າງ​ກາຍ​ຂອງ​ມະ​ນຸດ. ສຳ​ລັບ​ຢາ​ດັ່ງ​ກ່າ​ວ​ອາ​ໄສ​ຫລັກ​ການໆ​ຄວບ​ຄຸມ​ການ​ສະ​ແດງ​ອອກ​ຂອງ​ລັກ​ສະ​ນະ​ທາງ​ພັນ​ທຸ​ກຳ ທີ່​ເອີ້ນ​ວ່າ RNA interference (RNAi)

ໂດຍ​ນັກ​ວິ​ໄຈ​ນຳ​ມາ​ພັດ​ທະ​ນາ​ຕໍ່​ເປັນ​ຈຸ​ລັງ​ທີ່​ມີ​ຄຸ​ນ​ລັກ​ສະ​ນະ​ພິ​ເສດ​ກາຍ​ເປັນ​ເຕັກ​ໂນ​ໂລ​ຊີ​ຢຸດຢັ້ງ​ລັກ​ສະ​ນະ​ທາງ​ພັນ​ທຸ​ກຳ​ເປົ້າ​ໝາຍ (gene-silencing RNA technology) ເອີ້ນ​ວ່າ small – interfering RNA (siRNA) ອອກ​ແບບມາ​ໃຫ້​ເຊື່ອມ​ຕໍ່​ເຂົ້າ​ກັບ RNA ຂອງ​ໄວ​ຣັ​ສກໍ່​ໂຄວິດ – 19 ໂດຍ​ເມື່ອ​ເຊື່ອມ​ຕໍ່​ກັນ​ແລ້ວ​ຈະ​ກາຍ​ເປັນ​ຈຸ​ລັງ​ທີ່​ສົ່ງ​ສັນ​ຍານ​ໃຫ້​ແຊນ​ຮ່າງ​ກາຍ​ທຳ​ລາຍ​ສານ​ພັນ​ທຸ​ກຳ​ດັ່ງ​ກ່າວ​ທັນ​ທີ ສົ່ງ​ຜົນ​ໃຫ້​ໄວ​ຣັ​ສບໍ່​ສາ​ມາດ​ເພີ່ມ​ຈຳ​ນວນ​ໄດ້.

ຂໍ້ແຕກຕ່າງຂອງວັກຊີນໂຄວິດກັບຢາຊະນິດນີ້ ວັກຊີນຈະເຮັດໜ້າທີ່ສ້າງພູມຕ້ານທານເພື່ອຫລຸດຄວາມຮຸນແຮງຂອງພະຍາດ, ສ່ວນຢາຕ້ານໄວຣັສ (antivirals) ເຮັດໜ້າທີ່ຕໍ່ຕ້ານ ແລະ ໃຊ້ປິ່ນປົວຜູ້ປ່ວຍທີ່ຕິດເຊື້ອແລ້ວ ເຊິ່ງນັກວິໄຈເບິ່ງວ່າເຖິງວັກຊີນຈະເປັນໜຶ່ງໃນຫົນທາງການຍຸຕິພະຍາດລະບາດ, ແຕ່ຢາຕ້ານໄວຣັສກໍເປັນອີກໜຶ່ງໃນກຸນແຈສຳຄັນຄືກັນ ໂດຍສະເພາະພື້ນທີ່ໆຍັງເຂົ້າບໍ່ເຖິງວັກຊີນ.ຂະ​ບວນ​ການ​ປິ່ນ​ປົວ​ນີ້​ສາ​ມາດ​ໃຊ້​ໄດ້​ຜົນ​ກັບ​ໄວ​ຣັ​ສ​ໂຄ​ໂຣ​ນາ​ສາຍ​ພັນ SARS-CoV-1 ​ທີ່ກໍ່​ພະ​ຍາດ​ຊາ ແລະ SARS-CoV- 2 ທີ່ກໍ່​ພະ​ຍາດ​ໂຄວິດ – 19 ລວມ​ເຖິງ​ຊະ​ນິດ​ໃໝ່ໆ​ທີ່​ອາດ​ເກີດ​ມາ​ຈາກ​ການ​ກາ​ຍ​ພັນ​ໃນ​ອະ​ນາ​ຄົດ​ໄດ້ ເນື່ອງ​ຈາກ​ເປົ້າ​ໝາຍ​ຫລັກ​ຂອງ​ຢາ​ເປັນ​ພື້ນ​ທີ່​ຈຸ​ລັງ​ຖາ​ວອນ​ໃນ​ຈີ​ໂນມ​ຂອງ​ໄວ​ຣັ​ສ.

Sponsor by sokxay plus

ວີທີຊື້ເລກ ໄດ້ຮັບເງີນຄືນ 5% ໄດ້ແທ້ 100%

ພຽງເທົ່ານີ້ ກໍ່ຮັບໄປເລີຍ ສ່ວນຫຼຸດ 5% ງ່າຍ


About admin

Check Also

ວຽກວິກຜົມ ລາຍໄດ້ສູງ ພໍພັກກໍ່ຟຼີ ເຂົ້າກິນກໍ່ຟຼີ ນ້ຳໄຟກໍຟຼີ ພຽງແຕ່ເຂົ້າຝຶກ40ວັນ

ບໍລິສັດລາວ ຄວາລາຕີ (ວິກຜົມ) ປະກາດຮັບພະນັກງານ ຫໍພັກຟຮີ,ລ້ຽງເຂົ້າ 3 ຄາບ ເງິນເດືອນ 3.500.000 -4.000.000 ກີບ ກໍ່ສາມາດສ້າງລາຍໄດ້ຕໍ່ເດືອນ2,000,000-4,000,000ກີບ ເພິ່ນເປີດຮັບ ສະເພາະເພດຍິງອາຍຸ16-30ປີ ເລີ່ມແຕ່ວັນຈັນ …

Leave a Reply

Your email address will not be published.

Recent Comments

No comments to show.